Itre Aqane Nyiqane Ithanata

Aqane Troa Nyiqane Inine La Tusi Hmitrötr Memine La Itre Atr Ngöne La Pane Mecixeni Ne Nofeba

“Hapeue la mekuna i epun, ame la itre atr ka thele troa drengethenge Akötresie, tre, ka madrine kö angatr? [Nue pi troa sa.] Kola hamëne hnene la hna cinyihane celë la itre xa mekune ka sisitria.” Amamane jë kowe la atrene la hnalapa la zonal La Tour de Garde ne 1 Nofeba, nge ce e jë me ce ithanatane la itre mekune ka eje fene la pane mekune ka tru ngöne la götrane 16-17. E jë la ketre xötre hna hamëne hë. Thupene lai, hamëne pi la lue zonal, nge thele jë troa bëeke hmaca matre troa sa la ketre hnying.

La Tour de Garde 1 Nofeba

“Kola mekune hnene la itre atr ka hape, ame la hna qaja hnei Tusi Hmitrötr göi troa ce meköle trefën, tre, ka hekö lai nge ka nango jole pala ha e troa trongën. Ngo ame kowe la itre xan, angatre a kapa la hna qaja hnei Tusi Hmitrötr. Nemene fe la mekuna i epun? [Nue pi troa sa.] Hanawange la hna qaja e celë göne la qane la itre trepene meköti ne la Tusi Hmitrötr. [E jë la 2 Timoteo 3:16.] Kola amamane hnene la zonale celë la treene lao mekune qa hnine la Tusi Hmitrötr ka sa la itre hnyinge göi ce meköle trefën. Eje mina fe a qaja la aqane tro sa kepe thangane qa ngöne la itre trepene meköti ne la Tusi Hmitrötr.”

Réveillez-vous! Nofeba

“Maine tro sa thele ewekë me goeëne hnyawa la hnengödrai memine la fen, tro kö a eje the së la mekune celë, laka hetrenyi la ketre Atre Xup, maine itre ewekë lai ka xulu xan? [Nue pi troa sa.] Hanawange la hna qaja hnene la ketre atre cinyihane la Tusi Hmitrötr, ngöne la angeice a goeëne la hnengödrai me fene hnengödrai. [E jë la Roma 1:20.] Kola qaja hnene la hna cinyihane celë la itre ewekë hna öhne hnene la itre atr ka kuci sias göne la itre selil ne la atr, nge ka sajuëne la mekune cili.”