Yɛlɛ Naŋ Na Toɔ̃ Soŋ Bo Ka Ho Maŋ Teɛrɛ Baabole Sɛgre

A maŋ eɛ kpeɛŋaa ko bo ka ho teɛre Baabole sɛgre mine ho naŋ nɔŋ bee? Aminekaŋaŋ, a Baabole sɛgre maŋ dii la ho sukyiri, kyɛbee a soŋ bo hoŋ iri teɛroŋ faare yi ho teɛroŋ poɔŋ. Kyɛbee ho boɔrɔŋ ka ho manne ana sɛgre na yɛlɛ ko neɛ kaŋa. (Yiem. 119:11, 111) Te nyɛ yɛlɛ na mine naŋ na baŋ soŋ bo ka ho maŋ teɛrɛ Baabole sɛgre.

• De a tag bon naŋ be JW Library^® app na tonɔ neŋ toma. Ho na baŋ yuo la a tag kaŋa, a sɛge eŋ o yelzu zie na ka “Favorite Scriptures.” Ho na baŋ sɛgɛɛ a Baabole sɛgre na hoŋ boɔrɔ ka ho teɛre na eŋ beŋ.a

• Sɛge a Baabole sɛgre eŋ zie na hoŋ na baŋ nyɛroo. Sɛge a Baabole sɛgre eŋ gane kaŋa poɔŋ, de o mare zie na hoŋ na baŋ nyɛroo gbɛɛ yaga. Noba mine maŋ sɛgooŋ eŋ bon a de mare ba daŋkyiniŋ, ka ba mine meŋ maŋ de o mare ba firigyi eŋɛŋ. Noba mine meŋ maŋ de la ba fone ŋmaa a sɛgre, a de o eŋ ba komputa bee ba fone nimitɔɔre foto.

• Ho na baŋ sɛgɛɛ a Baabole sɛgre eŋ gambilii poɔŋ, ka a soŋ bo ka ho toɔ̃ teɛre a Baabole sɛgre. Sɛge a Baabole sɛgre eŋ a gane lombori kaŋa, a lɛ sɛge yɛlɛ naŋ be a sɛgre poɔŋ na eŋ o lombori kaŋa. Pãã kaa yɛlɛ naŋ be a Baabole sɛgre poɔŋ na, a moɔrɔ ka ho baŋ Baabole sɛgre naŋ la.