Sɛgbie Naŋ Maŋ Wulo A Baabole Ziiri Mine Na Toɔ̃ Soŋ Boŋ

Ka hooŋ kaa a Nansaalee New World Translation of the Holy Scriptures poɔŋ, ho na nyɛɛ sɛgbie mine naŋ na baŋ wuli Baabole sɛgre mine meŋ naŋ wulo yɛlɛ na hoŋ kanne na gaa tɔɔre. Ba maŋ sɛgɛɛ a sɛgbie ŋa fẽẽfẽẽ lɛ a mare zie na hoŋ kanne na yelbi-baaraa soba. Ka hooŋ kaa Baabolehi na baŋ printi na poɔŋ, ho na nyɛŋ ka ba maŋ maalɛɛ a zie ŋa eŋ a Baabole seŋsooreŋ. Ka hooŋ kaa jw.org kyɛbee JW Library^® app poɔŋ, ho na baŋ klikiŋ kyɛbee a tɔ a sɛgbiri zuŋ, o na yuo la a Baabole sɛgre mine ko bo ka ho kanne.

Ka hooŋ tɔ a sɛgbie kaŋa zaa o na baŋ yuo la a yɛlɛ ama ko bo:

Zie Kaŋa Naŋ Manna Ana Yɛlɛ Na Neŋ A Zu: O na baŋ yuo la a Baabole zie kaŋa naŋ manna ana yɛlɛ na neŋ a zu ko bo. Aŋa mannoo poɔŋ, kanne 2 Saamiuel 24:1 ane 1 Tungkori 21:1.

Zie Ba Naŋ Iri A Yelbie A Yi: O na baŋ yuo la zie ba naŋ iri yɛlɛ mine, kyɛbee yelbiri kaŋa a yi. Aŋa mannoo poɔŋ, kanne Matio 4:4 ane Duturoonomi 8:3.

Daŋyelbo Naŋ Nyɛ Eebo: Ka hooŋ kanne daŋyelbo yɛlɛ mine a tɔ sɛgbiri naŋ mare zie na hoŋ kanne na, o na baŋ yuo la zie na a daŋyelbo naŋ nyɛ eebo ko bo. Aŋa mannoo poɔŋ, kanne Matio 21:5 ane Zekaraiya 9:9.