Göi Itre Icasikeu Ne La Huliwa

Ithuemacany: Eje e hnine la Huliwa Ne Baselaia la porogaram göne la itre Icasikeu Ne La Huliwa ngöne la nöjei wiik ne semitrepa. Tro la itre ekalesia a saze la porogarame i angatr matre ijije troa hane sine la Kovasio Ne Distrik hna hape, “Hna Eatrongëne Hnene La Ua i Akötresie.” Maine ijij, troa xome ngöne la Icasikeu Ne La Huliwa qëmekene la ijine asabele, la 15 lao menetr matre troa amexeje hmaca lo itre eamo memine lo itre nyine amekunën hna xome qa hnine la sinetrongene la Huliwa Ne Baselaia ne la treu cili. Caas maine lue treu thupene la asabele, troa xome la 15 koi 20 lao menetr ngöne la ketre ijine Icasikeu Ne La Huliwa (maine jë troa nyihnane lo ihaji koi së) göi troa ce wange hmaca la itre mekune ka tru ne lo lai porogarame ne asabele, laka itre mekune ka troa xatuane la itre trejine ngöne la huliwa ne cainöj. Loi e troa cile fë la hnëqa celë hnene la atre thupën la huliwa ne cainöj. Sipone jë kowe la itre atrene la icasikeu troa qaja la aqane trongëne angatr maine pena la aqane tro angatr a trongëne la itre mekune cili ngöne la hna cainöje trootro.

Koi 14 Julai Me Wiike Cili

Nyima 126

10 men: Itre ithuemacanyi koi së. Xome jë la itre mekune ngöne la götrane 4 maine itre xaa aqane nyiqaane ithanata ngöne la teritoare i epun, nge amamane jë la aqane troa tro fë la itre zonal La Tour de Garde ne 1 Julai me Réveillez-vous ! ne Julai, maine kolo lue hna kapa pinën.

15 men: Hetrenyi Kö Thei Nyipunie La Atreine Troa “Qaja Mekötine” La Itre Ewekë? Cainöj hna eköth jëne la itre mekune hna xome qa ngöne la Tour de Garde ne 15 Mei 2006, götrane13-16. Amamane jë la enyipiewekëne la troa catre cainöj.

20 men: “Loi e Tro Sa Mele Me Mekune Pala Hi La Drai Iehova.”a Amamane jë la itre götrane ka ketre pengöne ne la itusi celë. Wange hmaca jë la porogarame ne ini tus memine la itre ithuemacany ngöne la götrane 3 ne la Huliwa Ne Baselaia celë. Xatuane jë la itre trejine asë troa isa catre sin, me qeje mekun. Troa pane ithanata memine la caas maine lue trejin ka hnëkëne hnyawa pala hi la itre icasikeu, nge hnyingë angatr jë la itre kepine ka upi angatr troa hnëkëne hnyawa la nöjei icasikeu.

Nyima 147

Koi 21 Julai Me Wiike Cili

Nyima 95

10 men: Itre ithuemacanyi koi së. Iëne jë la itre Hna Amekötiin qa hnine la Huliwa Ne Baselaia. Amekunëne hmaca jë la itre trejine troa traqa fë göi Icasikeu Ne La Huliwa ngöne la wiike ka troa xulu la Tour de Garde ne 1 Ogas me Révéillez-vous ! ne Ogas, maine pena lo lue zonal hna kapa pinën, matre troa ce ithanatan la itre aqane nyiqaane ithanata ngöne la teritoare së.

15 men: Itre ihaji koi së.

20 men: “Troa Hnëkë Hnyawa—Jëne Troa Maca Ngöne La Kola Iwai Hmaca.”b Tro fe a kuca la ketre iamacanyi ne 4 lao menetr hnene la ketre trejin ka ithanata caas, matre amamane la aqane troa hnëkë göi troa iwai hmaca. Angeic a goeëne hmaca la hnei angeic hna fejane ngöne la sine pepa, ene la itre ëjen lo itre atr hna cainöje kow, me qaja la lue atr hnei angeic hna mekune troa wange hmaca ngöne la pune la wiik. Nge thupene jë hi lai, angeic a wange hmaca lo hna ce ithanatane memine lai lue atr matre troa ahnithe amë la itre ewekë hnei angeic hna troa ithanatan, nge angeice fe a thele la aqane tro angeic a troa eatrëne la itre mekune hnei angeic hna ajane troa traqa kow. Ame kowe la pane atr, tre, angeic a hnyingëne mekötine maine aja i angeice troa ini Tusi Hmitrötr. Nge ame pë hë koi ketre, tre, kola thele la aqane troa akökötrene la aja i angeic troa atrepengöne la Tusi Hmitrötr, jëne la itre mekune qa hnine la paragraf 5. 

Nyima 189

Koi 28 Julai Me Wiike Cili

Nyima 6

10 men: Itre ithuemacanyi koi së. Amekunëne jë la itre trejin asë troa hamëne la itre rapor ne treu Julai. E jë la hna ithingë me itre ahnahna. Qaja jë la itusi hna troa tro fë e treu Ogas, nge troa iamacanyine ngöne la caas.

15 men: Loi e Tro Pala Hi Sa Mekune Laka Easenyi Catre Hë La Pun. Cainöj hna troa kuca ce memine la madrin, nge troa xome la itre mekune qa hnine la Tour de Garde ne 15 Diseba 2006, götrane 18-19, paragaraf 17-21.

20 men: Hnëkëjë Troa Tro Fë La Itre Zonal Hna Xötrei Kapa. Troa ce ithanatan. Thupene la hna nango qaja la itre aliene ka tru ne la Tour de Garde ne 1 Ogas memine la Réveillez-vous ! ne Ogas, maine pena la lue zonal hna kapa pinën, sipone jë kowe la itre trejine troa qaja la itre mekune ka troa ketr la itre atrene la teritoar, memine la itre kepin. Sipone mina jë fe kowe la itre atrene la icasikeu troa qaja la itre hnepe mekune qa hnine la itre hna cinyihan, lo hnei angatr hna mekune troa ce ithanatane memine la itre atr. Nemene la hnying ka troa xatua së troa nyiqaane ithanata memine la itre atr? Nemene la xötre hne së hna troa xome qa ngöne la ketre hna cinyihane matre troa ce e me angatr? Maine troa xome la ketre aqane nyiqaane ithanata qa hnine la Huliwa Ne Baselaia maine hna hamëne pena hnene la ketre trejine matre troa amamane la aqane troa tro fë la lue zonal.

Nyima 106

Koi 4 Ogas Me Wiike Cili

Nyima 222

10 men: Itre ithuemacanyi koi së.

15 men: Ka Hnëkë Kö La Itre Nekö i Nyipunie Troa Cile Kowe La Itre Jol Hnei Angatre Hna Troa Melëne Ngöne La Uma Ne Ini? Cainöj nge troa ce ithanatan. Amexeje jë la itre xaa itupath hna cile kow hnene la itre thöth ngöne la itre uma ne ini. Qeje pengöne jë la aqane tro la itre keme me thine me itre nekö i angatr a xome la itre mekune ka troa xatua angatr qa hnine la Index des publications. Xome jë la itre xaa ceitun. (Wange ju lo mekene ka co hna hape, “rapports” fene la hna cinyihane ka tru ka hape, “École.”) Sipone jë kowe la itre atrene la icasikeu, lo itre ka tru ngöne la nyipici troa hamë mekun; tro angatr a qaja la aqane hnëkë angatr hnei keme me thine matre troa cile kowe la itre jol ka traqa koi angatr, nge troa trongëne pala hi la itre trepene meköt qa hnine la Tusi Hmitrötr ngöne la itre uma ne ini. Maine pena sipo angatr jë troa qaja la aqane xome hnei angatr la itre mekune qa hnine la Réveillez-vous ! nyine troa hnëkëne la ketre qa i angatr. Sipo angatre jë fe troa qeje pengöne la aqane thupë angatr hnene la hnei angatre hna qaja kowe la itre sine ce ini me angatr, ka hape, Itretre Anyipicine i Iehova angatr.

20 men: “Loi e Tro Sa Catre Thipetrije La Itre Ewekë Hne Së Hna Fedre Kow.”c Sipone jë kowe la itre atrene la icasikeu troa qaja la aqane xatua angatr cememine la xomihni ahoeany, hnene la itre ka hamë ini koi angatr göne matre troa thipetrije la itre ini ka thoi hnei angatr hna catre mejiune kow.

Nyima 83

[Ithuemacany e cahu fen]