HNA MELËN
Fifitre Lao Macatre Ne Cainöje o Drai Ngöne La Ketre Götrane Hna Hape, Cercle polaire arctique
KOLA QEJE PENGÖNE HNEI AILI ME ANNIKKI MATTILA
Hnei nyiho hna qaja kowe la ketre sinee i nyiho ka hape, “Tha jole kö koi eö troa pionie, ke, keme me thine i eö a ce hmi me eö, nge ijije hi tro nyidroti a xatua eö.” Ngo öni angeic, “Casi hi la Keme së.” Angeice lai a amekunë nyiho ju la ketre ewekë ka sisitria: Tretretro së e hnengödrai la Atre thupëne la itre hlue i Nyidrë me thue trenge catre i angatr. Kola mama ngöne la mele i nyiho laka, hnei Nyidrëti hna thupë nyiho.
HNE huni hna lapa ngöne la ketre hna axö öni ngöne la götrane kolopi ne Ostrobotnie, e Finlande, nge ala trene eahuni hanekönatr. Itre thöthi pala kö huni la kola traqa lo Hnauelene Isi Ka Tru. Ngacama nanyi kö la hna isi qa ngöne la nöje hun, ngo atre huni laka, tru catre la akötre ne la itre atr. Ngöne la ketre jidr, hna kuië boobëne la traone Oulu me Kalajoki, nge kola pö e hnengödrai la la hudrumene la itre eë. Hnene la keme me thine huni hna ini huni troa canga zae e öhne jë hun la kola sesë la itre avio ne isi. Ame la Tauno, mama i eahuni ka tru, a qaja koi hun ka hape, hetre paradraiso e celë fen gaa pë akötre ngön, haawe, eni hi lai a pi atrepengöne hnyawa ju.
Kola footrine lao macatre i Tauno la angeice a atre la nyipici jëne la hna e la itre itus hna fejane hnene la Itretre Ini Tusi Hmitrötr. Ame la kola traqa la Hnaaluene Isi Ka Tru, hnei angeice hna xele ma hane soc, ke, atre hë angeice la hna qaja hnene la Tusi Hmitrötr. Ame hna xomi angeice jë troa akalabusin, me akötrë angeic. Ngo kolo jë petre hi lai a acatrene catrëne jë la aja i angeice troa nyi hlue i Iehova. Ame hë la kola nue angeic qaa kalabus, tru la hnei angeice hna cainöj. Ame la tulu ka lolo hna amamane hnene la mama i eahun ngöne la itre ijine ne itupathi cili, tre, celë hi ka thue aja huni troa hane sine la itre icasikeu ne la Itretre Anyipici Iehova ngöne la neköi traone ka easenyi hi qa ngöne la hne huni hna lapa. Hne huni hna huliwa me ami mani hnyawa göi troa hane sine fe la itre asabele. Hne huni hna traa wene salatr, me hle wene elaio, me cai gaa zezenyi ne la itre heetre ne la itre ka lapa ezi hun. Hnene laka, tru la huliwa hun ngöne la hne huni hna axö öni, haawe, tha ijiji huni asë kö troa sine la asabele.
Ame la hnei nyiho hna atre göi Iehova me aja i Nyidrë, tre, celë hi ka atrune la ihnimi nyiho koi Nyidrë, ame hnei nyiho hna xome la bapataiso lo macatre 1947. (Kola 15 lao macatre i Annikki, nge 17 Aili.) Hna bapataiso Saimi fe, ketre trejine me nyiho ngöne pala hi la macatre cili. Hnei nyiho fe hna ini Tusi Hmitrötre memine la ketre trejine me nyiho jajiny. Thupene hë, Itretre Anyipici Iehova jë fe hë angeice me hnepe lapa i angeic. Ame nyiho, thupene jë hi lo hna bapataiso nyiho, nyiho pë hë a mekune jë troa pionie ka ixatua e itre xa ijin.
HNEI NYIHO HNA NYIQAANE XOME LA HULIWA NE CAINÖJE NGÖNE LA DRAI KA PEXEJ
Ame lo macatre 1955, hnei nyiho hna feke kowe la traone gaa nanyi e kolo pi hna hape, Kemi. Ngacama nyiho a huliwa drai ka pexej, ngo pi tro nyiho a pionie. Ngo nango cile nyiho pine laka, e nue ju nyiho la ketre götrane la huliwa, tro hë lai a tha ijije la mani ne troa të la itre gufa i nyiho. Celë hi matre öni nyiho, loi e troa pane ami mani hnyawa. Kolo hna qaja hnene lo trejine föe pionie ngöne la qaan la taane mekune celë la ka xatua nyiho troa trotrohnine ka hape, ijiji nyiho fe hi troa hane pionie. Haawe, tha tro kö nyiho a mejiune koi nyiho kö, maine kowe la hnepe lapa i nyiho, ngo loi pe troa mejiune laka Iehova kö la ka troa xatua nyiho matre troa hetrenyi la ka ijije thatraqane la mele i nyiho.
Ame la ijine cili, hnei nyiho hë hna ami mani nyine sine kemeji göi troa pionie koi lue treu. Haawe, ame ju hi lo treu Mei 1957, nyiho hi lai a saene ju troa pionie koi lue treu e Pello, traon ne Laponie, e koho hune lo hna hape, Cercle polaire arctique. Ase petre hi nyiho luelu. Ngo fenesi ju kö la lue treu, eje pala hi lo etrune mani hnei nyiho hna hnëkën, ame hnei nyiho hna saene hmaca ju koi lue xa treu. Thupene jë hi la lue treu cili, tha saze kö lo mani hnei nyiho hna amë nyine sine kemej. Atre hnyawa ha nyiho enehila ka hape, tro Iehova a thupë nyiho. Traqa ha enehila koi 50 lao macatre ne nyiho a pionie, ngo eje pala kö lo sine kemeji nyiho! Ame la hnei nyiho hna wang, tre, kösë kola eatrongëne hnei Iehova la lue iwanakoime i nyiho me hape: “The qou kö, tro ni a xatua eö.”—Is. 41:13.
Ame lo macatre 1958, hnene la atre thupëne la sirkoskripsio hna sipo nyiho troa feke kowe la götrane kolopi ne la ketre traone gaa nanyi hna hape, Sodankylä, e Laponie, matre troa pionie hut. Ame ngöne la ijine cili, casi hi la trejine föe ngöne la traone Sodankylä. Ka ketre pengöne la aqane atre eahlo la nyipici. Hnene la nekö i eahlo trahmanyi hna ce tro memine la uma ne ini angeic troa ihamë ngöne la traone ka tru ne Finlande, hna hape, Helsinki. Ame la ha nekönatre ne la uma ne ini a tro ngöne la gojenyi, hnene la ketre trejine föe ka qatre föe hë, hna hamëne kowe lai nekönatre la ca zonal Ita Ne Thup, me qaja koi nyëne troa hamë thine i nyën. Ame hë la kola e hnei thin, canga trotrohnine ju hi eahlo laka, ame la hna inine hnene la zonale celë, tre, itre nyipici qa hnine la Tusi Hmitrötr.
Hetre hnë tratrau sinöe ngöne la götrane cili, ketre götrane hna thupe sinöe. Hnei nyiho hna lapa ngöne la ca hnahag e koho hune la hna tratrau sinöe, nge hne huni hna icasikeu e cili. Ame ngöne la qaan, ala foa huni la angetre nyi atrene la icasikeu, ene lai trejine föe me nekö i eahlo jajiny, nge nyiho. Hnei eahuni hi hna e la itre mekune ka eje ngöne la porogarame thatraqane la itre icasikeu e nöjei wiik. Ame hë e thupen, traqa pi hi la ketre trahmanyi ka inine la Tusi Hmitrötre me Itretre Anyipici Iehova troa huliwa ngöne la hnë tratrau sinöe. Hnei angeice me hnepe hlapa i angeice hna traqa troa ce sine me eahuni la itre icasikeu, nge thupene lai, bapataiso angeice jë hë me föi angeic. Haawe, ca trejine hë trahmanyi ka ijije troa xomi iujine la itre icasikeu hun. Hnene fe la itre xa trahmanyi ka huliwa ngöne la hnë tratrau sinöe hna hane sine la itre icasikeu hun me kapa la nyipici. Tha qea ju kö e thupen, nge ekalesia ha lo gurupe hun.
THA KA HMALOI KÖ E TROA CAINÖJ
Qea catre la itre gojenyi ne tro nyiho kowe la hna cainöj. Ame ngöne lo itre hneijine hedredrei, hnei nyiho hna trongë ihnadro, me ti velo, uti fe hë la ti he nyiho matre troa ketr la itre atr ne la teritoare i nyiho. Ketre ixatua ka tru koi nyiho la lue ivelo. Hnei nyiho hna ti velo kowe la itre hnë asabele, me göi tro fe a tro kowe la hna lapa i keme me thine i nyiho, itre hadredre lao kilomet la enanyin. Ame ngöne la ijine drai hnötr, hnei nyiho hna canga ti kar e sine hmakanyi kowe la ketre neköi traone ka co, me nango trongë ihnadro pë hë troa cainöje ngöne itre hnalapa trootro. Nge ase së jë hë nyiho wange la nöjei hnalapa e cili, nyiho pë hë a trongë ihnadro hmaca jë kowe la ketre neköi traone ka co. Ame itre xa ijin, nyiho a traqa kowe la itre götrane laka, hmeköni pi hë la kiona ka trotro e cili. Maine nyiho a traqa thupene la thupa ca i ketre atr, haawe, tha jole pë hë koi nyiho troa hane xötrën. Ngazo hi e trotro hmaca pi la kiona, tre, tro hë lai a patr lo itre thupa ca. Ame pena ha e thupene la hneijine hnötr, ene lo ijine kola sajemu la itre feja, kiona hë lai a hmu trootro, nge jole catre hë e troa xötrë gojeny.
Hnei nyiho hna majemine heetre xeti ngöne la itre ijine hnötre me kola hetre kiona. Hnei nyiho hna li isitrëxeni drela ka traqa koi watingöne ca, me luetre maine köni isitrëxeni ka co, me itre butre ka traqa koi fene trengene oxel. Ngo kolo pala hi a lö la kiona hnine la itre butre i nyiho. Qëmekene la tro nyiho a lö kowe la ketre hnalapa, nyiho a una ju la lue butre i nyiho me nengenenge la kiona qa ngön. Ame fe la lue pune kootre i nyiho, tre ka hmuhmu, ke, hna lepe trongëne la kiona ngöne la itre hnei nyiho hna tro. Önine la ketre föe koi nyiho ka hape, ‘Mama catre la lapaune i epon, ke, tha hna ajolë epone kö hnene la ngazo drai troa cainöje trootro.’ Traqa koi 11 lao kilomet hnei nyiho hna trongëne matre traqa pi kowe la hnalapa cili.
Nyimu ijine hnei nyiho hna hlë jidri aqeanyi memine la itre atr ne la itre neköi traon. Nge e hnenipajidri hë, nyiho a sipone ju troa hane meköle thei angatr. Tha ka tru menu kö la itre uma ne la itre atr e cili, ngo itre ka kepe atr pe, me ka ihnim. Hnei angatre hna thue hnë meköle i nyiho me ithue a i nyiho. Nyimu jidri ne nyiho a meköle a kola sitrë ipene öni. Ame pena ha thei itre xan, hetre hnahagene kö la itre sinee ka traqa, matre hnei nyiho fe hna hane mekölen. Celë hi matre, ame la ketre ijin, hnene la ketre föe hna kepe nyiho ngöne la hnalapa i eahlo, ketre iuma atraqatr, hnei eahlo hna nue koi nyiho la ketre hnahage e koho hun, nge e cili, hnei nyiho hna mekölene la ketre ibeetr ka mingöming, me itre isitre ka wië. Ngöne la itre ijine ka nyimutre, qea la hnei nyiho hna porotrikë Tusi Hmitrötre e jidr memine la itre atrene la hnepe lapa ka kepe nyiho. Ame hmaca pena ngöne la ketre hnalapa, hnei nyiho hna meköle ngöne la ca hnahag memine la lue trefën, nyidro ngöne la ketre götran, nge nyiho ngöne la ketre götran. Hnene la trahmanyi me föe hna hnyinge ngöne la jidri ka pexeje matre porotrikë Tusi Hmitrötre jë hi huni uti hë kaqa ne lai.
TRU LA THANGANE KA LOI HNEI NYIHO HNA KAPA NGÖNE LA HNA CAINÖJE TROOTRO
Ngacama Laponie la ketre nöje gaa mingöming, ngo mingöminge catre pala kö koi nyiho la itre atr ka inine troa atre Iehova. Nyimu trahmanyi hnei nyiho hna cainöje kow ka traqa ne thupe sinöe e Laponie. Nyimu ijine laka, ame la nyiho a lö kowe la ketre uma ka co, traqa koi ala truelof lao atr e hnin. Madrine catre la itre atr cili la angatre a drenge la maca qa hnine la Tusi Hmitrötre me e la itre itusi nyiho.
Nyimu ewekë hnei nyiho hna melëne ka ithue madrine i nyiho. Ame la ketre ijin, hna sasaqe koi faifi menetre la iwaci ngöne la hna treqe kar, celë hi matre traqa pë hë nyiho nge patre hë kar. Hnei nyiho hna xome pë hë la ketre kar ka tro hmaca pena kowe la ketre neköi traone kö. Tha ase petre kö nyiho hane cainöje ngöne la götrane cili, ngo ame ju hi la nyiho a traqa kowe la pane uma, önine jë hi la föe hmae, ‘Haawe, epone hë la, eni hi la a treqe epon.’ Hnei nyiho hë hna ini Tusi Hmitrötre memine la trejine me eahlo. Hnene lo föe hmae hna sipone kowe la trejine me eahlo troa upi nyiho troa wai eahlo la drai celë. Ngo tha hnei nyiho ju kö hna kapa la maca. Hnei nyiho hna nyiqaane inine ju la Tusi Hmitrötre me eahlo me itre xa atrene la hnepe lapa i eahlo ka lapa ezine la hnalapa i eahlo. Tha qea ju kö e thupen, nge nyiho ha acasine ju la ini Tusi angatre asë ala truelof. Qaane ju hi lai, ala nyimu qa ngöne la hnepe lapa cili la ka lö troa hane anyipici Iehova.
Ame lo macatre 1965, hna sipo nyiho troa feke kowe la ketre götrane gaa nany, götrane komijë, ngöne la ekalesia e Kuusamo. Ame petre kö ngöne la ijine cili, ala xalaithe hi la ka cainöje ngöne la ekalesia. Ame ngöne la qaan, jole catre troa cainöje ngöne la götrane cili. Ka hmi catre la itre atr, nge xele angatre ma wange la huliwa hun. Ngo tru catre hnei atr ka metrötrëne la Tusi Hmitrötr. Celë hi matre hnei nyiho hna inine troa atrepengöne la itre atr, nge thupene hë la lue macatre, tha jole hmaca kö e troa nyiqaane ini Tusi Hmitrötre memine la itre atr.
TRU PALA HI HNEI HULIWA I NYIHO NGÖNE LA HNA CAINÖJE TROOTRO
Ame enehila, nyiho pala hi a cainöje trootro e nöjei drai, ngacama tha ijiji nyiho hmaca kö troa huliwa ngöne la drai ka pexej. Ame hë enehila, pë hë ejolene e troa cainöje ngöne la teritoare ngacama ka tru ej, pine laka kolo ha xomi loto hnei Aili. Hnene la tresi nyiho hna thuecatrei angeice troa inine xomi loto, nge ame lo macatre 1987, kola 56 lao macatre i Aili, angeice hi lai a hetre peremi. Ketre mina fe, ame la hnalapa i nyiho enehila, tre, kola fedre kowe la Uma Ne Baselaia ka hnyipixe.
Tru catre la madrine i nyiho laka, ala nyimu la angetre kapa la nyipici ngöne la götrane kolopi ne Finlande. Ame la nyiho a xötrei xejë la huliwa ne pionie e cili, ala xalaithe hi la itre ka cainöje trootro. Ngo ame hë enehila, pine laka nyimu ekalesia ha, haawe ca sirkoskripsio fe hë. Ame la nöjei ijine asabele, traqa mina ju hi la ketre atr me qaja koi nyiho ka hape, nyiho hi lo lue ka ini Tusi Hmitrötre ekö memine la itre atrene la hnepe lapa i angeic, lo angeice petre kö a nekönatr. Eje hi laka, hnei Akötresieti hna amanathithine la huliwa i nyiho.—1 Kor. 3:6.
Ame lo macatre 2008, kola umuthe la 50 lao macatre ne nyiho a pionie hut. Nyiho a olene koi Iehova laka, hnei Nyidrëti hna aijijë nyiho troa ithuecatrekeu matre tro pala hi a nyi hlue i Nyidrë. Ngacama tha tru kö hnei mani me mo i nyiho, ngo hetrenyi pala hi nyiho la ka ijij. (Sal. 23:1) Mama ha koi nyiho enehila laka, ame ekö lo nyiho a xötrei xejë la huliwa ne pionie, ase petre hi nyiho hnehengazo menu! Ngo ame ngöne la nöjei macatre asë, hnei Iehova hna thuecatrei nyiho tune la hnei Nyidrëti hna thingehnaeane ka hape: “Tro ni a aegöcatenyi ’ö ; he, tro ni a xatua eö ; he, tro ni a sajuë eö hnene la ime macange ka meköt.”—Is. 41:10.
[Iatr ne la götran 17]
Annikki me Aili ngöne la nöje hna upi nyidroti kow
[Iatr ne la götran 17]
[Map ne la götran 17]
(Wange ju la itus)
FINLANDE
HELSINKI
Sodankylä
Pello
Cercle polaire arctique
Kuusamo
Kemi
Oulu
Kalajoki
[Iatr ne la götran 18]
Qaane la götrane mi: Matti (kem), Tauno, Saimi, Maria Emilia (thin), Väinö (medreng), Aili, me Annikki lo macatre 1935
[Iatr ne la götran 18]
Qaane la götrane mi: Eeva Kallio, Saimi Mattila-Syrjälä, Aili, Annikki, me Saara Noponen lo macatre 1949
[Iatr ne la götran 19]
Kola tro koi Asabele e Kuopio lo macatre 1952. Qaane la götrane mi: Annikki, Aili, me Eeva Kallio
[Iatr ne la götran 19]
Kaisu Reikko me Aili ngöne la hna cainöje trootro
[Hna cinyhihan ne la götran 19]
Ame ngöne la 50 lao macatre ne nyiho a pionie, tha ase kö nyiho pë mani!
[Iatr ne la götran 20]
Ketre drai ngöne la hna cainöje trootro e ijine hnötre catr
[Iatr ne la götran 20]
Itre ka ce ini Tusi Hmitrötre me nyiho
[Iatr ne la götran 21]
Ka madrine pala hi nyiho troa cainöje trootro ngacama hneijine mani ju hë