Lɛ Hoŋ Na Toɔ̃ E Nyɛ Yɛlɛ Naŋ Korɔ Bo Teɛretɔ Yuoni 2024 Poɔŋ​—Wala Ka A Baabole Yeli Kyaare A Yɛlɛ Ŋa?

Noba yaga teɛreŋ ka yelzaa kyebe ka noba na baŋ e yuoni 2024 poɔŋ a faa ba menne yi ba dɔgɛɛ poɔŋ. Kyɛ, te na baŋ taaɛ nendaare kaŋa teɛretɔ. Yeŋ teŋ na baŋ nyɛ a teɛretɔ ŋa?

A Baabole korɔ teŋ teɛretɔ

A Baabole vɛŋɛɛŋ teŋ baŋ ka Naaŋmen eŋɛɛ noɔre ka o na iree yel-faare na zaa naŋ wono te zenɛ ŋa na bare. A koŋ kɔɔre, Naaŋmen na “eɛrɛɛ nentaŋ zaa bare [te] nimieŋ, kũũ koŋ la kyebe, woore, konni, ane kpɛlle ŋmeɛbo koŋ la bebe.”​—Yel-iriwulaa 21:4.

• Ka hooŋ boɔrɔ ka ho zanne yɛlɛ yaga a kyaare nɔɛ na a Baabole naŋ eŋ kyaare nendaare kaŋa, kanne a yelzu ŋa, “A Real Hope for a Better Tomorrow.” (Teɛretɔ Naŋ Bebe Meŋɛmeŋɛ A Kyaare Nendaare Kaŋa.)

Lɛ a Baabole naŋ na baŋ soŋ bo pampana

A Baabole korɔ teŋ teɛretɔ a kyaare nendaare kaŋa naŋ na baŋ soŋ bo ka ho are ho yelkpeɛne noɔre kyɛ taa teɛroŋ naŋ soma meŋ. (Urom 15:13) A Baabole na baŋ ko boŋ kawane naŋ na baŋ soŋ bo ka ho are yelkpeɛne na hoŋ tuoro na noɔreŋ, yelkpeɛne aŋa naŋ, daŋkyagre ane baaloŋ.

• Hooŋ nyɛ lɛ a Baabole naŋ toɔ̃ soŋ dɔɔ kaŋa naŋ baa naŋ poɔŋ oŋ taa emmaaroŋ ane popeɛloŋ o zemmo poɔ. Kaa a vidio, Juan Pablo Zermeño: Jehoova Ko Maŋ Zemmo Naŋ Soma.

• Kanne nyɛ lɛ a Baabole naŋ na baŋ soŋ bo ka ho ta vɛŋ ka posãã yɛlɛ, toɔrɔ ane boma mine hoŋ kɔŋ kyɛbee yɛlɛ mine ho naŋ e kyɛ e kaŋdabaŋkalɛ dɔɔnɔ bo yaga zaa. Kanne a yelzu ŋa, “Can I Find Words of Comfort in the Bible?” (N Na Baŋ Nyɛɛ Sukyiridii Yɛlɛ Yi A Baabole Poɔŋ Bee?)

• Pɔge kaŋa naŋ e sogya yeleeŋ ka, o da maŋ “de la lɛ na oŋ waa sɔgle, a kyɛ ba teɛrɛ neɛzaa meŋ yɛlɛ.” Nyɛ yɛlɛ naŋ somoo oŋ nyɛ teɛretɔ yi a Baabole poɔŋ. Kaa a vidio, I Put Down My Rifle. (N Da De La N Marefa Biŋ.)

Vɛŋ ka 2024 yuoni ŋa soma ko hooŋ ane ho yideme. Zanne nyɛ lɛ a Baabole naŋ na baŋ soŋ bo. Vɛŋ ka neɛ kaŋa wa ho zie, ka ho ne o piili zanna a Baabole. Zanne nyɛ lɛ Naaŋmen naŋ na baŋ ko bo “emmaaroŋ teɛrɛ” pampana ŋa ane “nendaare kaŋa naŋ soma ane teɛretɔ.”​—Jeremaiya 29:11.