Yɛlɛ Naaŋmen Naaloŋ Naŋ Na E A Kyaare Gɔmenante Wedeɛreba Naŋ Ba Dire Yelmennoŋ

Noba maŋ boɔrɔŋ ka a gɔmenante wedeɛreba e noba naŋ taa dɛlebo; noba enne zaaŋ kyoɔre neŋ lɛ na a gɔmenante noba naŋ tonɔ poɔ̃mo toma na. A yi yɛlɛ mine ba naŋ peɛre yi a donɛɛ lombori zaa yuoni 2023 poɔŋ wuleeŋ ka, gɔmenante wedeɛreba poɔ la noba na mine noba naŋ ba dɛle fẽẽ zaa.a

A Baabole wuli teŋ gɔmenante kaŋa Wedeɛrɛ naŋ be dɛlebo yaga zaa. A Baabole vɛŋɛɛŋ teŋ baŋ ka a Wedeɛrɛ ŋa eɛ yelmeŋɛ soba kpɛlɛŋkpɛlɛŋ, o daŋ koŋ toŋ poɔ̃mo toma zaa. A gɔmenante ŋa la Naaŋmen Naaloŋ na, ka a Wedeɛrɛ meŋ e Yezu Krista.​—Aizeeya 9:7.

Yezu yel-eree vɛŋɛɛŋ teŋ baŋ peɛlaaŋ ka o eɛ neɛ naŋ taa noba yɛlɛŋ yaga zaa. (Matio 9:35, 36) Ka Yezuŋ wa tonɔ toma aŋa Naaŋmen Naaloŋ na Naa, o na vɛŋeŋ ka dantorii ane emmaaroŋ bebe a ko noba na zaa naŋ na sigri ba menne ko o wedeɛ na.​—Yieme 72:12-14.