Tusi Bethela
Drei Lai Tusi Hun Koi Nyipunie Itretre Cainöj:
Eahuni a pane olene atraqatre la huliwa ne cainöj hna xome hnene la itre trejine asë ne Kaledonia, me Tas me Walis me Futuna, ngöne la macatre ne huliwa 2006. Ngacama thaa ej asë pala kö the hun la rapor ne hna huliwa ngöne la macatre ne huliwa ka ase hë, ngo ame pe, nyimu kepine matre tro sa ce madrin.
Ame ngöne lo 12 Eiperem 2006, ngöne la jidri ne Drai Ne Amekunën, hna elë la etrune la itre atr ka sin la icasikeu cili e Kaledonia me e Tas. Ame e Kaledonia, tre, 5 506 nge ame e Tas, 2 534, memine fe kö lo ala 339 e Walis me Futuna. Matre kola e asë la 8 379 la etrun, kösë 10 koi 100 la ka elë qaane lo macatre hnapan. Nyimutre thei angatr la itre ka kapa lo maca, laka hna upe troa “iloi me Akötresie.” (2 Kor. 5:20) Ame ngöne lo treu Eiperem, hna xomiujine la 3 130 lao etid ngöne la köni nöj. Kola qaja aloine la aqane catre thupëne me wanga atrune nyipunie la aja ne la itre atr ka lolo cili.
Nyimutre la itre xaa hulö ka hnyipixe ka traqa kowe la mele ne la atr ngöne la itre götrane ne la fen, celë hi itre xaa ijin kola mama hnyawa la ihnimi nyipici ne la itre Keresiano. Hna kötrën la ketre trejine trahmany qa ngöne la hnalapa i angeic pine lo ketre wene ka tru hna hape Katrina; öni angeic: “Pëkö hne huni hna kötre fë, hnaheetre huni hi. Hnene la itre trejine trahmanyi me föe hna thele troa xatua hun. Hnei angatr hna kepe hun, me nyihnyawa hun. Hetre hni ne ajane i angatr tro huni a lapa.”
Kola e la 8 000 lao trejine trahmanyi me föe ka ce huliwa ngöne lo 60 lao Komite Ne Xupi Uma Ngöne La Nöj; hnei angatr hna nue la traem me atreine, me mo i angatr matre troa ixatua. Hnei angatr hna ixatua troa nyihnyawane me acile hmaca la itre Uma Ne Baselaia, 86 la etrun, nge 4 178 lao hnalapa. Easë a olene la nöjei huliwa asëjëihë hna kuca hnei angatr cememine la ihnim!—1 Thes. 5:18.
Xecie hnyawa koi huni laka, tro nyipunie a hane thithi thatraqane la itre trejine me easë e cailo fen, nge eje the së la mejiune laka, tro Iehova a amanathithine la huliwa ne cainöje së.
Itre trejine me nyipunie,
Filial Ne Kaledonia