Déjà 100 ans de règne

Ame koi itre ka ajane troa hane sine la Baselaia i Akötresie, ke, nyipiewekë tro angatr a pane inine me atre la pengöne la Baselaia memine la itre hna troa kuca hnene ej. Pine nemen? Pine laka tha eje hmekuje kö a troa acatrene la lapaune i angatr, ka hape, troa musi la Baselaia i Akötresie. Ngo kolo mina fe a upi angatr troa qaja koi itre xan la itre maca ka lolo ne la Baselaia i Akötresie. (Salamo 45:1; 49:3) Ame la epuni a goeëne la video hna hape, Déjà 100 ans de règne, thele jë fe troa sa la itre hnyinge celë:

1. Pine nemene matre ame lo itre ka öhne lo “Photo-Drame de la création” tre, kösë ketre manathithi koi angatr?

2. Nemene la aqane huliwane ekö la radio, matre tro la itre atr a hane drenge la itre maca ka lolo?

3. Nemene la itre xa aqane cainöjëne la itre maca ka lolo, nge nemene hë la thangan?

4. Nemene la aqane kökötre ngöne la itre macatre, la aqane hamëne la ini göi huliwa ne cainöj?

5. Nemene la thangane ka lolo hna kapa hnene la itre ka sine la ini ngöne la Ini ne Gileada?

6. Nemene la aqane inine la itre hlue i Iehova, ngöne la angatr a sine la itre asabele?

7. Nemene la ka anyipicine ka hape, musi hë la Baselaia i Akötresie?

8. Nemene la aqane tro sa isa amamane ka hape, easa sajuëne la Baselaia i Akötresie?