Loi Koi Ni Troa Easenyi Akötresie

AME enehila, 43 lao macatreng, nge ca mètre la eqeang. Hna hmaca hi lai eqeang lo eni a naene lao macatre. Ame hë la kola atre hnene la kemeng me thineng ka hape, aqane qeangë hë lai, nyidroti a xatua ni jë troa huliwa catr matre tha tro kö ni a hacehnine menune pala ha. Matre hnenge hna cile fë la ca neköi hnë salem qëmekene la hnalapang, me nyidrawane lapane la götrane cili. Nyimutre la itre atr ka traqa troa itö.

Ngo, jole pi hë koi eni, ke tru catre la itre ewekë ka ajolë ni, tune la itre hnë itö. Kösë hna kuca la nöjei ewekë kowe la itre atr ka qea catre kö hung. Nango hleuhleu pi hë ni, ngo hetre ewekë ka saze la meleng lo eni a 14 lao macatre.

Ame la ketre ijin, hna traqa la lue föe ka anyipici Iehova troa itö wene sinöe, me sipo ni troa ini Tusi Hmitrötr me nyidro. Tha qea ju kö thupene la eni a nyiqaane atre Iehova memine la aja i Nyidrë, nge eni ha trotrohnine ka hape, hetre ketre ewekë kö ka sisitria hune la eqeang. Celë hi ka xatua ni catr. Nge Salamo 73:28 la ketre xötre ka tru koi eni. Kola qaja hnene la pane götrane ej ka hape: “Loi koi ni troa eashenyi Akötesie.”

Hna aca tro feke la hnepe lapang kowe la ketre nöj, qaa Côte d’Ivoire a tro Burkina Faso, ame hna saze ju hi la meleng. Ame ngöne la götrane hnenge hna mele ngön ekö, tre majemine hë la itre atr öhnyi ni e salem qëmekene la hnalapang. Ngo ame enehila, trehnyiwa ni nge kösë ka hmo ni kowe la itre atr ne cili. Kola goeëtili ni hnene la itre atr, matre eni pë hë a umë ju koi nyimu wiik. Ame e cili eni a mekune hmaca la elolone koi eni e troa easenyi koi Iehova. Eni a cinyianyi jë kowe la filial ne la Itretre Anyipici Iehova, ame hnei angatr hna upe hnyawa koi ni la atr ka troa xatua ni. Encarnacion Carnia, la ëjene la mesinare ka traqa koi ni hune scooter.

Ame ngöne la götrane hnenge hna mele ngön, tre, ka dro pala hi la itre gojeny nge ka ucic, nge e ijine mani, ka si trëtr. Anyimua hnai Carnia jë kö qa ngöne la scooter la kola traqa troa ini Tusi me eni, ngo tha cile pi kö angeic. Ame la ketre drai, hnei angeic hna hë ni troa ce tro me angeic kowe la hnë icasikeu. Eni ha mekune e cili la aqane troa goeëtili ni hnene la itre atr e cili. Ketre, e tro ni a të hutrö i angeic hune la scooter, troa ahacene catrën nge jole hë troa nyenyape hnyawa. Ngo ame pe, eni pë hë a nangëne jë, ke mekune hmaca jë hi ni lo hnaaluene götrane ne lo xötr ka tru koi ni, kola hape: “Ase hë ni lapaune koi Joxu Iehova.”

Hna ce hna i nyiho e itre xa ijin ngöne la trëtr, ngo hnene laka, pi tro catre hë ni kowe la itre icasikeu, haawe, pëkö pengöne lai koi ni. Ngacama kola goeëtili ni hnene la itre atr e cahu gojeny, ngo ketrepengöne kö la itre atr e hnine la Uma Ne Baselaia, ke angatr a hnyimahnyima koi ni. Thupene la naene lao treu, eni ha xomi bapataiso.

Ame la hnaakönine götranene la xötr, tre, kola hape, “mate tro ni a amamane la nöjei huliwa i cilie asëjëihë.” Atre hnyawa hi ni ka hape, ketre jole ka tru elanyi koi eni la troa cainöje trootro. Mekune pala kö ni lo eni xötrei cainöje ngöne la itre hnalapa trootro. Itre ka tru me itre nekönatr a goeëtili ni, me xötrethenge ni, me hnyima fë la aqane trongeng. Akötre pi hë koi eni, ngo e mekune mina ha ni ka hape, ka nyipiewekë koi angatr la Paradraiso tui eni, haawe, hetre trenge catrenge hmaca jë hi troa xomihnin.

Hnenge hna itöne la ca booster ka köni wiil matre nango xatua ni. Tro la ka ce cainöje me eni a xatua ni troa elë hun, nge thupene lai angeic pë hë a ketre canga elë jë. Maine eje hi laka, jole pi hë koi eni ngöne lo xötrei, ngo tha qea ju kö, ke tru catre hë la madrineng, matre ame hë lo 1998, eni ha pionie lapa.

Nyimutre la itre atr hnenge hna ini Tusi Hmitrötre kow, nge ala foa lao ka xomi bapataiso. Hnene fe la ketre trejine me eni hna kapa la nyipici. Ame ngöne la itre ijine eni a nango kucakuca, tre, kola xatua ni la eni a drenge la aqane kökötre la itre atr ngöne la nyipici. Ame la ketre drai ne eni a meci fë malaria, hnenge hna kapa la ketre tus qaa Côte d’Ivoire. Hnenge ekö hna nyiqaane ini Tusi memine la ketre nekö trahmany ka ini Université, eni pë hë a nue angeice pi kowe la ketre trejine trahmany. Ame hë e thupen, hnene lai ka ini Tus hna feke a tro Côte d’Ivoire. Matre tru la madrinenge troa atre jën la tusi angeic ka hape, ketre atre cainöje hë angeic tha hna bapataisone petre kö!

Nemene la huliwa hnenge hna kuca kowe la meleng? Hnene la ketre organizasio ka xatuane la itre sinatr hna ini ni troa cai mano. Hnene la ketre ka hamë ini hna öhne la aqane huliwang, me hape, “loi e tro sa ini eö troa kuci sop.” Celë hi hnei angatre hna kuca. Haawe, atreine hë ni wasi mano, me kuci sop ngöne la hnalapang. Pi tro catre la itre atr a xome la sopeng, me qaja aloine koi itre xan. Eni kö la ka tro fë trongën memine la sine imotong.

Ngazo pe, ame hë lo 2004, ngazo catre hë la jung, matre tha pionie hmaca kö ni. Ngo, eni pala hi a cainöje trootro.

Itre atr a qaja ka hape, ka hnyimahnyima pala hi ni. Eje hi laka, eni a madrin, ke ka loi koi ni troa eashenyi Akötesie.—Hna qejepengöne hnei Sarah Maiga.