Göi Itre Icasikeu Ne La Huliwa Ne Treu Julai
Koi 3 Julai Me Wiike Cili
Nyima 194
10 men: Itre ithuemacanyi koi së, me Itre Hna Amekötiine qa hnine la Huliwa ne Baselaia.
17 men: “Hmekëne Ju.” Troa ce ithahnataan.
18 men: “Huliwaane Jë La Nöjei Pengöne Boroshüre Ngöne La Hna Cainöje Trootro.” Ithahnataane ju memine la itre atrene la ekalesia la itre aqane trofë hna hamën. Qaja ju la itre mekune ka nyipiewekë qa hnine la itre boroshüre hna trofë trongën, ngo tha tro pe a aqean. Kuca ju la luetre maine köni iamacanyi nyine amamane la aqane troa trofë itr’ej.
Nyima 213 me thithi ne nyipun.
Koi 10 Julai Me Wiike Cili
Nyima 110
10 men: Itre ithuemacanyi koi së. E ju la hna ithingë.
15 men: “Hnene Kö La Itre Nyine Amekunëne Qathei Iehova Hna Akökötrenyi Së Ngöne La Ua?” Troa ce ithahnataan.
20 men: Thele ju la itre ijine ka ijije troa cainöj. Xome jë la itus Manuel pour l’École, götrane 80-2, paragarafe 11-16, ce wange ju la itre mekune göne la aqane troa thele porotrike memine la itre trehnyiwa. Amamane ju laka ame la troa canga hnëkë, ke, ketre ixatua lai koi së matre troa hetre thangane ka loi la huliwa së. Tro la köni ka cainöje a isa amacaane la aqane troa nyiqaane ithahnata memine la ketre atr ka huliwa ngöne saas, maine ketre atr ka ce ti kare me easë, maine ketre atr ka cile xötrë ngöne magazë ka tru. Amekunëne ju la itretre cainöje troa amë hnyawa la itre note ne la itre ka ajan, me kuca matre troa wai angatre hmaca hnei ketre atr.
Nyima 154 me thithi ne nyipun.
Koi 17 Julai Me Wiike Cili
Nyima 192
10 men: Itre ithuemacanyi koi së.
20 men: “Loi e Troa Wang’Asë Hmaca Lo Itre Atr Ka Kapa Lo Itre Boroshür.” tro la trejine hna iëne troa cile fë la cainöje celë a ithahnatane memine la köni ka cainöj, la kepine matre nyipiewekë catre troa xupexatuane la aja, me wange hmaca lo itre atr ka kapa la itre itus. Angatr’a ce wange lo itre tulu ne aqane trofë hna hamën, nge amacaane ju, la aqane troa trofë itr’ej kowe la ketre e nyidro.
15 men: Troa xomiujine la ini Tusi Hmitrötre ne la fami. Troa kuca la cainöje celë hnene la ketre qatre thupe ka xomiujine lapaane la itre ini Tusi Hmitrötr. Xatuane jë la itre trejine troa catre troa nyiqaane inine la Tusi Hmitrötre kowe la itre atr. Ce wange ju la itre mekune hna hamëne ngöne la itus Organisés pour bien remplir notre ministère, götrane 89-91. Qaja ju fe la itre hna melëne ngöne la götrane i epun, tha tro pe a aqean.
Nyima 164 me thithi ne nyipun.
Koi 24 Julai Me Wiike Cili
Nyima 126
10 men: Itre ithuemacanyi koi së. Ce wange ju la hna cinyihane ka hape “Porogarame Ne Asabele Ne Sirkoskripsio Ka Troa Xulu.”
15 men: Itre ihaji koi së. Maine pena troa hamë cainöje hna hneatrepene hnene la hna cinyihane “Amamane jë la aqane troa hnime hnene la keresiano la itre qatr,” hnine La Tour de Garde ne 1 ogas, 1994, götrane 27-30.
20 men: Nemene la hna mekune hnene la itre atr ka lapa ezi epun? Cainöj, me iamacanyi hna hneatrepene hnene La Tour de Garde ne 15 julai, 1974, götrane 425-7. Hamëne ju la itre ixatua ngöne la kepine matre kola traqa palahi la itre itupathi koi së. (Qejepengöne ju lai götrane 425 memine lai pane paragaraf ngöne la götrane 426.) Thupene lai, troa kuca la ketre iamacanyi nyine amamane la hna melëne hnene la lue trefëne ngöne la kola xötrei inine la Tusi Hmitrötre kowe la ketre fami, hna axouene hnene la itre atr ne fene ka icilekeu memine la troa inine la Tusi Hmitrötre memine la itre Temoë i Iehova. (Ce wange ju pe la itre mekune ka tru ngöne la sine lai hna cinyihan.) Amamane hnyawaane ju la itre kepine matre tha tro kö lai fami ka xötrei ajane troa inine la Tusi hmitrötre a nango kucakuca, maine nuetrije pena.
Nyima 169 me thithi ne nyipun.
Koi 31 Julai Me Wiike Cili
Nyima 136
10 men: Itre ithuemacanyi koi së. Itre Ithuemacanyi Qa Thei Akötresie.
15 men: “Loi e Troa Ithuecatr.” Troa kuca hnene la ketre qatre thup.
20 men: Ce wange ju la itre itusi nyine troa trofë e treu ogas. Amamane ju la itre boroshüre ka 32 lao götrane hna troa trofë. Sipone ju la itretre cainöje trootro troa qejepengöne la itre hnei angatre hna hane melëne ka amadrinën, ngöne la angatr’a trofë trongëne la itre boroshüre lo treu julai. Kuca ju la ketre iamacanyi nyine amamane la aqane troa nyiqaane inine la Tusi Hmitrötre kowe la ketre atr e hna xome hnei angeice la boroshüre hna hape Dieu se soucie-t-il vraiment de nous? Qaja ju lai hnyinge hnine lai paragarafe 1 ne la Mekene 1. Goeëne hnyawaane ju lai aqane ujë ne lai atr kowe la itre mekune hna hamëne ngöne la itre paragarafe 2-4. Qejepengöne ju lai hna amamane hnene la boroshür, ene laka Akötresieti a kukehnine la atr, nge ijije tro së a hetrenyi la mele hna hnëkëne koi së ngöne la fene hnengödrai ka troa xulu, a ka hnyipixe, nge gaa pëkö akötr. Hnyingëne ju matre troa bëeke hmaca troa sisedrëne la porotrik.
Nyima 179 me thithi ne nyipun.