Itre Hna Amekötiin

◼ Itre itusi nyine tro fë e Januare Me Febuare: La vie : comment est-elle apparue ? Évolution ou création, La Révélation : le grand dénouement est proche ! Troa iëne ngöne la itus, Atrehmekune, maine Madrine Kowe La Fami. Maac: Atrehmekune Ka Eatrongë Nyipunie Kowe La Mele Ka Pë Pun. Troa thele troa nyiqaane etid memine la itre atr. Eiperem: Troa tro fë la itre zonal, La Tour de Garde me Réveillez-vous ! Ame koi itre atr ka ajan, ke, loi e troa abone angatr. Nge thele jë troa etid me angatre jëne la itus Atrehmekune, maine pena la boroshüre thele.

◼ Troa atrune la Drai ne Amekunën 2002, e drai ka co 28 maac, thupene la hna lö la jö, ngo thaa drai ka tru 22 maaci kö tune lo hna amamane ngöne lo idrai 2001. Kola canga ithuemacanyi tune la, matre tro la itre trejine a canga wange la nyine troa kuca göi hnë troa icasikeu, nge maine nyimutre la itre ekalesia ka ce icasikeu ngöne la caa uma ne Baselaia, haawe loi e troa canga ithahnatane la aqane troa atrune lai Drai ne Amekunën. Loi e tro la itre qatre thupe a caas ngöne la aqane troa amekötine göi iuma, nge loi e troa xecie hnyawa laka, pëkö itre xaa hna hnëkëne ngöne lai uma; ketre, matre tingetinge nge caasi ngöne la ijine atrune la Drai ne Amekunën. Pine la enyipi ewekëne la drai cili, loi e tro la itre qatre thupe ne la ekalesia a iëne la caasi ngöne la itre qatre thupe ka maca, la ka troa cile fë la cainöj; ngo thaa tro hmekuje kö a xome la hnëqa cili hnene la caa trejine ngöne la nöjei macatre, maine tro pena ithöeëne. Ngo maine hetre hna iën, nge ketre qatre thupe ka maca, ke, loi e troa nue koi nyidrë troa cainöj.

◼ Troa hamëne kowe la nöjei hna bapataisone asë, ka traqa troa sine la Icasikeu Ne La Huliwa ne 8 januare, lo carte Instructions médicales/Attestation prévisionnelle me Document d’identité médical göi hanekönatr.

◼ Troa kuca hnene la atre thupëne la sirkoskripsio, la cainöje ka hnyipixe kowe la ka ala nyim, qaane e febuare uti hë e 4 maac; ame la taan, “Drai Ne Iameköti—Troa Xouen maine Troa Treqene Madrin?”

◼ Tro la itre ekalesia a nyiqaane hnëkë matre troa atrune la Drai ne Amekunëne e sabath 8 eiperem, thupene la hna lö la jö. Troa kuca la cainöje nge lai petre kö, ngo ame göi ihamënekeune la itre hatren, loi e troa nyiqaane e lö hë la jö. Wai meteo ju me zonale matre troa atre la ijine me hawa ne lö la jö. Itre icasikeu hmekuje hi göi troa cainöje trootro la hna troa kuca, ame koi ini ne la zonal, La Tour de Garde, troa kuca pë hë ngöne la ketre ijine ka ijij. Tro la itre ka thupëne la Sirkoskripsio a thele la aqane tro angatre a ami trepene la porogarame ne icasikeu i angatr thatraqane la wiik, thenge la ka ijij. Nyipici laka, ka loi kö e tro la itre ekalesia a isa atrune la Drai ne Amekunën, ngo ame itre xaa ijine ke thaa ijije kö. Maine nyimutre la itre ekalesia ka ce thawa la Uma Ne Baselaia, loi e troa thele la ketre götrane thatraqane la caas maine nyimutre pena ngöne la heji cili. Loi e troa nue pe la 40 lao menetre matre hetre ijine troa ibozu memine la itre ka xötrei traqa, me xatuane la itre ka xötrei atre la nyipici. Troa hnëkë hnyawa matre troa xeene hnyawa la itre loto; ketre, troa thupëne fe la aqane iami me itrothei. Loi e troa axeciëne hnyawa hnene la ilapane la itre qatre thup, la itre nyine troa kuca, matre troa tro loi hnyawa la Drai ne Amekunëne ngöne la götrane hna troa atrune ej.

◼ Troa kuca la cainöje ka ketre pengöne kö göne la hneijine ne Drai ne Amekunën 2001, e sabath 1 eiperem. Ame la taan, ke, “Drei La Itre Ka troa Mele Pe?” Troa qaja la itre mekune ka tru ne la cainöj. Maine ngöne la drai, kola vizite hnene lo atre thupëne la sirkoskripsio, maine kola asabele ne sirkoskripsio, maine asabele ne caa drai pena, haawe, tro pë hë a kuca la cainöje ngöne la wiike ne 9 eiperem. Thaa tro kö a cile fë la cainöje cili, qëmekene la 1 eiperem 2001.