Tha Tro Kö a Thëthëhmine La Itre Huliwa Ka Loi

Ijije hi kowe la itre hlue i Iehova asë troa kuca la itre huliwa thatraqai Nyidrë. Nge tha tro pi kö sa thëthëhmine la itre huliwa cili. Tune la keme me thine ka hnim la nekö i nyidro, tha tro kö nyidroti a thëthëhmine la itre ewekë ka loi hnei nyën hna kuca. Ketre tune mina fe, tha tro pi kö Iehova a thëthëhmine la itre huliwa së, memine la ihnim hne së hna amamane kowe la ëje i Nyidrë. (Mat. 6:20; Heb. 6:10) Eje hi laka, tha ceitu së kö, nge isa aqane mele së kö. Ngo, e tro sa kuca asë la hne së hna atreine ngöne la huliwa i Iehova, tro hë sa madrin. (Gal. 6:4; Kol. 3:23) Ame ngöne la itre macatre ka ase hë, itre thauzane lao trejin, trahmanyi me föe, ka huliwa ngöne la Bethela. Ijiji epuni kö troa hane saene matre troa huliwa ngöne la Bethela? Maine tha ijiji epuni kö, ithuecatre jë kowe la itre xaa trejin troa huliwa ngöne la Bethela. Xatuane jë la itre atrene la Bethela matre tro pala hi angatr a xome la huliwa cili.

GOEËNE JË LA VIDEO, SAENE JË TROA HULIWA NGÖNE LA BETHELA, NGE SA JË CAHU ITRE HNYING:

• Nemene la nyipi kepine matre ajane jë së troa huliwa ngöne la Bethela?

• Nemene la hna qaja hnei itre xan, göne la itre manathith hnei angatr hna kapa qa ngöne la hna huliwa Bethela?

• Nemene la itre hna amekötine matre troa huliwa ngöne la Bethela?

• Nemene la nyine kuca matre troa huliwa ngöne la Bethela?