Itre Hna Amekötiin
◼ Itre itus nyine troa tro fë ngöne la itre treu Julai Me Ogas: Tro fë jë la itus, Nemene La Nyipi Ini Hna Hamën Hnei Tusi Hmitrötr? Nge thele jë troa nyiqaane ini tus memine la itre atr. Semitrepa: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane ini tus memine la itre atr ngöne la kola xötrei cainöj. Maine hetrenyi hë la itre atr la itusi celë, amamane jë la aqane tro angatr a kepe thangane qa ngön ej, hnene la hna pane iamacanyine la ketre aqane troa ini Tusi Hmitrötr. Okotropa: Troa tro fë la itre zonal La Tour de Garde me Réveillez-vous ! Maine hetre hni ne ajane thene lai atr, hamëne jë me ce ithanatane jë la tarak Ajane Kö Nyipunie Troa Atre Hnyawa La Tusi Hmitrötr? göne la troa nyiqaane inine la Tusi Hmitrötre me angeic.
◼ Pine laka faifi lao mecixeni me sabath e Ogas, haawe, ketre treu ka lolo catre troa pionie ka ixatua.
◼ Qaane e Semitrepa, troa cile fë hnene la itre qatre thup ka wange trongëne la itre ekalesia la cainöj koi nöjei atr; ame la taan, tre, “Loi e troa Tro Ngöne La Nyipici.”
◼ Thaa sasaiatri kö a troa nyialien trongën la hna isa komadë itus hnene la itre trejin. Troa treqene tro la atre thup perezida a thuemacane la itre trejin ngöne la nöjei treu, troa canga komadën la itre itus thene la atrekë hnëqane lai ngöne la ekalesia, qëmeken tro angeic a iupi fë la hna komaad koi sasaiatri. Loi e troa atre hnyawa la itre itus, ka ketre pengöne kö la aqane troa sipon.
◼ Maine ijije hi, loi e troa canga kuca la inventaire ne la itre itus, me itre zonal thatraqane la macatre qëmekene la 31 Ogas 2008. Ketre tune mina fe troa e la itre etrune la itre itus ngöne la nöjei treu hnene la atrekë hnëqane lai, nge troa amë me cinyihan la etrun asë ngöne la pepa ne inventaire (S-18). Troa ce xawane la itre zonal asë munëne pe, hnene la itre trejin atrekë hnëqane lai ngöne la itre ekalesia. Tro la seketere ne la ekalesia hna iën a elemeken lai inventaire. Tro angeic memine la perezida ne la ekalesia ka ce huliwa a ce siji hatren la pepa. Tro la nöjei ekalesia atrekë hnëqane la itre itus a isa kapa la köni pepa ne inventaire ne itre itus. Kola sipon matre troa canga iupi fë koi Sasaiatri la hnapan, qëmeken e 6 Semitrepa. Ame la hnaakönin, ke, nyine iafitren.
◼ Loi e troa xome la itusi Ini Tusi Hmitrötr matre troa nyiqaane me xomiujine la itre ini Tusi Hmitrötr, hune la troa xome la boroshür hna hape, Thele. Ijije troa catre tro fë la boroshür Thele ngöne la hna cainöje trootro uti hë la troa pë hnyawa la itre hna komaadën.