Itre Hna Amekötiin

◼ Itre itusi hna troa tro fë e treu januare: Itre xaa itusi ka 192 lao götran, ka hetrenyi hnine la ekalesia, tune la itus, Atrehmekune Ka Eatrongëne La Mele Së Kowe La Mele Ka Pë Pun a 150 F la thupen. Febuare: Le secret du bonheur familial koi 150 F. Maac: Atrehmekune Ka Eatrongë Së Kowe La Mele Ka Pë Pun koi 150 F. Troa pane thele troa etid memine la itre atr. Eiperem: Troa abone la lue zonal, La Tour de Garde me Réveillez-vous! koi 1000 F e caas (caa macatre) maine 500 F (Sikisi lao treu). Loi e troa tro fë la boroshüre Thele, kowe la itre atr ka drei së, me thele troa nyiqaane etid me angatr.

◼ Troa hamëne kowe la itre trejine asë ka sine la icasikeu thatraqane la huliwa ne cainöje ne la wiike ne 4 januare, la itre pepa, “Instructions médicales préalables/Décharge” me “Carte d’identité” thatraqane la itre nekö i angatr.

◼ Qaane e Febuare, nge uti hë e 1 maac, troa kuca hnene la atre thupëne sirkoskripsio, lo cainöje ka hnyipixe thatraqane la ka ala nyim; ame la taan, ke, “Hapeu ka mele Akötresieti koi së?”

◼ Loi e tro la itre ekalesia a hnëkëne matre troa atrune la Drai ne Amekunëne la meci Keriso la macatre celë, drai ka co ne 1 eiperem, thupene la hna lö la jö. Maine troa canga nyiqaane la cainöj, ngo ame koi itre areto, Loi e troa nyiqaane tro fë itre eje thupene la hna lö la jö. Wange ju la meteo matre troa hnyingëne la hawa ne kola lö la jö ngöne la götrane së. Ngacama ka loi kö tro la nöjei ekalesia a isa atrune la Drai ne Amekunën, ngo ame pe, ke, thatreine kö troa ej. Ame ngöne la itre uma ne Baselaia hna icasikeu hnene la itre ekalesia ka nyimutre, ke, ijije tro la itre xaa ekalesia a thele la ketre götrane matre troa icasikeu la heji cili. Maine ijij, ke loi e troa nue la 40 menetre akawane la lue icasikeu, matre troa hane ibozu memine la itre atr ka traqa kowe la drai cili, me xatua angatre itre ka xötrei sine la icasikeu, me kepe thangane hnyawa la ijine cili. Loi e tro mina fe a hnëkëne la hna acili loto, me hmekëne la itre ejolene ej, tune la iati atr me iami ngöne la hna icasikeu. Loi e troa axeciëne hnene la Collège ne la itre qatre thupe la itre nyine kuca ka sisitria thatraqane lai.

◼ Troa kuca lai cainöje ka ketre pengöne göne la ijine Amekunëne la meci Keriso 1999 e sabath drai 18 eiperem. Ame la taane la cainöj, ke, kola hape “Ihnimi nyipici koi Akötresie, me kowe la itretre lapa easenyi së.” Troa hamëne la itre mekune ka tru. Maine ngöne la wiike cili, ke, hetrenyi la itre ekalesia hna vizitëne hnene la atre thupëne la sirkoskripsio, maine ka asabele ne sirkoskripsio, maine pena ka asabele ka ketre pengöne ne caa drai, loi e tro angatre a kuca lai cainöje ka ketre pengöne ngöne la wiike thupen. Pëkö cainöje ka ketre pengöne hna troa kuca qëmekene la drai 18 eiperem 1999.

◼ Itre Itusi Hna Xötrei Kapa:

Calendrier 1999—Qene Papale, me qene Faras

Examinons les Écritures chaque jour 1999—Qene Papale

Perspicacité—Qene Faras

◼ Itre Itusi Hna Kapa Hmaca:

Doit-on croire à la Trinité?—Qene Faras