Porogaram Koi Wiike Ne 7 Januare
KOI 7 JANUARE ME WIIKE CILI
Nyima 104 Me Thith
□ Ini Tusi Hmitrötr Ne La Ekalesia:
fy mek. 11 ¶1-7, itre mekune hna eköhagen götrane 139 (30 men.)
□ Ini Ne Cainöj Qaathei Akötresie:
E Tusi Hmitrötr: Mataio 1-6 (10 men.)
N. 1: Mataio 5:21-32 (Tha tro kö a sasaithe la 4 men.)
N. 2: Nemene Itre Maca Ka Lolo Qaathei Akötresie?—fg g. 3, hnyinge 1 (5 men.)
N. 3: Tro Sa Amamane Tune Kaa La Ihnimi Së Koi Akötresie?—lv g. 5-8 par. 1-6 (5 men.)
□ Icasikeu Ne La Huliwa:
10 men: Itre Mekune Nyine Ixatua Tro Fë Zonale e Januare. Troa ce ithanatan. Qaja jë la kepine matre tro hi la itre atrene la götrane hne së hna cainöje ngön elany a ajane troa e la itre zonal, ngo tha tro kö a sasaithe la ca menetr. Thupene jë hi lai, wange ju lo tane mekune ka mama e cili ngöne la icetröne lai Ita Ne Thup, nge sipone jë kowe la iatrene la icasikeu troa qaja la aqane troa hnyinge kowe la atr hna cainöje kow, nge hnyingëne jë la mekene tusi hnei angatre hna mekune troa e kowe lai atr. Kuca tune ju fe memine lo Réveillez-vous ! nge maine ijije hi la traem, tro fe a hane kuca tune lai memine la ketre tane mekune ne la Ita Ne Thup, maine Réveillez-vous ! pena. Nge e thupen, iamacanyine jë hë la aqane troa tro fë.
10 men: Itre Ihaji Koi Së.
10 men: Kola Atrunyi Iehova Hnene La Uma Ne Baselaia Ka Lolo. Cainöje hna cile fë hnene la ketre qatre thup. Akötresieti ka hmitrötre Iehova. Celë hi kepin, matre loi e tro fe la itre hlue i Nyidrëti a sikusikune troa nyihnyawa angatre kö, memine fe la itre hnei angatre hna hetreny. (Eso. 30:17-21; 40:30-32) Ame la easa nyidrawane pala hi la hnë hmi së, me nyihnyawane hmaca la itre hnepe engazone ej, tre easë hi lai a atrunyi Iehova. (1 Pet. 2:12) Qaja jë la itre ewekë hna melëne ngöne la ekalesia, së maine ngöne la itre ekalesia e cailo pena hna qaja ngöne la itre itus, nge ka amamane la hna mekune hnene la itre atr ngöne la angatr a goeëne la aqane nyi hnyawane pala hi hne së la Uma Ne Baselaia. Hnyinge jë kowe la trejine ka elemekene la huliwa ne nyi hnyawane la hnë hmi së, ka hape, nemene la nyine troa kuca thatraqane la sipu Uma Ne Baselaia së. Nge thupene jë hi lai, ithuecatrene jë kowe la iatrene la icasikeu troa catre nyi hnyawane pala hi la Uma Ne Baselaia së.
Nyima 127 Me Thith