NYINE ININ

Troa anyipicine hnene la tane mekune celë ka hape, Iehova la Joxu qaane ekö uti hë epine palua, nge tro fe a ithanatane la aqane musi Nyidrëti kowe la itre xupuna i Nyidrë e hnengödrai me e celë fen. Tro fe la tane mekune celë a xatua së troa xötrethenge la tulu ne la itre atr ekö ka nue la mele i angetre troa nyihlue i Iehova, Joxu ka epine palua.

Tro la tane mekune celë a acatrene la ole së kowe la hna kuca hnene la Baselaia ne la Mesia ngöne la 100 lao macatre ne musi ne ej. Tro fe lai a isa xatua së matre tro sa ketre jin ka mele nyipici kowe la Baselaia, nge matre tro fe sa atreine mekune ajuine la aliene la topike ne la macatre 2014.

Nemene la aqane tro ni a huliwane la meleng? Ketre hnyinge ka nyipi ewekë catre kowe la itre ka nue mele hë koi Iehova. Ame ngöne la lue tane celë, tro sa ce ithanatane la itre trepene meköti ka troa eatrongëne la itre Keresiano thöth göi troa huliwa atrunyi koi Iehova, memine la aqane tro la itre qatre Keresiano a akökötrene la huliwa i angatre koi Akötresie.

Tru catre hnei atr enehila hna amenune hnene la itre ewekë ka traqa ngöne la fen, maine pena hnene la aqane nyenyape thele angatre la sipu aja i angatr. Kola amamane hnene la tane mekune celë la köni kepine ka xatuane la itre Keresiano troa acatrene la hnei angatre hna mekune ka hape, easenyi catre hë matre apatrene pi la fene ka ngazo celë hnene la Baselaia i Akötresie.