Porogaram Koi Wiike Ne 8 Febuare

KOI 8 FEBUARE ME WIIKE CILI

Nyima 23 (47)

□ Ini Tusi Hmitrötr Ne La Ekalesia:

lv mek. 16 ¶15-22, itre mekun hna eköhagen ngöne g. 194

□ Ini Ne Cainöj Qaathei Akötresie:

E Tusi Hmitrötr: Angete Amekötin 11-14

N. 1: Angete Amekötin 13:1-14

N. 2: Nemene La Ini Hne Së Hna Kapa Qa Ngöne La Trenge Ewekë i Iesu Ngöne Luka 16:9-13?

N. 3: Nemen La ‘Iaxösisi Ka Epine Palua’ Hna Qaja Ngöne La Tusi Hna Amamane? (rs g. 126 ¶3-4)

□ Icasikeu Ne La Huliwa:

Nyima 94 (182)

5 men: Itre ithuemacanyi koi së.

10 men: Aqane Troa Sa La Itre Hnying Göne La Itre Feet Ka Tru. Troa ce ithanatane la itre mekun hna xome qa hnine la itus Comment raisonner, fene la lue taan hna cinyihan acon ngöne la itre götrane 164 me 165. Nemene la itre feet ka tru hna troa atrune hnene la itre atrene la teritoare i epun? Eue la ijine ka aijijë epuni troa ithanatane la ketre feet ka tru? Kuca jë la ketre iamacany ka amamane la aqane tro la ketre keme maine thin a hnëkëne la nekö i angeic troa sa la hnyinge celë, pine nemene matre thaa epuni kö a atrune la Paak?

20 men: “Itre Pepa Ne Ihë Göne La Drai Ne Amekunën Nyine Thawa e Cailo Fen!” Troa ce ithanatan. Maine ijije hi, qëmekene troa ce ithanatane la paragarafe 2, loi e troa isa thawa la ca pepa ne ihë kowe la itre atrene la icasikeu, nge wanga atrune jë la itre mekun ka sisitria ne la ihë cili. Thupene la hna ce ithanatane la paragarafe 2, tro la ketre atre cainöj a amamane la aqane troa tro fë la ihë cili. Hnyingëne jë kowe la atre thupëne la huliwa ne cainöj maine kowe pena la ketre qatre thup, matre tro angeic a qaja la itre hna hnëkën amë thatraqane la huliwa ne troa tro fë trootro la itre pepa ne ihë göne la Drai Ne Amekunën ka troa traqa.

Nyima 18 (114)