Porogaram Ne Ini Ne Cainöj Qaathei Akötresie Göi Macatre 2007

Itre Hna Amekötin

Hane cahu aqane trongen la Ini Ne Cainöj Qaathei Akötresie Göi Macatre 2007.

ITRE ITUS: Les Saintes Écritures — Traduction du monde nouveau [bi12], La Tour de Garde [w], Tirez profit de l’École du ministère théocratique [be], “ Toute Écriture est inspirée de Dieu et utile ” (édition 1997) [si], Comment raisonner à partir des Écritures (édition 1989) [rs].

Troa nyiqaan la icasikeu ngöne la HAWA, jën la nyima me thith, me itre hnepe ithanata nyine ikep, nge sisedrëne jë tune cahu. Thupene la nöjei cainöj, tro la atre thupëne la ini a canga qaja la cainöj thupen.

ATREINE CAINÖJ: 5 menetr. Tro la atre thupën la ini, maine sine ce huliwa i angeic, maine ketre qatre thupe pena ka maca troa ini, a ithanatan la ketre aqane troa cile fë hnyawa la itre xötre qa hna nyitrepen ngöne la itus École du ministère. (Ame hnine la itre ekalesia gaa co qatre thup, atreine hi troa cile fë la hnëqa cili hnene la ketre drikona ka maca troa ini.)

HNËQA Naba 1: 10 menetr. Troa kuca la qa celë hnene la ketre qatre thup maine ketre drikona, nge troa nyitrepene la itre ini hna troa hamën hnene la zonal, La Tour de Garde, maine Tirez profit de l’École du ministère théocratique maine “ Toute Écriture est inspirée de Dieu et utile. ” Treen menetr la eqean, nyine troa cile fë cainöj. Ame la hna thele troa traqa kow, tre, thaa ene hmekuje kö la troa qejepengöne asë la itre mekune e hnine la itre xötre hna troa xom, ngo loi pe troa amamane hnyawa la thangane ka sisitria hna troa kapa qa ngöne la itre mekune cili, me qaja atrun la itre mekune nyine ithue ixatua kowe la ekalesia. Troa huliwan la taan hna hamëne hë. Loi e tro la itre trejine ka troa kuca la cainöje cili a metrötrëne la eqean la traem hna amekötin thatraqane lai. Maine hna sasaith la traem, atreine hi troa hamën kowe caasi pë hë lai trejin, la itre xaa eamo ka ijij.

MEKUN KA SISITRIA QA NGÖN LA ITRE MEKEN LA TUSI HMITRÖTR: 10 menetr. Tro la ketre qatre thup ka maca troa ini maine ketre drikona pena, a xome la pane faif lao menetr matre troa thele ini thatraqane la ekalesia, qa ngöne la itre xötr ne la Tusi Hmitrötr hna troa ce wang. Atreine hi tro angeic a hamë mekun qa ngöne lai itre mekene asë ne la Tusi Hmitrötr hna amekötin troa e ngöne la wiik. Thaa angeic hmekuje kö a troa qaja nyimenyimëne ju hi la alien la itre xötr hna amekötin troa ce e. Ame la hna ajan ka nyipi ewekë ngöne la cainöje celë, tre, ene la troa xatuan la itre atrene la icasikeu troa trotrohnin la kepin me aqane troa kepe thangan hne së la itre ithuemacany hna troa hamën. Loi e troa thupën hnene la trejin matre thaa tro kö a sasaith la faif lao pane menetr hna amekötine koi angeic. Thupene lai, tro angeic a xom la faif lao menetr troa sipon la itre atren la icasikeu troa qeje mekun, ngo thaa tro kö a aqean menun la itre mekun (thaa tro kö a sasaith la 30 secondes) hna troa hamën, ngöne la hnei angatr hna kapa madrin me kepe thangane ka loi qa ngöne la hna e la Tusi Hmitrötr. Thupene lai tro la atre thupëne la ini, a nue la itre hnainin troa isa tro kowe la itre xaa hnahag ne ini.

HNËQA Naba 2: 4 menetr. Troa e tus hnene la ketre trejin trahmany. Tro la hnainin a e la itre mekun hna athipe koi angeic, ngo thaa tro kö a thele mekun nyine nyiqaan maine nyine nyipun pena. Loi e tro la atre thupën la ini a thele hnyawa troa xatuan la itre hnainin troa e, cememine la trotrohnin, troa uke la aqane e, troa mama hnyawa la itre mekune ka sisitria ngöne la kola e, troa thupën la hne nyinawa, troa thupën la aqane troa mano ngöne la kola e, nge loi e thaa tro kö a nyi pengön ngöne la easë a e tus.

HNËQA Naba 3: 5 menetr. Troa kuca hnene la ketre trejine föe. Ame kowe la itre sör ka troa kuca la xötre qa celë, isa qanyi angatre kö troa iën la aqane tro angatr a nyitrepen la xötre qa, maine troa xome la ketre jëne cainöj qa hnine la götrane 82 ne la itus École du ministère. Loi e troa xom hnene la hnainin la taan hna athip, me ithanatane ej thenge la ketre aqane troa cainöje trootro ka lolo, nge ka ihmeku memine la teritoar ne la ekalesia së. Maine thaa hna nyitrepene kö lai xötre qa hnine la ketre itus, haawe, loi e tro la hnainin a thele la itre mekun thatraqane la xötre qa i angeic, hnine la itre itusi së. Ame koi itre hnainin ka hnyipixe, loi e troa athipe koi angatr la itre xötre qa hna nyitrepene hnene la ketre itus, matre thaa tro kö a jole koi angatr. Loi e tro la atre thupën la ini, a wange hnyawa la aqane eköth hnene la hnainin la itre mekun, memine la aqane xatuan hnei angeic la atr hna cainöje kow troa thele ewekë jën la itre xötr ne la Tusi Hmitrötr, me troa trotrohnin la itre mekune kii ne la taan hna cile fë. Tro la atre thupën la ini a iën la ketre sör matre troa sine ce porotrik ne lai hnainin.

HNËQA Naba 4: 5 menetr. Troa eköth hnene la hnainin la cainöje i angeic hune la taan hna athip. Maine thaa hna nyitrepene kö lai xötre qa hnine la ketre itus, haawe, loi e tro la hnainin a thele la itre mekun thatraqane la xötre qa i angeic, hnine la itre itusi së. Maine hna athip la xötre qa celë kowe la ketre trejin trahmany, ma loi e troa cile fë la ketre cainöj, nge tro angeic a mekune hnyawa ka hape, angeic a troa ithanata kowe la itre atren la icasikeu hnine la Uma Ne Baselaia. Ame ngöne la kola kuca hnene la trejine föe la hnëqa celë, loi e tro pala hi angeic a tro fë ceitun me kola kuca la Hnëqa Naba 3. Maine jë tro la atre thupëne la ini ne cainöj a athipe la qa Naba 4 kowe la ketre trejin, maine kola öhne laka atreine hi tro angeic a kuca lai. Ame la itre topik hna nyihatren, tre, troa kuca hmekuje itre ej ceitun me ketre cainöj, hnene la itre trejin trahmany.

EAMO: 1 menetr. Thaa tro kö la atre thupëne la ini a canga qaja la ini nyine tro la hnainin a huliwan. Thupene la Hnëqa Naba 2, Naba 3, Naba 4, tro la atre thupëne la ini a qaja aloine la hnainin, me hamëne la itre mekune ka lolo ngöne la itre götrane ne la cainöj hnei angeic hna cile fë. Ame la ka nyipi ewekë, tre, thaa ene hmekuje kö la troa qaja ka hape, “ka loi” ngo loi pe troa hane amexeje hnyawa la itre sipu kepin matre lolo la aqane huliwan lai ini hna kuca. Maine kola mekun troa hamën la itre xaa ixatua ka nyipi ewekë kowe lai hnainin, ma loi e troa wai angeice caasi pë hë thupene la hna icasikeu, maine e ketre ijine pena.

TRAEM: Pëkö cainöj ka troa sasaith la traem, ketre tune mina fe la kola hamë eamo hnene la atre thupën la ini. Ame koi Hnëqa Naba 2 koi Naba 4 maine kolo ha sasaithi traem, loi e troa thupatën ngo cememin pala hi la metrötr. Maine kola sasaith la traem hnene la trejin ka kuca la Hnëqa Naba 1, maine ka xomi ini pena qa ngöne lo itre xötr ne la Tusi Hmitrötr nyine troa e ngöne la wiik, haawe, loi e tro pë hë a hamën caasin koi angeic la ketre eamo nyine ixatua. Loi e tro asë hi la itre trene xötre qa, a goeëne hnyawa la traeme matre thaa tro kö a sasaith. Ame la etrun la traem hna amekötin thatraqan la Porogarame Ne Ini Ne Cainöj Qaathei Akötresie, tre, 45 menetr, thaa hna e fe kö la nyima me thith.

ITRE EAMO: Hnine itus.

KA IXATUA TROA EAMO: Tro la lapa ne la itre qatre thup a iën la ketre qatre thup ka maca, maine ijij tro angeic a xatuan la atre thupëne la ini, göi troa ixatua troa eamo. Maine nyimu qatre thup hnine la ekalesia, haawe loi e troa ithöeën la huliwa cili ngöne la nöjei macatre hnene la itre qatre thup ka maca. Ame la hnëqa i angeic, tre, ene la troa hamën caasin la ixatua, maine kola öhne laka, nyipi ewekë troa hamën, kowe la itre trejin ka troa kuca la Hnëqa Naba 1 memine la ka cile fë la itre ini hna xome qa ngöne la itre xötr hna troa e ngöne la wiik. Thaa nyipi ewekë kö e troa hamë eamo ngöne la nöjei kola ase kuca la itre cainöj, hnene la itre qatre thup maine itre drikona pena.

REVIZIO HNA CE ITHANATAN: 30 menetr. Ame ngöne la nöjei hnaaluene treu, tro la atre thupëne la ini a xomi ujin lai revizio hna ce ithanatan. Ngo qëmekene troa kuca lai, troa nyiqaane hnene la itre mekune göi troa atreine cainöj, memine lo itre xötr ne Tusi Hmitrötr nyine e ngöne la wiik. Ame göi revizio hna ce ithanatan, tre hna xome itre ej ngöne lo itre ini hna kuca ngöne lo lue treu ka ase hë, a memine fe la wiik qëmekene la revizio. Maine kola asabele ne sirkoskripsio la ekalesia i epun, ngöne la wiik ne revizio, tre, loi e troa uthe lai revizio (memine la sine la porogaram) kowe la wiik thupene la asabele, me kuca pena la porogaram ne la wiik ka xulu ngöne la ijine asabele. Maine kola vizite pena ngöne la wiike ne revizio hnene la qatre thup ka iwai trootro, haawe, nyima hmekuje hi me atreine cainöj, me itre mekune ka tru qa hnine la Tusi Hmitrötr la hna troa kuca ngöne la ijine cili. Tro pe a kuca la cainöj naba 1 (lo hna majemine hamën thupene la atreine cainöj) hna hnëkën thatraqane la wiike thupen. Ame pë hë göi Ini Ne Cainöj Qaathei Akötresie ngöne la wiike hnapin, tre, troa kuca lo itre hnëqa, ene lo atreine cainöj, me itre mekun ka tru qa hnine la Tusi Hmitrötr, nge sisedrëne jë hë hnene la revizio hna ce ithanatan.

POROGARAM

1 Jan. E Tusi Hmitrötr: Isaia 24-​28 Nyima 33

Atreine Cainöj: Aqane Troa Trongëne La Itre Mekune Celë (be g. 158 ¶2-4)

N. 1: Aqane Troa Hnëkën La Ketre Hnëqa Thatraqane La Ini (be g. 43 ¶1–g. 44 ¶3)

N. 2: Isaia 26:​1-​18

N. 3: Thi Upune​—Pine Nemene Matre Wathebo? (rs g. 39-41 ¶3)

N. 4: Tune Kaa La Aqane Tro Sa “Xetëne La Joxu Iesu Keriso”? (Rom. 13:14)

8 Jan. E Tusi Hmitrötr: Isaia 29-​33 Nyima 42

Atreine Cainöj: Aqane Troa Xatuane La Itre Xan Troa Trotrohnin La Ithuemacany (be g. 158 ¶4–g. 159 ¶3)

N. 1: Aqane Troa Eköthe La Ketre Hnëqa Me Iëne La Ketre Jëne Cainöj (be g. 44 ¶4–g. 46 ¶1)

N. 2: Isaia 30:​1-​14

N. 3: a Aqane Troa Sa Koi Ange Ka Qaja Ka Hape: ‘Ketre Qanyinge Kö Mekune Thatraqane La Ngönetreing’ (rs g. 41 ¶4)

N. 4: Easa Atre Tune Kaa Laka Iehova Akötresie a Hnime La Itre Nekönatr?

15 Jan. E Tusi Hmitrötr: Isaia 34-​37 Nyima 222

Atreine Cainöj: Troa Iëne Hnyawa La Itre Hnëewekë (be g. 160 ¶1-3)

N. 1: Eënyine Jë La Aqane Waiewekë i Iesu Ngöne La Loi Me Ngazo (w05 1/1 g. 9-10 ¶11-​15)

N. 2: Isaia 34:​1-​15

N. 3: Aqane Troa Eënyine La Ihnimi Qa Kuhu Hni Së

N. 4: Adamu Me Eva​—Itre Atrene Ifejicatre? (rs g. 25-6)

22 Jan. E Tusi Hmitrötr: Isaia 38-​42 Nyima 61

Atreine Cainöj: Aqane Ithanata Ka Hmaloi Troa Trotrohnin (be g. 161 ¶1-4)

N. 1: Thaa Tro Kö Sa Xouene La Icilekeu (w05 1/1 g. 15 ¶16-​18)

N. 2: Isaia 38:​9-​22

N. 3: b Aqane Sa Koi Ange Ka Qaja Ka Hape: ‘Mekuana i Akötresieti La Tro Adamu a Ena La Wathebo’ (rs g. 27 ¶1-2)

N. 4: Pine Nemene Matre Thaa Tro Pi Kö Sa Qeje Gelene La Itre Xan?

29 Jan. E Tusi Hmitrötr: Isaia 43-​46 Nyima 113

Atreine Cainöj: Loi e Troa Anyimu Pengönën Me Meköt La Itre Trenge Ewekë (be g. 161 ¶5–g. 162 ¶4)

N. 1: Pine Nemene Matre Easa Kapa La Itre Iameköti Qaathei Iehova? (w05 1/2 g. 23-4 ¶4-9)

N. 2: Isaia 45:​1-​14

N. 3: Pine Nemene Matre Ka Gufa e Troa Hmi Kowe La Itre Xötrapan? (rs g. 81 ¶3–g. 83 ¶2)

N. 4: c Pine Nemene Matre Nyipi Ewekë Tro La Itre Keresiano a Thipetrije La Iwatratra?

5 Feb. E Tusi Hmitrötr: Isaia 47-​51 Nyima 79

Atreine Cainöj: Itre Hnëewekë Ka Hamën La Trenge Catr Me Acian La Itre Aliene Hni, Me Nyi Han La Cainöj (be g. 163 ¶1–g. 164 ¶2)

N. 1: Troa Lapa Pë Gele Së Jëne La Wesi Ula i Iehova, Nge Ixatua Fe Lai Koi Së Troa Mele Nyipici (w05 15/4 g. 11-​12 ¶5-​11)

N. 2: Isaia 50:​1-​11

N. 3: Pine Nemene Matre Xelene Kö Akötresie e Tro Sa Hmi Kowe La Itre Xötrapan? (rs g. 83 ¶3–g. 84 ¶1)

N. 4: Tusi Hmitrötre Kö a Wathebon Troa Hamë Ahnahna?

12 Feb. E Tusi Hmitrötr: Isaia 52-​57 Nyima 139

Atreine Cainöj: Troa Metrötrën La Itre Hna Amekötin Göi Troa Xötrethenge La Emekötine La Aqane Qaja La Qenehlapa (be g. 164 ¶3–g. 165 ¶1)

N. 1: Wesi Ula i Iehova a Hamë Trenge Catr (w05 15/4 g. 12-​13 ¶12-​14)

N. 2: Isaia 55:​1-​13

N. 3: Hetre Eloine La Troa Huujëne La Mele Së

N. 4: Drei La Itre Ithupëjia Me Keriso? (rs g. 34-6 ¶4)

19 Feb. E Tusi Hmitrötr: Isaia 58-​62 Nyima 189

Atreine Cainöj: Aqane Xome La Tulu Ne Cainöj (be g. 166 ¶1–g. 167 ¶1)

N. 1: Isaia​—Hetre Thangane Hna Troa kapa Qa Ngön (si g. 123 ¶34-9)

N. 2: Isaia 60:​1-​14

N. 3: Pine Nemene Matre Ketre Ewekë Ka Lolo La Troa Nyihlue i Akötresie?

N. 4: d Troa Atrehmekune la Itre Perofeta Thoi (rs g. 36-8 ¶2)

26 Feb. E Tusi Hmitrötr: Isaia 63-​66 Nyima 141

Atreine Cainöj: Aqane Tro Sa Hnëkën La Itre Mekuna Së (be g. 167 ¶2–g. 168 ¶1)

Revizio Hna Ce Ithanatan

5 Maac E Tusi Hmitrötr: Ieremia 1-4 Nyima 70

Atreine Cainöj: Aqane Troa Kuca Matre Hmaloi Troa Trotrohnin La Tulu Ne Cainöj (be g. 168 ¶2–g. 169 ¶5)

N. 1: Pane Nyine Troa Atre Ngöne La Tusi Ieremia (si g. 124 ¶1-5)

N. 2: Ieremia 3:​1-​13

N. 3: Nemene La Ewekë Ka Aijijë Së Troa Hetrenyi La Nyipi Manathith?

N. 4: e Nemene La Aqane Tro Sa Ujë Kowe La Itre Perofeta Thoi? (rs g. 38 ¶3–g. 39 ¶5)

12 Maac E Tusi Hmitrötr: Ieremia 5-7 Nyima 159

Atreine Cainöj: Aqane Troa Eköthe Wengëne Hnyawa La Itre Mekun (be g. 170 ¶1–g. 171 ¶2)

N. 1: Aqane Troa Hnëkëne La Itre Cainöj Thatraqane La Ekalesia (be g. 47 ¶1–g. 49 ¶1)

N. 2: Ieremia 5:​1-​14

N. 3: Thaa Hnei Keriso Kö Hna Nyitrepene La Uma Ne Hmitrötr Hui Peteru (rs g. 386-8 ¶4)

N. 4: Ini Hna Kapa Enehila Qa Ngöne La Esodo 14:11 Ngöne La Hneijine Së

19 Maac E Tusi Hmitrötr: Ieremia 8-11 Nyima 182

Atreine Cainöj: Aqane Troa Kuca Matre Thaa Tro Kö a Isazikeu La Aqane Ithanatane Wengën La Itre Mekun (be g. 171 ¶3–g. 172 ¶5)

N. 1: Aqane Troa Hnëkën La Itre Icasikeu Ne La Huliwa Me Itre Xaa Cainöj (be g. 49 ¶2–g. 51 ¶1)

N. 2: Ieremia 10:​1-​16

N. 3: Easa Atre Tune Kaa Laka Hna Mejiune Kowe La Melehmaca Hnei Aberahama, Iobu, Me Daniela?

N. 4: Nemene La Itre Kii Hna Xome Hnei Peteru? (rs g. 388 ¶5–g. 391 ¶2)

26 Maac E Tusi Hmitrötr: Ieremia 12-16 Nyima 205

Atreine Cainöj: Aqane Troa Iëne Hmekuje Hi La Itre Mekune Ka Ijij (be g. 173 ¶1-4)

N. 1: Kola Atrune La Emeköti Akötresie Jëne La Thupene Mel (w05 1/11 g. 13-​14)

N. 2: Ieremia 12:​1-​13

N. 3: Thaa Itre Nyipi Keresiano Kö La “Itre Atr Ka Uune Ka Hape Angatre La Itre Hnane La Itre Aposetolo” (rs g. 391 ¶3–g. 393 ¶6)

N. 4: Kola Hapeue Laka Loi e Tro La Keresiano a Madrine Troa Selë Angeic?

2 Eip. E Tusi Hmitrötr: Ieremia 17-21 Nyima 30

Atreine Cainöj: Cainöj Hna Cile Fë Nge Thaa Hna Hnëkëne Kö Kola Neën Troa e La Ipepa (be g. 174 ¶1–g. 175 ¶4)

N. 1: Aqane Troa Hnëkëne La Itre Cainöje Kowe La Ka Ala Nyim (be g. 52 ¶1–g. 54 ¶1)

N. 2: Ieremia 20:​1-​13

N. 3: Ekaa La Hna Troa Traqa Hnei Amagedo? (rs g. 181-3 ¶4)

N. 4: f Tro Sa Wange Tune Kaa La Itre Eamo?

9 Eip. E Tusi Hmitrötr: Ieremia 22-24 Nyima 184

Atreine Cainöj: Itre Nyine Troa Thupën Ngöne La Kola Kuca La Ketre Cainöj Nge Thaa Hna Hnëkëne Kö (be g. 175 ¶5–g. 177 ¶1)

N. 1: Itre Mekune Nyine Troa Axeciën Hnene La Ka Cile Fë Cainöj (be g. 54 ¶2-4; g. 55, itre mekune hna eköhagen)

N. 2: Ieremia 23:​1-​14

N. 3: Pine Nemene Matre Ka Thue Madrine Së La Huliwa Ne Cainöj?

N. 4: Drei Nge Nemene La Ka Troa Paatre e Amagedo? (rs g. 183 ¶5–g. 184 ¶3)

16 Eip. E Tusi Hmitrötr: Ieremia 25-​28 Nyima 27

Atreine Cainöj: Maine Kola Ajan Tro Sa Qejepengöne La Ketre Mekun (be g. 177 ¶2–g. 178 ¶2)

N. 1: Troa Akökötren La Aqane Tro Sa Inine La Itre Atr (be g. 56 ¶1–g. 57 ¶2)

N. 2: Ieremia 26:​1-​15

N. 3: Drei Pë Hë La Itre Ka Troa Mele Pe e Amagedo? (rs g. 184 ¶4-9)

N. 4: Kola Hapeue La Kola Hape Hna Ahnëjinëne La Hnadro? (Gen. 3:​17)

23 Eip. E Tusi Hmitrötr: Ieremia 29-​31 Nyima 148

Atreine Cainöj: Aqane Troa Ithanata (be g. 179-​80)

N. 1: Loi e Troa “Isa Pengönën” (be g. 57 ¶3–g. 58 ¶2)

N. 2: Ieremia 31:​1-​14

N. 3: Pine Nemene Matre Ka Pë Ifegone La Etru i Iehova?

N. 4: Amagedo​—Hapeu Ka Ihmeku Memine La Ihnimi Akötresie? (rs g. 185 ¶1-3)

30 Eip. E Tusi Hmitrötr: Ieremia 32-​34 Nyima 100

Atreine Cainöj: Eloine La Hne Nyinawa (be g. 181 ¶1-4)

Revizio Hna Ce Ithanatan

7 Mei E Tusi Hmitrötr: Ieremia 35-​38 Nyima 165

Atreine Cainöj: Loi e Troa Tuluthe Hnyawa La Aqane Troa Mano (be g. 181 ¶5–g. 184 ¶1; g. 182, itre mekune hna eköhagen)

N. 1: Xatuane Jë La Itre Ka Drei Së Troa Mekun (be g. 58 ¶3–g. 59 ¶3)

N. 2: Ieremia 36:​1-​13

N. 3: Hapeue e Amagedo La Itre Atr Ka Thaa Qale Kö Koi Akötresie, Maine Fen, Ngo Kuhu Pe Hi Nyipin (rs g. 185 ¶4-7)

N. 4: Troa Cile Tune Kaa Hnene La Itre Keresiano Kowe La Jol, Ene La Troa Hnehengazone La Pengöne La Mel Elany?

14 Mei E Tusi Hmitrötr: Ieremia 39-​43 Nyima 56

Atreine Cainöj: Loi e Troa Nunue La Itre Non (be g. 184 ¶2–g. 185 ¶2; g. 184, itre mekune hna eköhagen)

N. 1: Loi e Troa Xomi Ini Qa Ngöne La Itre Mekune Hna Hamën Me Amamai Tulu Ka Loi (be g. 60 ¶1–g. 61 ¶2)

N. 2: Ieremia 39:​1-​14

N. 3: Nemene La Ka Upe La Itre Nöje Ka Tru Troa Caasi e Cailo Fen, Me Isi Me Akötresie e Amagedo? (rs g. 186 ¶1-2)

N. 4: g Pine Nemene Matre Tro La Itre Nyipi Keresiano a Catre Metrötr Ngöne La Kola Iatre

21 Mei E Tusi Hmitrötr: Ieremia 44-​48 Nyima 122

Atreine Cainöj: Loi e Troa Mama La Hni Ne Aja Së Troa Xatuan La Itre Xaa Atr (be g. 186 ¶1-4)

N. 1: Tro Sa Aloine Tune Kaa La Aqane Tro Sa Ithanata Memine La Itre Xaa Atr? (be g. 62 ¶1–g. 64 ¶1)

N. 2: Ieremia 46:​1-​17

N. 3: Kola Hapeue La Troa Amenu Së Kö, Nge Tro Sa Hmekëne Tune Kaa Lai?

N. 4: Tro Sa Atrepengöne Tune Kaa Lo Babulona Hna Qaja Hnene La Itusi Hna Amamane? (rs g. 42 ¶1-2)

28 Mei E Tusi Hmitrötr: Ieremia 49-​50 Nyima 95

Atreine Cainöj: Aqane Troa Drenge Hnyawa (be g. 187 ¶1-5)

N. 1: Troa Sisedrëne Tune Kaa La Porotrik (be g. 64 ¶2–g. 65 ¶4)

N. 2: Ieremia 49:​14-​27

N. 3: Nemene La Ka Ahlemune Lo Babulona Ekö? (rs g. 42 ¶3–g. 44 ¶5)

N. 4: Kepine Matre Loi e Tro La Keme Me Thin a e Tusi Pala Hi Kowe La Itre Nekö i Angatr

4 Juun E Tusi Hmitrötr: Ieremia 51-​52 Nyima 166

Atreine Cainöj: Aqane Troa Xatuan La Itre Xan Matre Tro Angatr a Hane Kökötre Ngöne La Ua (be g. 187 ¶6–g. 188 ¶3)

N. 1: Ieremia​—Hetre Thangane Hna Troa Kapa Qa Ngön (si g. 129 ¶36-9)

N. 2: Ieremia 52:​1-​16

N. 3: Qenahmo La Troa Ketre Sipu Pi Mus

N. 4: Pine Nemene Matre Kola Hane e Thei Babulona Atraqatr La Itre Hmi Ka Qaja Ka Hape Itre Keresiano Fe Angatr? (rs g. 45 ¶1–g. 46 ¶1)

11 Juun E Tusi Hmitrötr: Ite Teije i Ieremia 1-2 Nyima 129

Atreine Cainöj: Aqane Troa Hamëne La Ixatua Ka Lolo (be g. 188 ¶4–g. 189 ¶4)

N. 1: Pane Nyine Troa Atre Ngöne La Tusi Ite Teije i Ieremia (si g. 130-1 ¶1-7)

N. 2: Ite Teije i Ieremia 2:​1-​10

N. 3: Pine Nemene Matre Nyipi Ewekë Troa Lö Pi Qa Hnine La Babulona Atraqatr? (rs g. 46 ¶2-7)

N. 4: Pine Nemene Matre Thatreine kö troa qaja ka hape ka kucakuca la atr ka Nyipi ihnim?

18 Juun E Tusi Hmitrötr: Ite Teije i Ieremia 3-5 Nyima 140

Atreine Cainöj: Aqane Troa Metrötrën La Itre Xan (be g. 190 ¶1–g. 191 ¶1)

N. 1: Ite Teije i Ieremia​ —Hetre Thangane Hna Troa Kapa Qa Ngön (si g. 132 ¶13-15)

N. 2: Ite Teije i Ieremia 4:​1-​13

N. 3: Nemene La Bapataiso, Nge Pine Nemene Matre Nyipi Ewekë Troa Xome La Bapataiso Hnene La Itre Ka Lapaun? (rs g. 47 ¶1-4)

N. 4: hPine Nemene Matre Thaa Tro Kö La Itre Nyipi Keresiano a Kuci Politik?

25 Juun E Tusi Hmitrötr: Ezekiela 1-5 Nyima 1

Atreine Cainöj: Loi e Troa Hetrenyi La Metrötr Ngöne La Kola Iöhnyi Memine La Itre Atr (be g. 191 ¶2–g. 192 ¶1)

Revizio Hna Ce Ithanatan

2 Julai E Tusi Hmitrötr: Ezekiela 6-​10 Nyima 26

Atreine Cainöj: Loi e Troa Ithanata Cememine La Metrötr (be g. 192 ¶2–g. 193 ¶2)

N. 1: Pane Nyine Troa Atre Ngöne La Tusi Ezekiela (si g. 132-3 ¶1-6)

N. 2: Ezekiela 7:​1-​13

N. 3: Nemene La Hna Thele The Së Matre Troa Easenyi Iehova (Iako. 4:8)

N. 4: Bapataiso i Keresiano, Thaa Tro Kö a Fie, Nge Thaa Thatraqai Itre Medrenge Kö (rs g. 47 ¶5–g. 48 ¶2)

9 Julai E Tusi Hmitrötr: Ezekiela 11-​14 Nyima 112

Atreine Cainöj: Thaa Tro Kö Sa Luelue Troa Ithanata (be g. 194 ¶1–g. 195 ¶2)

N. 1: Thaa Tro Kö a Cil Troa Kuca La Ewekë Ka Loi (w05 1/6 g. 29-​30)

N. 2: Ezekiela 11:​1-​13

N. 3: Thaa Bapataiso Kö La Ka Köletrije La Itre Ngazo Së? (rs g. 48 ¶3-6)

N. 4: Tro sa Trotrohnine Tune Kaa la Hna Amamane 17:​9-​11?

16 Julai E Tusi Hmitrötr: Ezekiela 15-​17 Nyima 29

Atreine Cainöj: Kola Mama Tune Kaa Laka Thaa Luelue Kö Së? (be g. 195 ¶3–g. 196 ¶4)

N. 1: Troa Cile Kowe La Itre Aqane Mekune Ka Ngazo! (w05 15/9 g. 26-8)

N. 2: Ezekiela 16:​1-​13

N. 3: Kola Hapeue La Troa Maca Mek (Ite edomë 13:16)

N. 4: Drei la Hna Bapataisone Hnei Uati Hmitrötr? (rs g. 48 ¶7–g. 50 ¶1)

23 Julai E Tusi Hmitrötr: Ezekiela 18-​20 Nyima 193

Atreine Cainöj: Loi e Maca La Aqane Ithanata Me Catre Fë La Lapaun (be g. 197 ¶1-3)

N. 1: Aqane Troa Atrehmekune La Aqane Waiewekë Ne La Atr Hne Së Hna Ithanata Memin (be g. 66 ¶1–g. 68 ¶1)

N. 2: Ezekiela 18:​19-​29

N. 3: Thaa Ceitune Kö La Bapataiso Hnei Eë Memine La Bapataiso Hnei Uati Hmitrötr (rs g. 50 ¶2-6)

N. 4: Hatrene Laka Ka Nyipici La Baselaia i Akötresie

30 Julai E Tusi Hmitrötr: Ezekiela 21-​23 Nyima 35

Atreine Cainöj: Loi e Maca La Aqane Ithanata Ngöne La Easë a Anyipicin (be g. 197 ¶4–g. 198 ¶5)

N. 1: Loi e Troa Atre La Nyine Troa Sa Kowe La Itre Atr (be g. 68 ¶2–g. 70 ¶3)

N. 2: Ezekiela 23:​1-​17

N. 3: Itre Kepine Matre Nyipi Ewekë Troa Wangatrune La Tusi Hmitrötr (rs g. 51-2 ¶5)

N. 4: Aqane Waiewekë Ka Loi Göi Draië Maine Hlemu?

6 Ogas E Tusi Hmitrötr: Ezekiela 24-​27 Nyima 37

Atreine Cainöj: Itre Trenge Ewekë Ka Ijij Ngöne La Ijine Ka Ijij (be g. 199 ¶1-4)

N. 1: Aqane Troa Ithuemacanyi Jëne Tus (be g. 71-3)

N. 2: Ezekiela 24:​1-​14

N. 3: Kola Hapeue la Kola Hape Mose La Ketre Tulu Ka Lolo Kowe La Itre Keresiano

N. 4: Nyine Anyipicine Ka Hape Qaathei Akötresie La Tusi Isaia me Ieremia (rs g. 53 ¶1–g. 54 ¶2)

13 Ogas E Tusi Hmitrötr: Ezekiela 28-​31 Nyima 123

Atreine Cainöj: Aqane Troa Maca Troa Ithanata Ngöne La Kola Ithanata Memine La Itre Atren La Lapa Maine Itre Xane Pena (be g. 200 ¶1-4)

N. 1: Loi e Tro Sa Thele Troa Kökötr (be g. 74 ¶1–g. 75 ¶3)

N. 2: Ezekiela 28:​1-​16

N. 3: Kola Anyipicine Hnene la Aqane Eatre La Itre Hna Perofetane Hnei Iesu Laka, Hna Cinyihane La Tusi Hmitrötre Jëne La Uati Hmitrötr (rs g. 54 ¶3-4)

N. 4: Nemene La Aliene La Kola Hape “Imethinë” Hnine La Tusi Hmitrötr?

20 Ogas E Tusi Hmitrötr: Ezekiela 32-​34 Nyima 215

Atreine Cainöj: Loi e Tro Sa Qaja La Itre Trenge Ithanata Ka Lolo Nge Nyine Ithuecatr (be g. 202 ¶1–g. 203 ¶2)

N. 1: Huliwane Jë La Ahnahna Hna Hamëne Koi Nyipunie (be g. 75 ¶4–g. 77 ¶2)

N. 2: Ezekiela 34:​1-​14

N. 3: Kola Xatua Së Tune Kaa Hnene La Uati Hmitrötre i Akötresie?

N. 4: Hna Jele Nyipicine La Tusi Hmitrötre Hnene La Sias (rs g. 55 ¶1–g. 57 ¶2)

27 Ogas E Tusi Hmitrötr: Ezekiela 35-​38 Nyima 94

Atreine Cainöj: Loi e Troa Thupëne La Aqane Troa Qaja La Itre Trenge Ithanata (be g. 203 ¶3–g. 204 ¶1)

Revizio Hna Ce Ithanatan

3 Sem. E Tusi Hmitrötr: Ezekiela 39-​41 Nyima 194

Atreine Cainöj: Ngöne La Kola Porotrik Memine La Itre Ka Ce Hmi Me Easë (be g. 204 ¶2–g. 205 ¶4)

N. 1: Pine Nemene Matre Troa Fedre Kowe La Wesi Ula i Akötresie? (w05 15/4 g. 15-​16 ¶3-6)

N. 2: Ezekiela 40:​1-​15

N. 3: Hapeu, Ijije Kö Tro La Itre Atr a Amadrinë Akötresie?

N. 4: i Troa Sa La Itre Hnyinge Ka Ajolëne La Enyipicine La Tusi Hmitrötr (rs g. 57 ¶3–g. 60 ¶3)

10 Sem. E Tusi Hmitrötr: Ezekiela 42-​45 Nyima 77

Atreine Cainöj: Troa Anyimua Amexej Matre Troa Acatren La Mekun (be g. 206 ¶1-4)

N. 1: Tune Kaa Matre “Korona Ka Lolo” La Pengöne La Qatr? (w05 15/1 g. 8-9)

N. 2: Ezekiela 43:​1-​12

N. 3: Pine Nemene Matre Thaa Hane Kö La Itre Keresiano Atrune La Itre Drai Ne Mala i Angatr? (rs g. 32-34 ¶2)

N. 4: j Tro Sa Wanga Atrehmekune Tune Kaa “La Aqane Ewekë Ne La Itre Trehnyiwa”? (Ioane 10:5)

17 Sem. E Tusi Hmitrötr: Ezekiela 46-​48 Nyima 164

Atreine Cainöj: Aqane Troa Anyimua Amexeje La Itre Mekun Ngöne La Hna Cainöje Trootro Me Ngöne la Kola Cile Fë Cainöj (be g. 207 ¶1–g. 208 ¶3)

N. 1: Ezekiela​—Hetre Thangane Hna Troa Kapa Qa Ngön (si g. 137 ¶29-33)

N. 2: Ezekiela 47:​1-​14

N. 3: Pine Nemene Matre Thaa Ka Öni Madra Kö La Itre Keresiano? (rs g. 359-60 ¶4)

N. 4: k Pine Nemene Matre Ka Sisitria Kö La Ahnahna Ngöne La Ua Hna Hamën Hnene La Itre Keme Me Thin Kowe La Itre Nekö i Angatr Nyine Edrö i Angatr?

24 Sem. E Tusi Hmitrötr: Daniela 1-3 Nyima 179

Atreine Cainöj: Aqane Troa Ithanatan La Taan (be g 209 ¶1-3)

N. 1: Pane Nyine Troa Atre Ngöne La Tusi Daniela si g. 138-9 ¶1-6)

N. 2: Daniela 2:​1-​16

N. 3: Pine Nemene Matre Sipu Etrune Hi Lai 144 000, Ngo Thaa Ketre Hatrene Kö? (Hna ama. 7:4)

N. 4: Pine Nemene Matre Thaa Hane Kö La Itre Keresiano Xome Me Hamë Madra? (rs g 360 ¶5–g 362 ¶1)

1 Okot. E Tusi Hmitrötr: Daniela 4-6 Nyima 14

Atreine Cainöj: Aqane Troa Xome La ketre Taan Ka Ijij (be g. 210 ¶1–g. 211 ¶1; g. 211, itre mekune hna eköhagen)

N. 1: Kepine Matre Meköti e Tro Sa Drenge Akötrëne La Itre Ngazo Hna Kuca Koi Së? (w05 1/8 g. 13-​15)

N. 2: Daniela 4:​1-​17

N. 3: Tro Sa Xötrethenge Tune Kaa La Itre Thiina Ka Loi i Mefiboseth?

N. 4: l Kola Sa La Itre Hnyinge Göi Xome Me Hamë Madra (rs g. 362 ¶2–g. 364 ¶2)

8 Okot. E Tusi Hmitrötr: Daniela 7-9 Nyima 34

Atreine Cainöj: Troa Mama Hnyawa La Itre Mekune Ka Nyipi Ewekë (be g. 212 ¶1–g. 213 ¶2)

N. 1: Epi Tro La “Wesi Ula” i Iehova a Thupë Nyipunie (w05 1/9 g. 28-​31)

N. 2: Daniela 7:​1-​12

N. 3: Nemene La Aliene La Hna Hape Troa Hnahone Hmaca? (rs g. 259-60 ¶8)

N. 4: Nemene La Madrine Ka Tru Hna Troa Kapa Qa Ngöne La Hna Cainöje Lapaa?

15 Okot. E Tusi Hmitrötr: Daniela 10-​12 Nyima 210

Atreine Cainöj: Thaa Tro Kö a Tru Menu La Itre Mekune Ka Sisitria (be g. 213 ¶3–g. 214 ¶5)

N. 1: Daniela​—Hetre Thangane Hna Troa Kapa Qa Ngön (si g. 141-2 ¶29-33)

N. 2: Daniela 11:​1-​14

N. 3: Tro La Hni Ne Ipië a Xatua Së Tune Kaa Matre Tro Sa Elë Hune La Jol, Ene La Thaa Itrotrohni?

N. 4: Thaa Hetrenyi Kö La Mel Pine Laka Hna Hnaho Së Hmaca (rs g. 261 ¶1–g. 262 ¶1)

22 Okot. E Tusi Hmitrötr: Hosea 1-7 Nyima 66

Atreine Cainöj: Aqane Nyiqaane Ithanata Ka Ahlëne La Aja (be g. 215 ¶1–g. 216 ¶5)

N. 1: Pane Nyine Troa Atre Ngöne La Tusi Hosea Nge Hetre Thangan Hna Troa Kapa Qa Ngön (si g. 143-5 ¶1-8, 14-​17)

N. 2: Hosea 5:​1-​15

N. 3: a Kola Sa La Itre Hnyinge Göi Troa Hnahone Hmaca (rs g. 262 ¶3–g. 263 ¶2)

N. 4: Itre Jëne Tro La Itre Nyipi Keresiano a Xomihni Ahoeany

29 Okot. E Tusi Hmitrötr: Hosea 8-​14 Nyima 59

Atreine Cainöj: Nemene La Aqane Troa Kuca Matre Troa Drei Së Hnyawa Hnene La Itre Atr Ngöne La Hna Cainöje Trootro? (be g. 217 ¶1-4)

Revizio Hna Ce Ithanatan

5 Nof. E Tusi Hmitrötr: Ioela 1-3 Nyima 166

Atreine Cainöj: Loi e Troa Wanga Atrehmekun La Topike Së Ngöne La Kola Nyiqaane Cile Fë La Hnëqa (be g. 217 ¶5–g. 219 ¶3)

N. 1: Pane Nyine Troa Atre Ngöne la Tusi Ioela Nge Hetre Thangan Hna Troa Kapa Qa Ngön (si g. 146-8 ¶1-5, 12-​14)

N. 2: Ioela 2:​1-​14

N. 3: Nemene La Aliene La Hna Hape “Ihnimi Ka Pexej” (1 Ioane 4:​18)

N. 4: Troa Qeje Ngazo Koi Itre Hene Hmi Katolik​—Pine Nemene Matre Thaa Hna Kapa Kö Hnei Tusi Hmitrötr? (rs g. 68-9 ¶9)

12 Nof. E Tusi Hmitrötr: Amosa 1-9 Nyima 211

Atreine Cainöj: Itre Aqane Troa Nyipune Hnyawa La Itre Cainöj (be g. 220 ¶1-3)

N. 1: Pane Nyine Troa Atre Ngöne La Tusi Amosa Nge Hetre Thangan Hna Troa Kapa Qa Ngön (si g. 148-​50 ¶1-6, 13-​17)

N. 2: Amosa 2:​1-​16

N. 3: Pine Nemene Matre Thaa Ka Sisitria Kö La Ini Hna Xome Qa Ngöne La Hna Melën Hnene La Atr?

N. 4: Ame Ngöne La Kola Kuca La Ngazo Hnene La Ketre Atr Xajawa i Akötresie (rs g. 71 ¶2-8)

19 Nof. E Tusi Hmitrötr: Obadia 1–Iona 4 Nyima 220

Atreine Cainöj: Itre Mekun Nyine Troa Hnehene Hnyawa (be g. 220 ¶4–g. 221 ¶4)

N. 1: Pane Nyine Troa Atre Ngöne La Tusi Obadia Me Iona Nge Hetre Thangan Hna Troa Kapa Qa Ngön (si g. 151-3 ¶1-5, 10-​14; g. 153-5 ¶1-4, 9-​12)

N. 2: Iona 1:​1-​17

N. 3: Pine Nemene Matre Troa Pane Acile La Paradraiso Ngöne La Ua Qëmekene La Paradraiso e Celë Fen?

N. 4: b Pine Nemene Matre Loi e Troa Qaja La Itre Ngazo Kowe La Itre Qatre Thup? (rs g. 71 ¶9–g. 72 ¶4)

26 Nof. E Tusi Hmitrötr: Mika 1-7 Nyima 18

Atreine Cainöj: Ngöne La Hna Cainöje Trootro (be g. 221 ¶5–g. 222 ¶6)

N. 1: Pane Nyine Troa Atre Ngöne La Tusi Mika Nge Hetre Thangan Hna Troa Kapa Qa Ngön (si g. 155-8 ¶1-8, 16-​19)

N. 2: Mika 2:​1-​13

N. 3: Nemene La Aliene La Hna Hape Troa Menyike La Thiina Së?

N. 4: Pine Nemene Matre Ka Loi e Troa Mejiune Ka Hape Thaa Ka Xulu Xane Kö La Itre Ewekë Ngo Hna Xupe Itre Ej? (rs g. 72-4 ¶2)

3 Dis. E Tusi Hmitrötr: Nahuma 1–Habakuka 3 Nyima 137

Atreine Cainöj: Enyipicin La Itre Trenge Ewekë (be g. 223 ¶1-5)

N. 1: Pane Nyine Troa Atre Ngöne La Tusi Nahuma Me Habakuka Nge Hetre Thangan Hna Troa Kapa Qa Ngön (si g. 158-​60 ¶1-7, 11-​12; g. 161-3 ¶1-5, 12-​14)

N. 2: Habakuka 1:​1-​17

N. 3: Loi e Tro Sa Trotrohnine La Kola Qejepengöne Hnei Tusi Hmitrötre La Hna Xupi Ewekë Hnei Akötresie (rs g. 75 ¶1–g. 76 ¶5)

N. 4: Hapeue La Mele Ka Pë Pun, Troa Pë Jole Së Me Pë Madrin?

10 Dis. E Tusi Hmitrötr: Zefania 1–Hagai 2 Nyima 78

Atreine Cainöj: Loi e Troa “Xome Catën La Wesi Ula Ka Nyipici” (be g. 224 ¶1-4)

N. 1: Pane Nyine Troa Atre Ngöne La Tusi Zefania Me Hagai Nge Hetre Thangan Hna Troa Kapa Qa Ngön (si g. 163-6 ¶1-6, 10-​12; g. 166-8 ¶1-7, 13-​16)

N. 2: Zefania 3:​1-​17

N. 3: Pine Nemene Matre Thaa Hna Upi Së Kö Hnei Tusi Hmitrötr Troa Thili Kowe La Satauro (Kuluse)? (rs g. 80 ¶1–g. 81 ¶2)

N. 4: c Tro La Mele Ngöne La Ua a Hetre Thangane Tune Kaa Ngöne La Mele Ne La Trefën?

17 Dis. E Tusi Hmitrötr: Zakaria 1-8 Nyima 209

Atreine Cainöj: Troa Wange Hnyawa La Enyipicine La Itre Mekune Hna Hamën (be g. 225 ¶1-3)

N. 1: Pane Nyine Troa Atre Ngöne La Tusi Zakaria (si g. 168-9 ¶1-7)

N. 2: Zakaria 7:​1-​14

N. 3: Hna Eatr Tune Kaa Enehila La Hna Ketrepengöne Ekö Hnei Iesu?

N. 4: Hapeue La Itre Macatre Ne La Itre Atr Ekö, Ceitune Kö Memine La Aqane e Së La Itre Macatre Së Enehila? (rs g. 85 ¶4–g. 86 ¶1)

24 Dis. E Tusi Hmitrötr: Zakaria 9-​14 Nyima 202

Atreine Cainöj: Itre Mekun Ka Thaa Jole Troa Trotrohnin (be g. 226 ¶1–g. 227 ¶1)

N. 1: Zakaria​—Hetre Thangan Hna Troa Kapa Qa Ngön Me Pane Nyine Troa Atre Ngöne La Tusi Malaki Nge Hetre Thangan Hna Troa Kapa Qa Ngön (si g. 171-2 ¶23-7; g. 172-5 ¶1-6, 13-​17)

N. 2: Zakaria 10:​1-​12

N. 3: Pine Nemen Matre Kola Qaja Hnene La Itretre Anyipici Iehova Ka Hape Hna Acile La Baselaia i Akötresie Lo Macatre 1914? (rs g. 86 ¶2–g. 88 ¶1)

N. 4: Tro Sa Hnëkë Tune Kaa Kowe La Icilekeu?

31 Dis. E Tusi Hmitrötr: Malaki 1-4 Nyima 118

Atreine Cainöj: Qejepengöne Jë La Itre Mekun Hna Thaa Majemine Kö Troa Xom (be g. 227 ¶2–g. 228 ¶1)

Revizio Hna Ce Ithanatan

[Ithuemacany]