Yuoni Gbuli La Ŋa Saŋa Na Zɔɔre Naŋ Be Ukraine Paaloŋ Na Naŋ Piili​—Bo Teɛretɔ Ka A Baabole Korɔ Te?

Arigyima Daare, February 24, 2023, na eɛ yuoni gbuli saŋa na yelfaa kaŋa naŋ e. Yuoni naŋ pare a lɛ bebiri na neŋ o zu ka a zɔɔre naŋ be Ukraine paaloŋ na piili. Duoro mine wuleeŋ ka Ukraine paaloŋ sogyare ane Russia paaloŋ sogyare naŋ ta 300,000 kɔŋ la ba nyɔvoɛ kyɛbee a pere nimizeɛ̃. Ba lɛ yeleeŋ ka noba naŋ be a paalonne ayi ŋa ka ba noɔre ta 30,000 kɔŋ la ba nyɔvoɛ a zɔɔre poɔŋ. Kyɛ, a waa ŋa noba naŋ kpi parɛɛ lɛ gba.

A yɛlɛ nembao zie la ka, sieree zaa kyebe a wulo ka a zɔɔre ŋa waanɛɛ o baaroo.

• “A kyɛre fẽẽ ka yuoni gbuli ta saŋa na Russia paaloŋ sogyare naŋ de kpaŋkpaŋkpeɛ̃o a kpɛ Ukraine paaloŋ, kyɛ yelzaa kyebe a wulo ka a zɔɔre ŋa na baareŋ. Yelzaa kyebe a wulo ka a paalonne ayi ŋa kaŋa na zɔɔtoɔ̃ la, kyɛ ba ba lɛ e siri meŋ ka ba sɛgre a zɔɔre yɛlɛ emmaaroŋ poɔŋ.”​—NPR (National Public Radio), February 19, 2023.

Nɔkpeɛne zaa kyebe ka a zɔɔre ŋa ane zɔɔre mine vɛŋɛɛŋ ka noba naŋ be a donɛɛ lombori zaa wono tuo a kyɛ dire dɔgɛɛ yaga zaa meŋ. Bo teɛretɔ ka a Baabole korɔ te? Wagre kaŋa na taŋ ka zɔɔre koŋ lɛ bebe bee?

Zɔɔre naŋ na vɛŋ ka zɔɔre zaa baare

A Baabole wuleeŋ ka ba na tu la zɔɔre kaŋa eŋɛŋ a kyɛ faa nensaaleba. A zɔɔre koŋ de saammo waneŋ nensaaleba zuŋ. A zɔɔre ŋa la Hammagedon zɔɔre na. A Baabole yeleeŋ ka a zɔɔre ŋa eɛ “a Naaŋmen Kpeɛ̃o Zaa Daana bebi-kpoŋ daare.” (Yel-iriwulaa 16:14, 16) A tuuro a zɔɔre ŋa eŋɛŋ, Naaŋmen na wa sãã la nensaaleba namine zaa, bonso nensaaleba namine tu la zɔɔre eŋɛŋ a kyɛ sãã saammo yaga. Ka hooŋ boɔrɔ ka ho baŋ sori Hammagedon zɔɔre na naŋ na tu kyɛ waneŋ emmaaroŋ meŋɛmeŋɛ, kanne a yelzuri ŋa:

• “What Is the Battle of Armageddon?” (Boŋ La Hammagedon Zɔɔre Na?)

• “Armageddon Is Good News!” (Hammagedon Zɔɔre Na Eɛ Duorisoŋ!)