Itre Ithuemacanyi Akötresie

◼ Ame ngöne lo 7 okotropa 1998, kolo fe hë a hane nue hnei musi ne Bulgarie, la itretre Anyipici Iehova troa cainöjëne la Baselaia. Easë a ce olene memine la 946 lao trejine ka cainöje ngöne la nöje cili, la aqane akökötrene Iehova la huliwa i Nyidrë.

◼ Ame ngöne lo 12 okotropa 1998, hna nyiqaane kapa hnene la musi ne Latvia, la lue pane ekalesia, ngöne 21 hna acile ngöne la nöje cili.

◼ Ngacama catre la icilekeu e Faras, ngo kolo pala hi a catre cainöjëne hnene la itre trejin, la maca ne Baselaia. Ame ngöne la itre treu nofeba me diseba, hetre ketre huliwa hna pane troa kuca, matre troa hëne la itre atrene la nöje troa xome la Tusi Hmitrötr, hna jëne la boroshür, Un livre pour tous. Kola e la 50 lao trejine ka tro qa ngöne la Bethela ne Faras, a tro agele, matre troa ixatua, göi feja itus, me iupi fë itre ej; 250 pë hë ka lapa hnine la Bethela e Faras, nge tune lo hna majemin, angatre a madrine troa ce catre cainöje trootro pala hi memine la itre trejine asë.