Kola Sa La Itre Hnyinge i Nyipunie
◼ Nemene la nyine troa thupëne hnyawa qëmekene la troa xome la bapataiso?
Eje hi laka, ngöne la nöjei götrane ne la fen, ke, nyimutre la nöjei pengöne me aqane troa hetr, ngo Tusi Hmitrötre a amamane la aqane troa hetr, kola hape: “cememine la metrötre me qahmihmi”, ca tulu hi kowe la nöjei keresiano asë, ngacama isa nöje kö (1 Tim. 2:9). Celë hi sipu tulu nyine troa wangatrune ngöne la aqane troa heetre göi troa xome la bapataiso.
Hna hamëne la ketre ixatua kowe la itre atr ka troa xome la bapataiso hnene La Tour de Garde ne 1 juun, 1985, götrane 30, hna hape: “Loi e troa metrötre ngöne la aqane troa heetr, pine laka enehila, catre hnine la itre aqane heetre ka hnyipixe a kola amamane me xatuane la itre ka xomi bapataiso troa, heetre menu tuune la itre wanaithihlë me itre föe ne gojeny. Ame la ketre ewekë nyine troa wangatrun, ke, kolo itre hna heetre hna mekune ka hape, pëkö engazone e weliwele ecili, ngo e hmuhmu hë, ke, tha ka loi hmacakö e troa goeën. Tha tro kö la ka troa xome la bapataiso a wangacone la ewekë cili, me iathixötrë pena, ngo loi e troa wangatrune me metrötrëne la bapataiso. — Filipo 1:10.”
Qangöne lai, ame la itre ka xome la bapataiso, ke, nyipi ewekë tro angatr’a xötrethenge la hna amekötine celë; ene la troa metrötre me thupëne la aqane troa heetr, me mekune hnyawa la ehmitrötrene la ijine cili. Isa atre hi së laka, e ngazo la hne së hna heetr, maine easë a heetrëne pena la itre imano ka hmelele, ke, e hmuhmu hë, tha loi hmaca kö kowe la keresiano, nge ketre itupathi katru lai koi angeic. Ketre tha ijije kö troa wangacone me wangahmalohmaloiëne la hna heetre së. Celë hi matre, ketre tha nyipi loi kö troa hetrëne la itre inunu hna cinyihane la itre hnaewekë ne fen, tuune la itre ewekë ne thele mo, maine politike pena.
Qangöne lai, nyipi ewekë tro la itretre thupe ka troa ce wange la itre hnyinge memine la itre ka troa xome la bapataiso, a, pane ithahnataane hnyawa la enyipiewekëne la aqane ujë göi hnaheetre ne bapataiso. Celë hi matre loi e troa atrune hnyawa la ijine cili, me amamane palahi laka, tha ceitu së kö memine la fen. — Wange ju la Ioane 15:19.