Hnauëne Laka Pëhë Metrötre Ngöne La Fami?
PINE NEMENE MATRE LOI E TROA IMETRÖTRË NGÖNE LA FAMI?
Ke ej a acatrene la mele ka loi e kuhu hnalapa matre tro la trahmany, me föe, me hanekönatr a lapa tingeting.
Önine la ketre itus (Les couples heureux ont leurs secrets : les sept lois de la réussite) ka hape, ame la lue trefën ka imetrötrekeu, ke “nyimu aqane amamane nyidro e nöjei drai la ihnimikeu i nyidro, ngo tha goi qaja hmekuje kö.”
Itre hna ithel a amamane ka hape, ame la itre nekönatr hna inine troa imetrötrë, ke itre ka madrine ngöne la mele i nyudren. Ketre, lolo la aqane mele i nyudren me keme me thin, nge ka lolo pala hi la itre mekuna i nyudren.
NYINE TRO EPUNI A KUCA
Loi e troa ce eatrën hnene la fami. Ame la hnapan, loi e tro asë hi angatr a atre ka hape, kola hapeue la “metrötr.” Hnaaluen, fejane ju la itre thiina nyine troa trongën, maine trij. Hnaakönin, ce ithanatane jë matre tro asë hi la keme me thine me hanekönatr a atre la pengöne la metrötr.
Amamai tulu jë. Isa hnyinge jë ka hape, ‘Eni kö a qajangazone la itre atrene la fami pine la itre tria i angatr? Eni kö a hnyima fë la itre mekuna i angatr? Tune kaa la ketre a ithanata, eni kö a drei angeice hnyawa, maine eni a thupatën?’
Itre ini nyine trongën: Hnëqa i epun troa metrötrëne la föe i epun, me hanekönatr ngacama tha metrötrë epuni kö hnei angatr.
Ithanatane jë la itre jole ngöne la menyik. Xometrije pi la itre trengewekë ka tune la: “thiina i ö pala pe hi lai” maine “pëkö ca jole i ö.” Ame la itre ithanata hne së hna ihnakeun, celë hi ka nyiqane la itre neköi jole ka co uti hë la kola traqa koi isi.
ITRE HNE HUNI HNA KUCA
Ka nyipiewekë kowe la itre Temoë Iehova la metrötre ngöne la fami. Ketre mekune lai ka mama lapa ngöne la itre tane mekun, me itre itus, me itre boroshür, me itre video hun. Ijije hi tro epuni a hetrenyi la itre itusi cili ka pëkö thupen.
LUE TREFËN: Tro la itre tane mekun ngöne la rubrique qene Wiwi hna hape, De l’aide pour les familles a xatuane la lue trefën matre . . .
tro ketre a atreine drei ketre
tha tro kö a lapa fë wesitr
tha tro hmaca kö a iwesitrë
(Ithele jë ngöne jw.org la hnëewekë “Faipoipo”)
ITRE KEME ME THIN: Tro la itre tane mekun ngöne la rubrique qene Wiwi hna hape, De l’aide pour les familles a xatuane la itre keme me thine troa inine la itre nekö i angatr . . .
troa idrengethenge
troa ixatua e kuhu hnalapa
troa qaja ka hape, “eni a sipon” me “oleti”
(Thele jë ngöne jw.org la hnaewekë “Ini Koi Itre Nekönatr” maine “Ini Koi Itre Thöth”)
Wange ju fe la zonal Hmeke Jë! Na. 2 2019 hna hape, “6 Lao Ini Kowe La Nekönatr” memine la Hmeke Jë! Na. 2 2018 hna hape, 12 lao Jëne Madrine Kowe La Fami” götrane 8-11. (Thele jë la itre tane mekune celë ngöne jw.org)
ITRE JEUNE: Hetreny ngöne la rubrique Adolescents et jeunes adultes ka mama ngöne jw.org qene Wiwi la itre tane mekun, me itre video, me itre fiches de réflexion ka troa xatuane la itre jeune . . .
troa itrotrohni memine la keme me thine i angatr, me itre trejine me angatr
troa atreine ce ithanatane me keme me thine la itre hnei nyidroti hna amekötin
troa atre la nyine kuca matre tro keme me thin a mejiune koi angatr
(Thele jë ngöne jw.org la hnëewekë, “Jeunes” maine “Thöth”)
Ka pë thupene la troa tro kowe la site jw.org. Tha nyipiewekë kö troa abonné, me hamëne la itre ithuemacany göi epun matre troa hane lö kowe la site cili.