Kola Sa Hnei Tusi Hmitrötr

Hapeu, tro kö a hetrenyi e celë fen la nyipi meköt?

Ame koi epun, tre

• Eje hi

• Ohea

• Maine thatre kö epun

Hanawange la hna qaja hnene la Tusi Hmitrötr

“Ate hë ni laka tro Iehova a kuca la meköti kowe la ate ka aköt, me amekötine kowe la ange pë ewekë.” (Salamo 140:12) Jëne la Baselaia i Akötresie, tro ha hetrenyi la nyipi meköt e celë fen.

Nemene la itre xa ini qa hnine la Tusi Hmitrötr

• Öhne asë hi Akötresie la itre ewekë ka ngazo e celë fen, nge tro kö Nyidrëti a amekötine lai.—Ate Cainöj 5:8.

• Jëne la thiina ka meköti Akötresie, tro ha tingetinge la fen me pë xou.—Isaia 32:16-18.

Hapeu, Akötresieti kö a wangatrune la ketre gurup hune la ketre?

Kola mekun hnei itre xan ka hape, Akötresie a amanathithine maine akötrëne pena la itre atr, nge ame koi itre xan, ka ceitune asë hi la itre atr koi Akötresie. Nemene fe la mekuna i epun?

Hanawange la hna qaja hnene la Tusi Hmitrötr

“Tha hnei Akötesieti hna iwangate hmekunyine ite ate, ngo hna kapa hnei anganyidëti la ate qoue nyidë me kuca la thina ka meköt, ngöne la nöjei nöj’ asë.” (Ite Huliwa 10:34, 35) Ame koi Akötresie ka ceitu asë hi la itre atr.

Nemene la itre xa ini qa hnine la Tusi Hmitrötr?

• Hetrenyi e hnine la Tusi Hmitrötr la ketre “maca ka loi” thatraqane la “nöjei nöj’ asëjëihë, me nöjei tribu, me ite qene hlapa, me nöjei ate.”—Hna Amamane 14:6.