Göi Itre Icasikeu Ne La Huliwa Ne Treu Julai
Koi 7 Julai Me Wiike Cili
Nyima 6
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa ne Baselaia. Qaja jë la hna kuca ngöne la hna cainöje trootro ngöne la nöj, me ngöne la ekalesia.
15 men: “Hna Nyijune Ka Loi Kowe La Atre Mele Nyipici.” Troa ce ithahnatan. Qaja ju fe la itre mekune qa hnine la Réveillez-vous! ne 22 januare 1993, götrane 18-21.
20 men: “Akeukawane Jë La Hni Ne La Itre Xaa Atr.” Troa ce ithahnatan. Troa kuca la caasi maine lue iamacany. Hnyingëne jë kowe la itre xaa trejine la aqane nyiqaane ithahnata angatre kowe la itre xan, jëne la itre boroshür. Hamë ithuecatre jë ngöne la aqane troa iëne hnyawa la itre hnaewekë ka thaa jole kö troa trotrohnin, matre troa ahlëne la aja ne la itre atr. (Wange ju la itus Manuel pour l’École, götrane 7, paragarafe 9-11.) Amamane ju fe la itre xaa boroshüre ka ijije troa hane trofë, nge ka hetrenyi petre kö thene la ekalesia.
Nyima 70 me thithi ne nyipun.
Koi 14 Julai Me Wiike Cili
Nyima 5
12 men: Itre ithuemacanyi koi së. E jë la hna ithingë. Wange jë la hna cinyihane hna hape, “Tro Ha Etidine La Itus Bonheur familial.”
18 men: “Cainöjë Jë Ngöne La Itre Gaa Hetre Atr.” Cainöj. Maine ijije la traem, hane ju hamëne la itre xaa ewekë hna melëne hnene la itre xaa trejin, a hna fejane ngöne la Annuaire 1997, götrane 43-6.
15 men: Itre keme me thin—Inine jë la itre neköi epuni qaane la angatre a co. Kola ithahnatane hnene la itre qatre thupe la itre trepene meköti hna ajane hnene la itre keme me thin, matre troa inine la itre nekö i angatre qaane lo nyudrene a co. (Ite edomë 22:6; 2 Tim. 3:14, 15) Nyimutre la itre keme me thine ka mekune ka hape, thaa ijine tro pala kö a hamëne hnyawa la itre ini qa hnine la Tusi Hmitrötr, e coco catre petre kö la atr, ngo pane atreine jë angeice nyiqaane axeciëne la itre xaa mekun. Celë hi matre nyimutre catre la itre nekönatre ka nyiqaane qene thiina ne fen. Loi e troa nyiqaane inine la Tusi Hmitrötre nge medrenge petre kö la nekönatr. (g97 3/8 26-7; w88 8/1 12-13) Ithahnata jë memine la ketre trefëne ka amamane laka, nyipi ewekë catre la mele ne la itre nekö i angatre ngöne la ua. Amamane jë laka, hnëqa i keme troa inine la itre nekönatr, ngo loi e tro asë hi nyidro keme me thine a hamëne pala hi la ketre porogarame ne ini thatraqane la itre nekö i nyidro. Tro la trefëne a qaja la ewekë hna catre kuca hnei nyidro matre troa inine la itre nekönatre la nyipici, ene laka, hnei nyidroti hna trongëne pala hi la itre ixatua hna hamëne hnei organizasio, ngöne la aqane troa hetrenyi la ketre porogarame ne ini ka hetre thangan, ngöne la hnalapa. Tro la atre thupe a amamane hnyawa la enyipiewekëne la troa trongëne hnene la itre keme me thine la hna upi angatre troa kuca hnene la wesiula Akötresie.—w85 4/1 23; Efe. 6:1-4.
Nyima 71 me thithi ne nyipun.
Koi 21 Julai Me Wiike Cili
Nyima 14
12 men: Itre ithuemacanyi koi së. Wange hmaca ju la “Porogarame Ne Asabele ne Sirkoskrisio.”
13 men: “Dei La Ate Tro Thataqai Shë?” Ketre cainöje nyine ithuecatr. Ithuecatre jë fe kowe la itre trejine troa xome la huliwa ne pionie lapa, nge qaja jë fe la ewekë hna melëne hnene la ketre trejine ngöne la sinecetrone la Huliwa ne Baselaia ne febuare 1997, paragarafe 16-17. Maine thaa ijiji së kö troa hane pionie lapa, haawe, ma loi e tro pe së a hnëkëne me ami hatrene la caas, maine nyimu treu ngöne la macatre ne huliwa ka troa xulu, matre troa hane xome la huliwa ne pionie ka ixatua.
20 men: Loi e tro së a hnëkë troa cainöje ngöne la nöjei ijin. Ngöne la nöjei drai, hetrenyi pala hi la itre ijine ka ijije koi së, troa cainöje kowe la itre atr hne së hna iöhnyi memin. Ngo ame pena ha la kola ijije koi së troa ithahnata memine la ketre atr, pë hmaca pena ha Tusi Hmitrötr, maine itre itusi pena nyine troa tro fë the së. Qa ngöne lai, loi e tro pala hi a hnëkë. Loi e tro fe a amë la itre xaa zonale ngöne la ezine la qëhnelö, matre troa hane amamane kowe la itre ka iwai. Amë ju fe hnine la itre sine valisi epuni maine hnine sine watrenge pena la itre zonale ka isapengöne kö, nge xometrongëne jë ngöne la epuni a xomi loto, me tro kowe la hnei epuni hna huliwa, maine ngöne pena la hnë saze i epuni ngöne la hna ini. Ketre tune mina fe la epuni a ti kar, xometrongëne jë la itre xaa itus. Tune fe la epuni a trongene huliwa, me tro kowe la hna Kovasio, maine mano pena, loi e tro pala hi a xome thei epuni la itre itusi nyine troa trofë. Ithahnatane jë la itre xaa ixatua hnine la itus Manuel pour l’École, götrane 80-2, paragarafe 11-16. Iamacanyine ju la itre aqane troa nyiqaane ithahnata memine la ketre atr ka salem, me sine huliwa, me sine ini, me ketre ka hane ce ti avio maine he me epun, maine ketre atr ka ngenu pena.
Nyima 72 me thithi ne nyipun.
Koi 28 Julai Me Wiike Cili
Nyima 15
12 men: Itre ithuemacanyi koi së. Amekunëne jë la itre trejine asë troa hamëne la itre rapore ne hna cainöje trootro. Ce wange hmaca ju la itusi nyine troa trofë e treu ogas. Loi e tro së a catre trofë trongëne la itre boroshüre e treu julai, me hane wange hnyawa fe la itre vizite e ogas, me thele troa nyiqaane inine la Tusi Hmitrötre me angatr. Ame ngöne la kola ce wange la sinetrongene la Huliwa ne Baselaia ne maac 1997, amamane hnyawa jë la itre mekune ka sisitria nge ka troa hetre thangane ka lolo ngöne la kola iwai hmaca. Loi e tro fe a nyiqaane la itre etidi ngöne la boroshüre Thele maine ngöne la itus Connaissance.
15 men: Itre ihaji koi së.
18 men: Kuca apexejene jë së la huliwa ne cainöje së. Cainöje hna kuca hnene la atre thupëne la huliwa ne cainöj, hna nyitrepene ngöne la itus Notre ministère, götrane 5-8. Amamane hnyawa jë la enyipiewekëne me esaqene la troa cainöjëne la maca ka loi, matre troa kala la hni ne la nöjei trejine asë troa kuca la hnëqa i angatr, tune la itre hlue ka metrötrëne la huliwa i angatr.
Nyima 75 me thithi ne nyipun.