Meken 11

Ioane a Hnëkëne La Gojeny

SEMIDRINE hë lao macatre thupene lo hnei Iesu hna hnyinge kowe la itre atre ini ngöne la ēnē; kolo nyidrėti petre kö a nekönatr, a 12 petre hi lao macatre. Easë ngöne la macatre 29 M.K. ngöne lo ijine kola cia koko, nge kola porotrikë Ioane trejine me Iesu, laka, nyidrë a trongëne asë la nöje ezine la hneopegejë e Ioridrano troa cainöj.

Ioane la ketre trahmanyi hna haine hnene la itre atr, hnene la hmae i angeic, nge tune mina fe la aqane cainöje i angeic. Ame la ixetre i angeice ke, pene kamela, nge hna otrëne la sine kupeine öni. Ame la sipu a i angeice ke, sipa me hani ne hnitr. Nge nemene la aliene la maca hnei angeice hna qaja trongën? “Ietraju nyipunie, ke easenyi hë la baselaia ne hnengödrai.”

Kola amejëne la aja ne la itre atr ngöne la angatre a drenge la maca celë. Nyimutre la itre ka trotrohnine laka, nyipi ewekë tro angatre a ietra, ene la troa saaze la aqane ujë i angatr, me troa thipe trije lo aqane mele i angatre hnapan, tune la ketre ewekë ka pui ngazo hë. Celë hi matre, kola uke pi la itre atr ka alanyimu koi Ioane; angatre a traqa qa ngöne la nöjei lapa asë easenyine Ioridrano, me Ierusalema. Ioane a heti angatr, a kola bapataisone ngöne la hneopegejë e Ioridrano. Pine nemene matre kola bapataiso angatr?

Ioane a bapataisone la itre atr nyine nyi hatren, maine nyine anyipicine laka, angatre a nyipi ietrane la itre ngazo i angatr, ene lo itre thiina i angatre ka isazikeu catre memine la wathebo i Akötresie. Celë hi matre, ame la kola traqa la itre Faresaio me itre sadukaio e Ioridrano, Ioane a jelë angatr, ka hape, itre atr ka ngazo. Öni angeice koi angatre ka hape: “Ite nekö i une fe. Wa wene pi nyipunie ka cei tune memine la ietra; nge the mekune kö troa qaja e kuhu ite hni nyipunie, ka hape, Aberahama la keme shë; ke ini a qaja koi nyipunie, ateine Akötesie troa nyi matra i Aberahama qa ngöne la hnënge etë celë. Nge ame hi la hna ati zene la ine la nöjei sinö; nge ame la nöjei sinöe ka tha wa loi kö tro ha sha tij, me kuiëne kowe la eë.”

Hnene laka, hlemu catre Ioane, ame hna upe koi angeice hnene la itretre Iudra, lo itretre huje me angetre Levi. Angatre a hnyingë angeice ka hape: “Dei nyipë?”

Öni Ioane ka hape: “Tha Keriso fe kö ni.”

Angatre a hnyingëne ju ka hape: “Ngo dei kö? Elia nyipë?”

Öni angeic, ka hape, “Ohea.”

“Perofeta cili nyipë?”

“Pëkö!”

Ame hnei angatre hna catre fë troa thele ithahnata me qaja ka hape: “Ngo dei kö nyipë? mate tro huni a qaja koi angete upi hun. Nemene la ewekë i nyipë göi nyipëti kö?”

Öni Ioane jë hi ka hape: “Ini la aqane ewekë ne la ate hë ngöne la hnapapa, ka hape, Amekötine jë la kala i Joxu, tune lo hnei Isaia perofeta hna ulatin.”

Angatre a hnyinge koi angeice ka hape: “Hna uë nyipëti a bapataiso, maine tha Keriso kö nyipë, nge kete tha Elia kö, nge kete tha perofeta cili pena?”

Angeice a sa ka hape: “Ini a bapataiso hnei tim, ngo kola cile nyipi nyipunie la kete hnei nyipunieti hna tha ’te, nyidëti la ate tropi hutröng.”

Ioane a hnëkëne la gojenyi nyine jëne la itre atr troa kapa hnyawa la Mesia, lo ka troa Joxu. Kola qeje nyidrë hnei Ioane ka hape: “Tro ha traqa la ka hlemu e koho hung, tha ijiji ni kö troa shenge la otene la lue tenge ne hnatrapaca i anganyidë.” Nge kola qaja fe hnei Ioane ka hape: “Kola tropi hutrönge la ate ka sisitia hung; ke hna pa i anganyidë, nge pinge pe.”

Qa ngöne lai, ame lo maca hna tro fë hnei Ioane, hna hape, “easenyi hë la baselaia ne hnengödrai,” ke, celë hi nyine thuemacane asë la nöjei atr laka, easenyi hë matre nyiqaane jë la cainöje i Iesu, lo joxu hna iëne hnei Iehova. Ioane 1:6-8, 15-28; Mataio 3:1-12; Luka 3:1-18; Ite Huliwa 19:4.

▪ Ka tune kaa lae Ioane?

▪ Pine nemene matre Ioane a bapataisone la itre atr?

▪ Pine nemene matre kola qaja hnei Ioane ka hape, easenyi hë la Baselaia?