Potu-Yɛlɛ Nyɛrɛɛ Nimitɔɔre Gaabo Yaga Zaa A Teŋɛzu Lombori Zaa​—⁠Wala Ka A Baabole Yeli Kyaare A Yɛlɛ Ŋa?

Neŋfaare tonɛɛ kpaŋkpaŋkpeɛ̃o toma yaga zaa Haiti paaloŋ. A yi South Africa paaloŋ, Mexico paaloŋ, ane paalonne mine naŋ be Latin America poɔŋ, kpaŋkpaŋkpeɛ̃o toma ane toŋfaare nyɛrɛɛ nimitɔɔre gaabo yaga zaa. A yi paalonne mine poɔŋ, kpaŋkpaŋkpeɛ̃o toma sigee teŋɛ, kyɛ ana paalonne na pooreŋ noba ba taa gomeŋɛ, bonso ba maŋ wonee duoro a kyaare lɛ na naŋnyig-kpeɛne naŋ maŋ te zu noba boma, a sãã ba ziiri, a kyɛ lɛ nyege noba ziiri meŋ.

Bo ka a Baabole yeli kyaare lɛ na potu-yɛlɛ naŋ nyɛrɛ nimitɔɔre gaabo a teŋɛzu lombori zaa na?

Yɛlɛ a Baabole naŋ daŋyeli kyaare potu-yɛlɛ

A Baabole yeleeŋ ka potu-yɛlɛ na poɔ la sieree naŋ wulo ka “a teŋɛ baaroo saŋa taɛ la.” (Matio 24:3) Saŋa na Yezu Krista naŋ da manna yɛlɛ naŋ na erɛ a wagre ŋa poɔŋ na, o da yeleeŋ ka:

• “Kyɛ potuoloŋ naŋ na do zu yaga zuŋ, noba yaga nɔmmo na mãã la.”​—Matio 24:12.

A Baabole yeleeŋ ka “a bebi-baare saŋa,” noba “koŋ nyɔgrɔ ba menne, ba na e la nimikuonii deme, a kyiire yelsonne.” (2 Timoti 3:1-5) A gyog-faare ŋa la vɛŋ ka noba erɛ yelfaare na zaa teŋ nyɛrɛ zenɛ na.

Kyɛ, te taaɛ teɛretɔ. A Baabole eŋɛɛ noɔre ka a koŋ kɔɔre Naaŋmen na iree noba naŋ erɛ potu-yɛlɛ zaa bare.

• “A kyɛre fẽẽ lɛ, ka neŋfaare koŋ la bebe; ho na gaa la zie na ba naŋ be na, kyɛ ba koŋ la bebe. Kyɛ noba naŋ sigri ba menne na zeŋ la a teŋgane ŋa zuŋ, ba na wono la noɔ̃ yaga zaa emmaaroŋ gaalii poɔŋ.”​—Yieme 37:10, 11.

Ka hooŋ boɔrɔ ka ho zanne yɛlɛ yaga a kyaare teɛretɔ yɛlɛ naŋ be a Baabole poɔŋ na, ane bon nanso hoŋ na baŋ sagedi ka yɛlɛ na teŋ nyɛrɛ na vɛŋɛɛŋ ka a Baabole daŋyelbo nyɛrɛ eebo, kanne a yelzuri ŋa.

“A Real Hope for a Better Tomorrow” (Nendaare Kaŋa Teɛretɔ Meŋɛmeŋɛ)

“What Is the Sign of ‘the Last Days,’ or ‘End Times’?” (Bo Sieree La Na Wuli Ka Te Be La ‘A Bebi-Baaree,’ Kyɛbee ‘A Donɛɛ Baaroo Saŋa’?)

“Did the Bible Predict the Way People Think and Act Today?” (A Baabole Wulee Lɛ Na Noba Naŋ Na Teɛrɛ A Kyɛ Erɛ Ba Yɛlɛ Zenɛ Ŋa Bee?)