Porogaram Koi Wiike Ne 27 Diseba
KOI 27 DISEBA ME WIIKE CILI
□ Ini Tusi Hmitrötr Ne La Ekalesia:
cf mek. 15 ¶8-16
□ Ini Ne Cainöj Qaathei Akötresie:
E Tusi Hmitrötr: 2 Aqane lapa ite Joxu 25-28
Revizio Ne La Ini Ne Cainöj Qaathei Akötresie
□ Icasikeu Ne La Huliwa:
5 men: Itre ithuemacanyi koi së. “Kola Wanga Atrune La Hmi Ne La Hnepe Lapa Hnene La Idrai, Ene Lo Calendrier 2011.” Cainöj.
10 men: Aqane Troa Xatua Së Troa Cainöje Trootro Hnene La Ketre Tulu Ne Cainöj. Troa ce ithanatane la itre mekun hna xome qa hnine la itus École du ministère, götrane 167 uti hë la götrane 168 paragarafe 1. Troa kuca la ketre iamacanyi hnene la ketre trejin ka ithanata caas; qëmekene tro angeice a tro troa cainöj, angeic a pane xome la itre hnepe menetr matre troa eköthe amë ngöne la mekuna i angeic, la ketre tulu ne cainöj, matre troa tro fë la itus thatraqane la treu ka troa xulu.
10 men: Korona Ka Lolo La Iqia. (Ite edomë 16:31) Troa ce ithanatane la itre mekun qa hnine la Annuaire 2010, götrane 110 paragarafe 1-3. Thupene la hna ce ithanatane la itre hna melën, sipone jë kowe la itre atrene la icasikeu troa qaja la itre ini hnei angatr hna kapa.
10 men: Hnëkë Jë Troa Tro Fë La Itre Zonal Ne Januare. Troa ce ithanatan. Xome jë la caasi maine lue menetr matre troa ce wange la aliene la itre zonal. Thupene lai, iëne jë la luetre maine köni hna cinyihan, me sipone kowe la itre trejine troa qaja la itre hnying me itre xötr hnei angatre hna mekun troa xom matre troa tro fë la itre zonal. Iamacanyine jë la aqane troa tro fë lue ej.