Qejepengöne Jë La Lapaune i Epun

Nemene la aqane tro epuni a sa, e traqa ju ketre atr hnyingëne la kepine matre epuni a mejiune laka, Akötresieti la ka xup la nöjei ewekë? Lue ewekë nyine tro epuni a kuca. Ame la hnaapan, loi e xecie koi epun laka, hna xup la nöjei ewekë. (Rom. 12:1, 2) Ame la hnaaluen, loi e tro epuni a thele la aqane troa qejepengöne la lapaune i epun.—Ite edomë 15:28.

GOEËNE JË LA LUE VIDEO, KETRE CHIRURGIEN ORTHOPÉDIQUE A QEJEPENGÖNE LA LAPAUNE I ANGEIC ME KETRE ZOOLOGISTE A QEJEPENGÖNE LA LAPAUNE I ANGEIC GÖNE TROA ATRE LA KEPINE MATRE ITRE XAN A MEJIUNE LAKA, HNA XUP LA ITRE EWEKË. THUPENE LAI SA JË CAHU ITRE HNYING:

• 

  Pine nemene matre Irène Hof Laurenceau a lapaun, laka hna xup la itre ewekë, ngo tha kowe kö la ini évolution?

• 

  Pine nemene matre Yaroslav Dovhanych a lapaun laka, hna xup la itre ewekë, ngo tha kowe kö la ini évolution?

• Tro epuni a qejepengöne tune kaa kowe la ketre atr la kepine matre epuni a lapaune laka, hna xup la itre ewekë?

• Nemene la itre hna hnëkëne hnene la organizasio i Iehova ka mama ngöne la qene hlapa i epun, nge ka troa xatua epun me itre xan troa jelenyipicine laka, Akötresieti la ka xup la nöjei ewekë?