Göi Itre Icasikeu Ne La Huliwa Ne Treu Semitrepa
ITHUEMACANY: Troa hetrenyi ngöne la Huliwa Ne Baselaia, la progarame ne la itre icasikeu ne la huliwa, thatraqane la nöjei wiike ngöne la treu. Troa wange me amekötine hmaca lo porogarame ne icasikeu ne huliwa hnene la itre ekalesia, pine laka, kola troa sine lo kovasio ne distrik, hna hape “Itre Ewekë Hnei Akötresieti Hna Thingehnaean” nge ngöne la wiike thupen, ke, tro la itre ekalesia a wange hmaca lo itre mekune ka tru hna kapa ngöne lo ijine kovasio; troa xome la 30 menetr ngöne la icasikeu ne la huliwa. Troa canga iëne la luetre maine köni trejine ka macaje ngöne la ua, troa amamane hnyawa hmaca lo itre mekune ka sisitria hna drenge ngöne lo itre drai ne asabele. Loi e troa hnëkë hnyawa, matre tro la itre atrene la ekalesia a isa trotrohnine hnyawa lo itre mekune kii, me thele la aqane tro angatre a trongëne ngöne la mele i angatr, me ngöne la angatre a cainöje trootro. Thaa tro kö a qea menu pala ha la itre mekune hna hamëne hnene la itre atrene la icasikeu, ketre tune fe la itre ewekë hnei angatre hna melëne hë.
Koi 6 Semitrepa Me Wiike Cili
Nyima 190
10 men: Itre Ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia.
15 men: “Hapeu, Hetre Ewekë Hne Së Hna Thele Troa Traqa Kow?” Itre hnepe mekune nyine troa nyiqaan, thaa sasaithe la caa menetr, nge thupene lai troa ce ithahnatan. Troa xome fe la itre mekune qa hnine la itus, Notre ministère, götrane 88-9. Xatuane jë la itre trejine asë troa catre xome pala hi la huliwa ne cainöj, nge loi e troa pexeje ngöne la huliwa cili.
20 men: “Nemene La Nyine Tro Së a Qaja Kowe La Itre Hindous?” Troa ce ithahnatan. Amamane jë la aqane troa kepe thangane ka loi qa ngöne la hna thele troa trotrohnine la ketre atr, nge xome jë la itre mekune ka troa aijijë së troa ithahnata memine la ketre Hindou. Amamane jë la aqane troa xome la itre mekune nyine troa nyiqaane ithahnata, matre troa cainöje kowe la itre atr ne la itre xaa hmi. Iamacanyine jë la ketre aqane nyiqaane ithahnata hna hnëkëne hnyawa, ngöne la aqane troa cainöje kowe la ketre Hindou. Maine easë a aja ithuemacanyi ngöne la hmi Hindouisme, wange ju la sinecetrone la Huliwa Ne Baselaia ne Febuare 1998; me itus, Comment raisonner, götrane 22; me L’humanité à la recherche de Dieu, mekene 5.
Nyima 101 me thithi ne nyipun.
Koi 13 Semitrepa Me Wiike Cili
Nyima 171
10 men: Itre Ithuemacanyi koi së. Troa e la hna ithingë.
17 men: Tune Kaa La Huliwa Së Ngöne La Macatre Ka Ase Hë? Cainöje hna troa kuca hnene la atre thupëne la huliwa ne cainöje trootro. Wange hmaca ju la itre ewekë ka tru hna kuca hnine la ekalesia ngöne la macatre ne huliwa 1999. Olene jë la itre ewekë ka lolo hna kuca ha. Qaja jë fe la itre götrane ne la huliwa, nyine tro së a aloin, nge ka nyipi ewekë troa akökötren. Qaja jë fe la aqane sine la ekalesia la itre icasikeu, me ngöne la itre etid hna kuca. Amamane jë la itre mekune ka lolo nyine troa eatrëne ngöne la macatre ka troa xulu.
18 men: “Itre Keme Me Thin—Loi e Troa Amamai Tulu Ka Loi Kowe La Itre Neköi Nyipunie.” Itre hnepe mekune nyine nyiqaan, thupene lai, tro la qatre thupe a ce ithahnatane la hna cinyihane memine la lue trejine trahmany ka trene kuku. Angatre a amamane la aja ka eje thei angatr, troa thupëne la itre nekö i angatre qa ngöne la itre thiina ka ngazo hna majemine kuca ngöne la hna ini, hna öhne jëne televizio, me qaathene la itre sine ka thaa ce hmi kö me angatr, me itre xane ju kö. Kola qaja fe hnene la itre trejine la aqane pë metrötrene la itre nekönatr, memine la engazone la aqane ithahnata me aqane heetre i angatr, me itre nyine madrine ka troa hetre ethane ka ngazo koi angatr. Thupene la hna pane mekune la enyipi ewekëne la troa amamai tulu ka loi, angatre a ce ithahnatane la itre aqane troa eköthe la madrine e hnine la ini tusi ne la hnepe lapa, me hnine la itre ekalesia, me ngöne la hna cainöje trootro.—Wange ju la zonal, La Tour de Garde ne 1 julai 1999, götrane 8-22 me Réveillez-vous! ne 22 Semitrepa 1991, götrane 8-9.
Nyima 140 me thithi ne nyipun.
Koi 20 Semitrepa Me Wiike Cili
Nyima 193
12 men: Itre Ithuemacanyi koi së me itre ewekë hna melëne ngöne la hna cainöje trootro.
18 men: Itre ihaji koi së.
15 men: Loi e Troa Huliwane Hnyawa La Itus Créateur. Cainöje me itre iamacany. Hna qaja hnene la Huliwa Ne Baselaia ne eiperem 1999 ka hape, atreine hi troa tro fë me hamëne la itus Créateur, ngöne la nöjei ijine easë a iöhnyi memine itre ka (1) thaa lapaune kö koi Akötresie maine (2) ka lapaune koi Akötresie ngo thatre pengöi Nyidrëti hnyawa kö, maine thatre kö la itre thiina me itre mekuana i Nyidrë. Loi e troa xome la itre hnyinge me itre mekune ngöne la pune la itus, matre troa hetre ajane e kuhu hni troa e la itus. Maine pena troa kepe thangane ka loi qa ngöne la götrane 152. Troa hnyinge la atre cainöje ka hape: “Tro sa xome ekaa la itre eamo ka loi, nge ka ijije troa xatua së troa cile kowe la itre jole ka tru?” Angeice a amamane kowe la atr la aqane qaja aloine hnene la itre musi la cainöje i Iesu hune la wetr, me sipo angeice troa iëne la caa mekune hna pi ithahnatane ngöne lo lai sevene lao mekune ka tru, nge thupene lai, troa e la itre xaa hnepe xötre ne la Tusi Hmitrötr hna cinyihane hnine la itus. Iamacanyine jë la itre mekune nyine ixatua celë, matre troa tro fë la itus Créateur. Xatuane jë la itre trejine asë troa xome la itus ngöne la kola cainöje trootro, me canga hamëne eje kowe la itre atr ka drei së.
Nyima 175 me thithi ne nyipun.
Koi 27 Semitrepa Me Wiike Cili
Nyima 141
15 men: Itre Ithuemacanyi koi së. Mekune kö lo itre rapore ne hna cainöj ne semitrepa. Ithuecatre jë troa hnëkë matre troa tro fë la itre zonale ngöne la treu okotropa. Wange hmaca ju la itre mekune hnine la Huliwa Ne Baselaia ne okotropa 1996 götrane 8, ngöne la aqane troa hnëkëne la itre aqane nyiqaane ithahnata. Xome jë la itre zonale hna xötrei kapa, qaja jë la itre xaa taane mekune ka lolo nge iamacanyine jë la caas, maine lue aqane nyiqaane ithahnata ka xoxopatr.
15 men: Kola Sa La Itre Hnyinge i Nyipunie. Cainöje hna troa kuca hnene la ketre qatre thup.
15 men: “Kola Haöthe La Götrane Ahië Ne Europe Hnene La Nyipi Hmi.” Troa ce ithahnatan. Qaja jë la itre ewekë hna melën, maine itre hatrene pena la aqane kökötrene la huliwa ne cainöje ngöne la itre nöje hna edromëne ngöne lo itre Annuaire hna xötrei kapa.
Nyima 87 me thithi ne nyipun.