Bonso Ka Noba Ba Maŋ Erɛ Taa Soŋ?​—⁠Wala Ka a Baabole Yel?

Lɛ na noba naŋ da maŋ erɛɛ taa soŋ na ŋmaara sigre teŋɛ yaga zaa. Noba naŋ beɛrɛ maŋ yelee dɔktare nimikuoŋ-yɛlɛ; noba naŋ maŋ daara siimaa maŋ yelee a siiŋ kuoreba yɛlɛ naŋ ba soma; tokpeɛne deme maŋ yelee lɔ-mɔnneba yɛlɛ naŋ ba soma; bi-bili tokpeɛne maŋ erɛɛ noba laara, a fuuro noba, a zɔɔrɔ neŋ ba wulwulibo; paaloŋ kaareba mine meŋ maŋ de la ba menne te eŋ yel ba eree poɔŋ, ka ba mine meŋ maŋ wulo lɛ ba naŋ taa gyog-soŋ a seŋ.

A Baabole na baŋ soŋ teŋ ka te maŋ erɛ soŋ korɔ taa. A Baabole wulee bon nanso noba naŋ ba erɛ soŋ korɔ taa zenɛ ŋa.

Bonso ka noba ba maŋ erɛ taa soŋ?

Lɛ na noba naŋ ba la sonnɔ taa, ka noba taa gyog-faare na, eɛ yɛlɛ na be a donɛɛ lombori zaa.

• Yelpeɛre kaŋa baŋ e America paaloŋ wuleeŋ ka noba taaɛ gyog-sããnee pampana a gaŋ yuomo lezare ne ayi menne naŋ pare.

• Ba peɛre noba naŋ pare 32,000 a yi paalonne 28, ka ba kpoŋ zie zaa yelka zenɛ ŋa noba taa la gyogri sããŋɛɛŋ yaga zaa, ka noba ba la teɛrɛ ba taa meŋ yɛlɛ.

A Baabole yelee a gyogri ŋa zaa te naŋ nyɛrɛ zenɛ ŋa yɛlɛ.

• “Baŋ peɛlaaŋ ka a bebi-baaree saŋa zie na maaleŋ eɛ kpeɛŋaa yaga zaa. Nensaaleba na eɛ ba menne nɔŋneba, a e libi nɔŋneba, a wulo ba menne, a erɛ taŋkama, a maŋ yele yelfaare yaga zaa, a zagra ba dɔgreba nɔɛ, ba koŋ taa bareka puoroo gyogo, . . . ba koŋ taa nensaaloŋ gyogo, ba na e la nimikuonii deme.”​—2 Timoti 3:1-3.

Ka hooŋ boɔrɔ ka ho kanne yɛlɛ yaga poɔ a kyaare a daŋyelbo ŋa ane lɛ o naŋ nyɛrɛ eebo, kanne a gane ŋa “Did the Bible Predict the Way People Think and Act Today?” (A Baabole Daŋyele Lɛ Na Noba Naŋ Na Maŋ Teɛrɛ Kyɛ Erɛɛ Ba Yɛlɛ Zenɛ Bee?)

Boŋ naŋ na baŋ soŋ te ka te maŋ teɛrɛ noba yɛlɛ

A donɛɛ ŋa poɔŋ noba ba la teɛrɛ taa yɛlɛ, kyɛ noba turituri nyɛɛŋ ka a Baabole na baŋ soŋ teŋ ka te taa gyog-sonne. A Baabole kawane “be la dɛlebo wagre zaa, a yi pampana ŋa a gɛrɛ wagre naŋ ba taa baaraa.” (Yieme 111:8) Vɛŋ ka te nyɛ a mine:

• Lɛ a Baabole naŋ yel: “Yelzaa yɛ naŋ boɔrɔ ka noba erɛ korɔ yɛ, yɛ meŋ erɛ a lɛ korɔ ba.”​—Matio 7:12.

  Lɛ a naŋ wuli: Aseŋ ka te maŋ erɛ soŋ korɔ te taaba a wulo ba gyeremɛ meŋ, a ŋa lɛ na teŋ na boɔrɔ ka ba e ko te na.

• Lɛ a Baabole naŋ yel: “Azuŋ, te naŋ pãã bare zirii ŋmaabo, yɛ vɛŋ ka te zaa maŋ yele a yelmeŋɛ korɔ taa.”​—Efesu 4:25.

  Lɛ a naŋ wuli: Aseŋ ka te dire yelmennoŋ yelzaa te naŋ yele kyɛ erɛ poɔŋ.

Ka hooŋ boɔrɔ ka ho zanne yɛlɛ yaga kyaare a yelzu ŋa, sɔrebo la kanne:

• A Kaakaara Ziduoruu naŋ taa a yelzu ŋa “Right and Wrong​—A Guide You Can Trust.” (Yelsoŋ Ane Yelfaa​—Zie Hoŋ Na Baŋ Nyɛ Kawaŋ-Soŋ A Yi.)

• Intanɛt zu gane “Tolerance​—How the Bible Can Help.” (Kannyiri​—Lɛ A Baabole Naŋ Na Toɔ̃ Soŋ Bo.)