Itre iamamanyikeu i Iesu hnine la lue tane mekune celë a amamane koi së la itre ini nyine tro sa trongën göi aqane ham, me aqane xatuane la itre atr. Tro fe lue eje lai a ithanatane la itre thiina ka lolo i Iesu. Kola thue mejiune së hnene la lue tane mekune celë kowe la itre drai ka calemi ngöne la kola eatre la itre iamamanyikeu i Iesu ngöne la fen asë.

▪ Loi e Pë Ethan!

Easa mele nyipine la fene ka ngazo catr, celë hi matre jole pi hë koi së troa lapa pë ethane me kuca asë la aja i Iehova. Tro la tane mekune celë a amamane ka hape, ijiji së hi troa isi memine la itre aja së ka ngazo, jëne la hne së hna lapa qale catre koi Iehova, me drengethenge la Wesi Ula i Nyidrë, me kepe ixatua qaathene la itre keresiano ka macaj.

▪ Mele Thenge Jë La Tulu Ne Thith—Götrane 1

▪ Mele Thenge Jë La Tulu Ne Thith—Götrane 2

Maine nyipici laka, tha loi kö e tro sa e gufane la itre trenge ewekë i Iesu ngöne lo tulu ne thith, ngo loi e tro sa xomi ini qa ngön. Tro la lue tane mekune celë a amamane koi së la aqane troa mele thenge la tulu ne thith.

ITRE XA TANE MEKUNE

19 “Nyipi Koi Nyipunie La Xomi Hnin”

KA QA NGÖNE ICETRÖN: Hnene la Itretre Anyipici Iehova hna majemine cainöje hune he, ngöne la itre hnapeti ne Bocas del Toro, götrane kolopi ne Panama. Angatr a cainöje trootro qene ngäbere kowe la itre atr.

PANAMA

ETRUNE LA ITRE ATR

3,931,000

ETRUNE LA ITRE KA CAINÖJ

16,217

ETRUNE LA ITRE PIONIE LAPA

2,534

Hetrenyi la 309 lao ekalesia e Panama, nge ala 2 400 lao pionie lapa, nge ase hë sasaithe la 180 lao pionie hut. Traqa koi 1 100 lao ka cainöj ngöne la 35 lao ekalesia nge 15 lao gurupe ka qene ngäbere. Ketre, hetrenyi fe la 600 lao ka cainöj qa ngöne la 16 lao ekalesia nge 6 lao gurupe ka qene hum e Panama