Itre Aqane Nyiqane Ithanata

Ngöne La Kola Inine La Tusi Hmitrötre Memine La Itre Atr Ngöne La Pane Mecixeni Ne Ogas

“Ame enehila, itre atr a goeë Iesu ceitu me medrenge ngöne la trepene a i öni, maine pena ceitu me ketre atr hna athipe hune la sinöe ne iaxösisi. Ngo, tune kaa la mekuna i epun, nemene la pengöi Iesu enehila? [Nue pi troa sa.] Hanawange la hna qaja e celë.” Liine pi la zonal La Tour de Garde ne 1 Ogas, nge ce wange ju la itre mekune fene la pane tane ka co ngöne la götrane 16, memine fe la ca xötre hnei epuni hna iën. Nge hamëne jë la lue zonal, nge isapui ju matre troa bëeke me ce ithanatane la hnyinge thupen.

La Tour de Garde 1 Ogas

“Nyimutre la itre atr ka lapaune kowe la itre iamamanyikeu. Ame itre xan, angatre a luelu. Hapeue la mekuna i epun, ka nyipici kö la itre iamamanyikeu? [Nue pi troa sa.] Ame la hna thingehnaeane celë, ene la ketre iamamanyikeu ka troa traqa elany, tre hna ithue mejiunene la itre atr ka nyimutre. [E jë la ketre xötre hnei epuni hna iën ngöne la götrane 9-10.] Tro la zonale celë a sa la köni mekune ka iajolë hna majemine drenge göi itre iamamanyikeu.”

Réveillez-vous! Ogas

“Ame enehila, nyimutre la itre atr ka xou troa tro casi e jidr. Hapeue la mekuna i epun, ijije kö troa kuca la ketre ewekë matre nango co ju la iakötrë e celë fen? [Nue pi troa sa.] Kola amamane hnene la zonale celë la itre ewekë ka ijije tro asë hi sa kuca matre tro sa mele tingetinge memine la itre atr. Ketre, eje a qeje pengöne la aqane troa eatre elanyi la hna perofetane celë ka ixatua.” E jë la Salamo 72:7.