4 Nue La Ngazo

ALIEN

Ame la epuni a nue la ngazo ne la ketre atr, tre, tha epuni hmaca kö a mekun la ngazo hnei angeic hna kuca koi epun, maine lapa fë trenge hni pena. Ngo ame pe, tha kolo kö lai a hape, easa thinge la lue meke së.

TREPENE MEKÖT NE LA TUSI HMITRÖTR: “Loi e ixomi hninekeune me inuekeune nyipunie, maine hete gele i kete ate koi kete.”​—Kolose 3:13.

“Maine ka hnime së la ketre atr, tha tro kö sa goeëne la ngazo i angeic, ngo tro pe sa goeën la hnei angeic hna thel troa traqa kow.”—Aaron.

ENYIPIEWEKËN

Maine tro palahi epuni a lapa fë elëhni, tro lai a hetre ethan kowe la ngönetrei, me mekuna i epun. Nge tro kö a hetre ethane catr kowe la faipoipo i epun.

“Ame lo ketre drai, hnene la föi eni hna qeje menu koi ni, ke, hetre ewekë hnei nyidrëti hna kuca, nge ka akötrë ni. Jole catre koi ni troa nue la ngazo i nyidrë, ngo celë hi hnenge hna kuca e thupen. Eni a akötre ke, tha canga nue kö ni la ngazo i nyidrë. Celë hi ka ajolëne la aqane imelekeu i nyio.”—Julia.

NYINE TRO EPUNI A KUCA

ISA TUPATHE JË

Maine kola akötrë epun hnene la hna qaja maine kuca hnene la föi epun, hnyinge jë ka hape:

• ‘Eni kö a dreng akötrën?’

• ‘Hapeu, ka akötre catre kö la hna kuca koi ni, matre, loi e tro angeic a qejemenu koi ni? Maine ijijinge hi troa elë hun.’

CE ITHANATANE JË MEMINE LA FÖI EPUN

• Hmitre kö nyio troa iqejemenukeu?

• Nemene la nyine tro nyiso a isa kuca matre troa canga nue la ngazo i ketre?

IXATUA

• Ame la kola akötrë epun, the wange angazone kö la föi epun.

• Thele jë pe la kepin matre angeic a ujë tun, nge the thëthëhmine kö laka “menu hë shë asë ngone la ite ewekë ka nyimute.”—Iakobo 3:2.

“Maine ame kowe la lue trefën ke, ce zöi nyidro la ngazo hna kuca, haawe, hmaloi hi troa nue la ngazo. Ngo, e ame koi ketre ke, tha zö i angeice fe kö, jole catr troa iloi. Nyipiewekë troa hetre hni ne ipië matre troa qeje menu, me nue la ngazo i ketre.”—Kimberly.

TREPENE MEKÖT NE LA TUSI HMITRÖTR: “Saqejë troa iloi.”​—Mataio 5:25.