KRISTABIIRI ZEMMO YƐLƐ

Tɔglɔ Jehoova Yelmeŋɛ Nɔmmo Na

Jehoova la neɛ naŋ wulo yelmeŋɛ nɔmmo a gaŋ neɛzaa. (Ym 103:11) A nɔmmo ŋa ba e nɔmmo naŋ maŋ bebe wagre fẽẽ kaŋa poɔŋ kyɛ pare gaa. Yelmeŋɛ nɔmmo eɛ nɔmmo naŋ e zuluŋ, a maŋ kpimare neɛ. Jehoova da tu la soe yaga a kyɛ wuli a Izerayɛl biiri yelmeŋɛ nɔmmo. Saŋa na baŋ da be Igyipitiŋ na, o da faa baŋ a yi gbaŋgbaaloŋ poɔ a gaaneŋ a Noɔre Emmo Teŋgane na. (Ym 105:42-44) O da maŋ zɔɔ ko la o noba na. O da maŋ di la suuri ko ba, saŋa na zaa baŋ maŋ wa erɛ yelfaare na. (Ym 107:19, 20) Ka teneeŋ maŋ ‘gyieli Jehoova nɔmmo naŋ ba baara na yɛlɛ,’ a na eŋ teŋ faŋa ka te tɔgloo.—Ym 107:43.

Collage: Fotori naŋ be a vidio “Kaara Soŋ A Kyaare Jehoova Yelmeŋa Nɔmmo O Yeleree Poɔŋ” na la. 1. Te yɔɔ Capra ane o yɔɔ kaŋa la te puore ba yɔɔpɔge kaŋa o dieŋ. 2. Te yɔɔ Capra la baŋ nyɔge te eŋ nempɔgedieŋ, o neŋ o yɔɔmine la be a nempɔgedieŋ, te yɔɔ Capra la de bondirii korɔ o yɔɔ kaŋa naŋ beɛrɛ a gaŋ gado zuŋ.

KAA A VIDIO ŊA, “KAARA SOŊ A KYAARE JEHOOVA YELMEŊA NƆMMO O YELEREE POƆŊ,” KYƐ PÃÃ IRI A SOOREBIE ŊA NƆƐ:

Bo yɛlɛ mine la teŋ na baŋ e a de wuli yelmeŋɛ nɔmmo?

Ho Noɔre Iribo
Bonso aŋ seŋ ka te maŋ de yɛlɛ mine iri sareka sɛre kyɛ na toɔ̃ wuli yelmeŋɛ nɔmmo?

Ho Noɔre Iribo