Göi Itre Icasikeu Ne La Huliwa Ne Treu Januare
Koi 4 Januare Me Wiike Cili
Nyima 36
10 men: Itre ithuemacanyi koi së. Iëne jë la itre xaa mekune qa hnine la Itre Hna Amekötiin ngöne la Huliwa ne Baselaia. Maine kolo ha saze la itre drai ne icasikeu, ngöne la treu januare, loi e troa thuemacane asë la itre atrene la ekalesia, matre troa isa nyihatrene la itre drai me hawa ka hnyipixe hnine la idrai.
15 men: “Huliwane Hnyawane Jë La Itre Itusi Së.” Troa ce ithahnatan. Ithuemacanyine jë la itre itusi nyine troa tro fë, tune la itus, Atrehmekune. Amamane jë la itre itusi ka ijije troa tro fë hnene la ekalesia, ene la itus Atrehmekune, maine bonheur familial. Amamane jë la nöjei pengöne mekune ka tru e hnine lai itre itusi cili, nge qeje pengöne jë la aqane troa tro fë itre eje kowe la itre xaa atr. Xatuane asë jë la itre trejine troa cainöje fë la itre itusi cili, ngöne la itre hnalapa trootro, me ngöne la hna cainöje ngöne la nöjei ijin, e treu januare. Kuca jë la ketre iamacanyi ka xoxopatr, nge ka hmaloi troa trotrohnin.
20 men: Nyiqaane hnëkë jë troa trongëne la wathebo i Akötresie göi madra. Kola troa ithahnatane hnene la qatre thupe la enyipiewekëne la troa nyialiene hnyawa la pepa göi “Instructions médicales préalables/Décharge.” Kola amamane fe hnene la hna amekötine ngöne Salamo 19:7 ka hape, ame la mekune ka eje ngöne ite huliwa 15:28, 29, celë hi hatrene la wathebo ka meköti Akötresie, göi madra. Kola catre metrötrëne la wathebo celë hnene la itretre mele nyipici koi Akötresie. Tro la pepa celë a nyi trenge ewekë së pë hë maine troa traqa la ketre ijine thatreine kö së ithahnata, me amamane hnyawa la ecatrene la mekune hne së hna xom. (Wange ju la Ite edomë 22:3.) Kola hamëne hnene la carte ka hnyipixe, la mekune hne së hna xome thatraqane la mele së, ene la troa thipetrije la xomi madra ngöne la nojei drai ne mele së. Troa hamëne ngöne la ijine icasikeu kowe la itre trejine asë ka ajane troa kapa la pepa ka hnyipixe, nge ame koi itre nekönatre ka co hna thaa bapataisone petre kö, troa hamë angatre la isa caa carte d’identité. Troa nyialiene hnyawa la itre carte cili. Loi e troa siji hatrene me anyipicine la itre carte hnene la itre trejine asë, nge kola goeëne hnene la itre qatre thup, memine lo atre xomiujine la Ini Tus. Ketre, matre troa hamë ixatua kowe la nöjei atrene la gurup, hnene lai atre xomiujine la Ini Tus. Ame koi itre ka paatre kö ngöne la ijine kola thewe carte, nge ka ajane troa nyialiene me siji hatrene ej, haawe, tro pë hë la itre qatre thupe me itretre xomiujine la itre Ini Tus, a ce wange pe me angatre ngöne la icasikeu thatraqane la huliwa ne cainöje ka troa xulu; ketre tune mina fe kowe lo itre trejine asë ka thaa fenesi pala kö hna nyialiene hnyawa la itre carte. (Wange hmaca ju la tusi hna kapa lo 5 nofeba 1997.) Tro la itretre cainöje hna thaa bapataisone petre kö a ketre cinyihane la pepa i angatre thenge la carte celë, me qaja amamane la lapaune i angatr. Loi e tro la itre keme me thin a xatuane la itre nekö i angatre ka thaa bapataiso petre kö troa nyialiene la “Carte d’identité” i angatr.
Nyima 61 me thithi ne nyipun.
Koi 11 Januare Me Wiike Cili
Nyima 88
10 men: Itre ithuemacanyi koi së. Troa e la hna ithingë.
20 men: “Mekune Hne Së Hna Ce Axeciën—Troa Trongëne La Jëne Mele Qa Thei Akötresie.” Cainöj. Troa hamëne fe la itre ixatua kowe la nöjei atr asë, matre troa sine pala hi lo faifi lao icasikeu ngöne la nöjei wiik.
15 men: “Xomi Hnine Ju.” Troa ce ithahnatane hnene la itre atrene la hnepe lapa. Angatre a caa wange hmaca la itre aqane troa xomihni ahoeanyi hnyawa ngöne la hna cainöje trootro. Hane ju fe xome la itre mekune ka lolo hnine la zonal, La Tour de Garde ne 15 juun 1995, götrane 12.
Nyima 135 me thithi ne nyipun.
Koi 18 Januare Me Wiike Cili
Nyima 169
5 men: Itre ithuemacanyi koi së.
10 men: Itre ihaji koi së.
15 men: “Itretre Thupe a Elemekene La Huliwa—Itretre Xomiujine La Ini Tusi Ne La Ekalesia.” Cainöje hna troa kuca hnene la ketre trejine ka elemekene la Ini Tus, nge ka amamai tulu ka loi; kola troa wange hmaca la itre hnëqa i angeic. Angeice a troa amamane la aqane tro la huliwa celë a akökötrene la lapaune ne la ekalesia, memine la emelene eje ngöne la ua. Xome jë fe la itre mekune ka tru qa ngöne la itus, Organisés pour bien remplir notre ministère, götrane 43-5, 75-7
15 men: “Nyiqaane jë la itre etid jëne la boroshüre Thele.” Troa ce ithahnatan.
Nyima 197 me thithi ne nyipun.
Koi 25 Januare Me Wiike Cili
Nyima 201
10 men: Itre ithuemacanyi koi së.
15 men: “Kola Saze La Etrune La Itre Hawa Hna Athipe Kowe La Itre Pionie.” Cainöje hna troa kuca hnene la ketre qatre thup. Qaja aloine jë la itre pionie hnine la ekalesia, nge xatuane jë la itre trejine asë troa xome la huliwa ne pionie ka ixatua me troa hane pionie lapa; nge loi e troa nyiqaane mekune la itre ewekë nyine troa kuca ngöne la maac, me eiperem, me mei. Xome jë fe la itre ithuemacanyi qa hnine la itre sinecetrone la Huliwa ne Baselaia ne febuare 1997, me julai 1998.
20 men: Hane kö nyipunie e lapaane la topike ne la drai? Cainöj, nge troa ce ithahnatane fe. Ame ngöne la nöjei macatre, kola hamëne hnei Sasaiatri la sine itus, Examinons les Écritures chaque jour. Hapeu, epuni kö a isa huliwane hnyawa lai itusi cili, maine ce wange pena memine la hnepe lapa i epun? Qaja jë la itre manathithi nge itre kepine matre easë a wangatrune hnyawa la itre xötre ne la Tusi Hmitrötre ngöne la nöjei drai. Ithahnatane jë la itre mekune ka eje ngöne la itre pane götrane ene la sine itus, Examinons les Écritures chaque jour—1999, götrane 3-4. (Maine thaa ase pala kö së kapa itre ej, haawe, xome jë lo lai itre topike ne 1998) Sipone jë kowe la itre trejine troa qaja la aqane catre wange angatre la itre topike ne la drai, me kapa la itre mekune ka acatrene la lapaune i angatre isa ala caas, memine la hnepe lapa i angatr.
Nyima 225 me thithi ne nyipun.