Noba Ba Lɛ Dɛle Noba Naŋ Erɛ Politics Yɛlɛ—⁠Wala Ka A Baabole Yeli Kyaare A Yɛlɛ Ŋa?

Yuoni 2024 ŋa poɔŋ, paalonne yaga naŋ be a donɛɛ lombori zaa na vooteŋ a iri noba naŋ na kaara ba zu. Kyɛ noba yaga ba lɛ dɛle noba naŋ erɛ politics yɛlɛ.

• America noba yaga zie zaa ba naŋ peɛre yɛlɛ yeleeŋ ka “a politics noba maŋ boɔrɛɛ a arezie ka ba de bɔ ba meŋɛ yoŋ tɛgɛ boma,” kyɛ a ba e ka ba maŋ boɔrɔ ka ba tonɔ soŋ korɔ noba na baŋ kaara ba zuŋ na la.a​—Pew Research Center, September 19, 2023.

Baapaalba yaga zie zaa ba lɛ dɛle noba naŋ erɛ politics yɛlɛ.

• “Baapaalba naŋ bebe zenɛ ŋa maŋ moɔrɔŋ ka ba sɛgre yelkpeɛne ba naŋ tuoro, kyɛ yɛlɛ baŋ peɛre nyɛ wuleeŋ ka a politics noba koŋ baŋ soŋ ba ka ba sɛgre ba yelkpeɛne na.”​—The New York Times, January 29, 2024.

• “Yɛlɛ mine ba naŋ peɛre wuleeŋ ka, baapaalba dɛlɛɛ noba naŋ maŋ maale vidiori a de eŋ intanɛt zuŋ a gaŋ noba naŋ erɛ politics yɛlɛ.”​—The Korea Times, January 22, 2024.

Ka noba naŋ erɛ politics yɛlɛŋ yelka ba na toɔ̃ vɛŋ ka te taa zeŋ laafeɛ nendaare kaŋa, te na baŋ dɛle baŋ bee? Nembuo teŋ na baŋ dɛle?

Aseŋ ka te kaara soŋ a kyaare neɛ na te naŋ dɛle

A somaŋ yaga zaa ka noba kaara ba menne soŋ a kyaare noba na aŋ seŋ ka ba dɛle. A Baabole yeleeŋ ka, “neɛ naŋ ba baŋ yɛlɛ nimiri yaga maŋ sagɛɛ yelzaa di, kyɛ nimiyuoro maŋ teɛrɛɛ yɛlɛ gaa tɔɔre kyɛ derɛ gbɛre.”​—Yeng Yelibie 14:15.

• Ka hooŋ boɔrɔ yɛlɛ naŋ na baŋ soŋ ka ho baŋ ka duoro na hoŋ kanna kyɛbee a wono eɛ yelmeŋɛ bee zirii, kanne a yelzu ŋa, “Protect Yourself From Misinformation.” (Go Ho Meŋɛ A Yi Zirii Duoro Eŋɛŋ.)

Kyɛ lɛ yoŋ naane, haali ka neɛŋ erɛ politics yɛlɛ a taa poteɛre soŋ a e yelmeŋɛ soba meŋ, kyɛ o ba maŋ taa kpeɛ̃o ka o toɔ̃ e yelzaa o naŋ boɔrɔ ka o e. A lɛ zuŋ ka a Baabole kpãã te ka:

• “Ta wa dɛlɛ nensaalaa naŋ e wedeɛrɛ; nensaalaa zaa kyebe a na baŋ faa bo.”​—Yieme 146:3, Good News Translation.

Wedeɛrɛ hoŋ na baŋ dɛle

A Baabole vɛŋɛɛŋ teŋ baŋ ka Naaŋmen kaa iree wedeɛrɛ kaŋa naŋ soma yaga, a waa dɛlebo meŋ: Ona la Yezu Krista. (Luka 1:32, 33) Yezu la Naaŋmen Naaloŋ na Naa, a Naaloŋ ŋa eɛ gɔmenante naŋ be sazuŋ a dire naaŋ.​—Matio 6:10.

• Zanne nyɛ bon nanso hoŋ na baŋ dɛle Yezu, ane yɛlɛ na oŋ na e a sɛgre yelkpeɛne na zaa teŋ tuoro zenɛ na. Kanne a yelzuri ŋa, “Who Is the King of God’s Kingdom?” (Nembuo La Naaŋmen Naaloŋ Na Naa?) ane “What Will God’s Kingdom Accomplish?” (Boŋ Ka Naaŋmen Naaloŋ Na Na E Ko Te?)