Aqane Tro La Lue Trefën a Acatrene La Faipoipo i Nyidro

Aberahama me Sara la ketre tulu ka lolo kowe la itre ka faipoipo. Lue ka ihnim nyidro me imetrötrë. (Gen. 12:11-13; 1Pet. 3:6) Ngo, tha ka pexeje kö nyidro, matre hetre jol hnei nyidroti hna cile kow ngöne la mele ne trefën. Nemene la itre ini nyine tro la itre trefëne a xome qa ngöne la tulu i Aberahama me Sara?

Ifekeune jë la itre mekun. Sa amenyikene jë ngöne la kola qaja la itre trenge ithanata ka akötr hnene la föe i epun. (Gen. 16:5, 6) Thele ijine jë troa ce lapa. Amamane jë la ihnimi epun kowe la föi epun jëne la aqane ithanata me aqane ujë. Ame la ka nyipiewekë tre, ene la troa ce ini Tusi Hmitrötr, ce thith me ce nyihlue i Iehova matre tro palahi Iehova a lapa hnine la faipoipo. (Ate cai. 4:12) Ame la itre faipoipo ka cile hut tre, kola atrunyi Iehova, Atrekë ewekëne la faipoipo.

GOEËNE JË LA VIDEO AQANE TROA ACATRENE LA FAIPOIPO, THUPENE LAI SA JË CAHU ITRE HNYING:

• Nemene la ka amamane laka, Shaan me Kiara a nyiqaane isa kuci mekun?

• Pine nemene matre nyipiewekë troa ifekeune la itre mekun e hnine la faipoipo?

• Nemene la aqane xatua Shaan me Kiara hnene la tulu i Aberahama me Sara?

• Nemene la hna kuca hnei Shaan me Kiara matre acatrene la faipoipo i nyidro?

• Pine nemene matre tha tro kö la lue trefëne a mekun laka, tro pala hi a tro loi la faipoipo i nyidro?