Thupëne Ju La Mele Ne Trefëne i Epun

Ka nyipiewekë catr koi Iehova la faipoipo. Aja i Iehova tro la lue trefën a ihnim. (Ma 19:5, 6) Hetrenyi thene la itre hlue i Iehova la itre trefën ka mele nyipici. Ame pe, pëkö faipoipo ka pexej. Celë hi matre, hetrenyi la itre jol. E traqa ju la itre jol, the tui itre xane kö, troa seihnacil maine isa lapa pena. Nemene la aqane tro la lue trefën a ihnim hnine la faipoipo i nyidro?

Hane hi la 5 lao ewekë nyine tro sa kuca.

1. Thupëne ju la hni epun. The tro kö a wesiwesi koi ketre, maine xome pena la itre nyine iamadrinë ka sis ka troa thë la mele ne trefëne i epun. —Ma 5:28; 2Pe 2:14.

2. Acatrene jë la aqane imelekeu i epun me Akötresie, me aqane imelekeu i epun, lue trefën. —Sa 97:10.

3. Loi e tro palahi a heetrën la thiina ka hnyipixe, nge isa amamane jë la ihnimi epun kowe la föi epun.—Kos 3:8-10, 12-14.

4. Loi e tro palahi epon a ce ithanata me imetrötrekeu.—Kos 4:6.

5. Loi e troa hamën la hna ajan hnene la föi epun cememine la ihnim.—1Ko 7:3, 4; 10:24.

Ame la itre Keresiano a metrötrëne la faipoipo, angatre hi lai a metrötrëne la Atrekë Ewekëne la faipoipo, Iehova Akötresie.

GOEËNE JË LA VIDEO HNA HAPE, LOI E TRO SA “NYENYAPE FË LA XOMI HNIN”—TROA DRENG LA ITRE HNA AMEKÖTINE GÖI ELO, NGE SA JË CAHU ITRE HNYING:

• 

  Ngacama lolo catr la xötrei, ngo nemene jë la itre jol hna troa ixelë memin hnene la lue trefën?

• 

  Nemene la itre trepene meköt ka troa xatuane la lue trefën ka tha iaja hmaca kö?

• 

  Nemene la itre hna amekötin qaathei Iehova thatraqane la itre trefën?

• Maine ajane la lue trefën troa madrine hnine la faipoipo i nyidro, nemene la nyine tro nyidro a kuca?