Xatuane Jë La Neköi Epun Troa Akökötrene La Lapaune i Angeic Kowe La Atr Xup Asë

Mama cile hnyawa hi la elolo i Iehova ngöne la itre ewekë hna xup. (Salamo ­19:1-4; 139:14) Ngo kola haöthe la fen hnene la itre ini ka thoi qaathei Satana, göne la qan la mel, nge itre ini lai ka akötrë Akötresie. (Roma 1:​18-​25) Nemene la aqane tro epuni a kuca matre tha tro kö a löthe la itre mekun me cia e kuhu hni ne la itre neköi epun la itre mekun cili? Loi e troa xatua angatr e co petre kö, troa lapaun laka ka mel Iehova, nge Nyidrëti a meku angatr isa ala cas. (2 Korinito 10:​4, 5; Efeso 6:​16) Xometrije pi qa ngöne la itre mekuna i angatr la itre hna ini angatr e koilo hna ini, nge huliwane jë la itre jia ne huliwa së matre ketr la hni angatr.​—Ite Edomë 20:5; ­Iakobo 1:​19.

GOEËNE JË LA VIDEO HNA HAPE, CE QU’ILS EN PENSENT : CROIRE EN DIEU, NGE THUPENE LAI, CE WANGE JË LA ITRE HNYINGE CELË:

• Nemene la hna majemine qaja, göne la mejiune koi Akötresie?

• Nemene la hna ini epuni e koilo hna ini?

• Nemene la ka jelenyipicine koi epuni ka hape, ka mele Iehova?

• Nemene la aqane tro epuni a xatuane la ketre atr troa hane jelenyipicine laka, Akötresieti hi la ka xupe la nöjei ewekë asë?