Itre Aqane Nyiqaane Ithanata

Aqane Troa Nyiqaane Inine La Tusi Hmitrötr Memine La Itre Atr Ngöne La Pane Mecixen Ne Julai

“Nyimutre la itre atr ka e gufane la itre hnëewekë celë qa ngöne lo Thithi ne la Joxu, kola hape: ‘Jiniati e hlepëtipi la baselaia i enëtilai. Longëtinejë la hanengë i enëtilai e celë fewatine axajanëti e kohoti hnengödrai.’ Ame koi epun, nemene lai Baselaia? [Nue pi troa sa.] Hanawange la ithuemacany hna hamën hnene la xötre celë.” E jë la Daniela 2:44. Thupene lai, amamane jë la kowe la atrene la hnalapa la zonal La Tour de Garde ne 1 Julai, nge ce e jë me ce ithanatane la itre mekun ka eje fene la pane mekune ka tru ngöne la götrane 16. Hamëne pi la lue zonal, nge thele jë troa bëeke hmaca matre troa sa la ketre hnying.

La Tour de Garde 1 Julai

“Pine laka xoxopatre hi la mele së nge nyimutre la itre jol hne së hna cile kow, ene pe kola hnyingë pengöne la mele hnene la ka ala nyim? Hapeu, hnei epuni hë hna hane mekune tune lai? [Nue pi troa sa.] Kola thingehnaeane hnene la Tusi Hmitrötr, laka, tro ha saze la mele së elany. [E jë la Hna Amamane 21:4.] Kola ithanatane hnene la hna cinyihane celë la aja i Akötresie kowe la ihnadro, nge eje mina fe a e wengëne la itre ewekë nyine tro sa kuca, matre troa hetre nyipi aliene la mele së enehila.”

Réveillez-vous! Julai

Qaja jë la ketre hulö ka hlemu ngöne la götrane hne së hna mele ngön. Thupene lai, hnyinge jë ka hape: “Hapeue la mekuna i epun, pine nemene matre kola nue la itre ewekë cili hnei Akötresie? [Nue pi troa sa.] Thenge la hna qaja hnei Tusi Hmitrötr, Akötresieti a utipine la itre atr ka akötr. [E jë la Esodo 3:7.] Ketre, kolo mina fe a qaja koi së hnene la Tusi Hmitrötr la kepin matre Akötresieti a nue la akötr, me amamane laka, calemi hë tro Nyidrëti a apaatrene ej. Celë hi itre mekun hna troa qeje pengöne hnene la hna cinyihane celë.”