Hnëkë Hnyawa Jë Thatraqane La Drai Ne Amekunën
Drei la ketre madrin me manathithi ka tru kowe la itre hlue i Keriso, troa hnëkë hnyawa thatraqane la heji ne troa amekunëne la meci Iesu Keriso! (Luka 22:19) Nemene la itre nyine tro sa kuca matre troa hnëkë hnyawa thatraqane la Drai ne Amekunën?
◼ Hawa Me Hnë Troa Icasikeu: Loi e tro la itre atr asë a atre la hawa me hnë troa atrune la Drai Ne Amekunën. Maine nyimutre lao ekalesia ka troa icasikeu ngöne la Uma Ne Baselaia ka caas haawe, nyipi ewekë troa traqa me canga tro hmaca ngöne la hawa hna sa, pine laka hna tuluthe hi la traeme hna nue akawane la itre icasikeu. Ketre, nyipi ewekë mina fe troa thupëne matre thaa tro kö a tru menu hnei atr ka cile pe ngöne la varad, me ngöne la hnë lö, me ngöne la hnë tro, me ngöne la hnë ami loto.
◼ Itre Pepa Ne Ihë: Hapeu, ase kö kapa hnene la itre trejine asë la itre pepa ne ihë nge hapeu, atrepengöne hnyawa ha angatr la alien ej? Hapeu, nyipunieti kö a amacane la aqane troa tro fë lai? Drei la hnei nyipunieti hna troa hamëne kow? Loi e troa thele troa hamëne asë la itre pepa ne ihë.
◼ Itrothei: Maine jë hetrenyi la itre xaa atr ka hetre hni ne ajan me itre trejine trahmanyi me föe, ka ajane troa trothei angatr. Nemene la itre ewekë hna hnëkëne amë, matre troa xatua angatr?
◼ Areto Me Waina: Loi e troa xecie hnyawa laka, troa tro fë la areto me waina e lö hë la jö. Loi e troa kuca fe la itre hna amekötin thatraqane la itre trejin hna iën, laka sine atr nge thaa ijiji nyudrene kö troa hane traqa kowe la hna icasikeu. Ketre, loi e troa canga hnëkën me kuca la areto memine la waina.—Goeëne ju la La Tour de Garde ne 15 Febuare 2003, götrane 14-15, paragarafe 14, 17.
◼ Uma Ne Baselaia: Loi e troa canga nyidrawane la uma thatraqane la ijine cili. Troa traqa fë kowe la uma la itre peleitr, me itre ver, me laulau, me ihakune ej; nge troa canga hnëkëne la hnë troa amë itre ej. Maine hetre itre xaa icasikeu e cili, loi e troa wange hnyawa la ikaho matre ijije kowe la itre atrene la icasikeu troa drenge la atre cile fë la cainöj. Loi e troa canga iëne la itre ka troa xeen la itre loto, memine la itre ka troa tro fë areto me waina, me thuemacanyi angatre la isa aqane tro angatr a kuca la itre hnëqa hna athipe koi angatr, me wange hnyawa fe la aqane heetr, me isej, laka loi e troa metrötrëne la ijine cili.
Ame ngöne la ijine cili ka sisitria, ene la Drai Ne Amekunëne la meci Iesu Keriso, tre, easë isa ala caasi a ajane troa ce hnëkë hnyawa memine la ekalesia së. Eje hi laka, tro Iehova a amanathithine la nöjei atr asë ka hetre hni ne ole kowe la itre hnei Nyidrëti hna amekötin; nge ijije troa kapa hnene la itre atr asë la itre manathithi cili, hna jëne la mele hna huujëne hnei Iesu Keriso lo Hupuna hnei Nyidrëti hna hnim.