Aqane Huliwane La Sine Tusi Celë

Ame ngöne la sine itusi celë, tro epuni a öhne la topik kowe la ca drai, memine la itre mekune ka qejepengöne ej. Qanyi epuni kö iëne la ijine tro epuni a e la xötr memine la hna qejepengön. Hna majemine hnei itre xan troa canga hlë e sine hmakanyi matre troa e la topik. Celë hi ka aijijë angatr troa lapa mekune la topike cili ngöne la drai. Ngo tro ha hetre thangane catr, e tro epuni a ce e la topik memine la hnepe lapa i epun. Ame ngöne la itre Bethela e cailo fen, angatr a ce e la topik e hmakany.

Hna xome la itre mekune ka qejepengöne la itre xötr, ngöne la itre Ita Ne Thup (w) qaane Eiperem 2018 koi Maac 2019. Nge ame la numero ka mama thupene la Ita Ne Thup nyine inin, tre, kola qaja la pane tane mekun, maine hnaaluene, maine hnaakönin maine hnaafoan, maine hnaafaifine e hnine la Ita Ne Thup cili. Nge hna amë fe la numero ne la itre paragaraf. (Wange ju la schéma e cahu.) Ijije fe troa kapa la itre xa ithuemacanyi e hnine palahi lai tane mekun.