‘Tro Ha Cainöjëne La Maca Ka Loi Celë!’
1. Easa atre tune kaa laka, pëkö ketre ewekë ka troa sawa la huliwa ne cainöj?
1 Nyipici laka pëkö ketre ewekë ka troa sewe Iehova troa eatrëne la aja i Nyidrë. (Is. 14:24) Ngacama thatreine kö Gideona lo Atre Amekötin memine la itre atre i angeic ka ala 300 troa lepe la trongene isi angetre Midiana, laka, 135 000 la etrun, ngo ame pe hnei Iehova hna qaja koi angeic, ka hape: “Qâ i ’ö troa amele angete Isaraela qa ngöne la ime i angete Midiana. Hape u, tha hnenge hna upi ’ö?” (A. ame. 6:14) Nemene huliwa la hnei Iehova hna sajuën enehila? Öni Iesu, ka hape: “Tro ha cainöjëne la maca ka loi celë ne la baselaia e cailo fen.” (Mat. 24:14) Pëkö ka atreine troa sawa me lepe apatrene la huliwa cili!
2. Pine nemene matre ka xecie koi së laka, tro Iehova a xatua së easë isa ala cas, ngöne la easa cainöj?
2 Iehova a Xatua Së, Easë Isa Ala Caas: Pine laka ka xecie hnyawa koi së, laka, tro Iehova a amanathithine la nöje i Nyidrë, ngo tune kaa easë isa ala caas, tro kö Nyidrëti a xatua së? Ame ngöne la ketre ijine Paulo a aja ixatua, hnei angeice hna öhne la ixatua qaathei Iehova jëne la Hupuna i Nyidrë, ene Iesu. (2 Tim. 4:17) Loi e tro sa mejiune laka, tro Iehova a amanathithine la trenge catre hne së hna kuca isa ala caas matre troa eatrëne la aja i Nyidrë.—1 Ioane 5:14.
3. Iehova a xatua së ngöne nemene götran?
3 Hapeu, pëhë trenge catre i nyipunie troa cainöj qa ngöne laka epuni a cile kowe la itre ejolene la mel? “Nyidëti a thue egöcatene la ka kucakuca.” (Is. 40:29-31) Hapeu, epuni kö a cile kowe la iaxosisi me icilekeu? “Nuepi koi Iehova la hnei nyidëti hna hamë eö, nge tro nyidëti a sajuë eö.” (Sal. 55:22) Hapeu, kolo kö a nanazij e itre xaa ijin la mejiune i epun? “Trojë, nge tro ni a ce memine la qe i ’ö.” (Eso. 4:11, 12) Hapeu, nango jole tro epuni a cainöj, ke, hetrenyi epuni la ketre sine mec? Iehova a wanga atrune la trenge catre hnei epuni hna kuca cememine la hni ka pexej, ngacama co hi ngo Iehova a acatrene eje hnyawa.—1 Kor. 3:6, 9.
4. Nemene la thangane koi së, e tro sa mejiune koi Iehova?
4 Ime i Iehova “la hna xejë, nge dei la ate troa sa ej?” (Is. 14:27) Pine laka eje the së la mejiune laka, Iehova a amanathithine la huliwa ne cainöje së, haawe, epi tro sa catre troa “qaja catëne göi Iehova.”—Ite hu. 14:3.