Meken 30
Iesu a Sa Kowe La Itretre Jele Ngazo Nyidrë
AME la kola jele ngazo nyidrë hnene la itretre Iudra pine thaa metrötrëne la sabath, Iesu a sa koi angatre ka hape: “Hnei Kakati hna huliwa uti hë enehila, nge eni fe a huliwa.”
Ngacama hetrenyi la itre Trenge Wathebo göi sabath, hna amexeje hnene la itre Faresaio, ngo thaa ka ihmeku kö itre eje memine la huliwa hna kuca hnei Iesu. Akötresieti la ka upi Iesu troa cainöje me aloine la itre trene mec, nge tui Tretretro, nyidrë a kuca pala hi la hnëqa hna athipe koi nyidrë ngöne la nöjei drai. Ngo eje hi laka, kola elëhni hnene la itretre Iudra pine la aqane sa i nyidrë la hnying, matre angatre a mekune troa humuthi nyidrë. Pine nemen?
Pine laka, angatre a mekune ka hape, Iesu a ena la itre wathebo göi sabath, nge nyidrë a pi tru hnene la nyidrëti a qaja ka hape, hupuna i Akötresieti nyidrë. Ngo pëkö xou thei Iesu, nyidrëti pe a qaja atrune la enyipi ewekëne la aqane imelekeu i nyidrë me Akötresie. Nyidrëti a qaja ka hape: “Kola hnime la Neköne hnei Tretretro, me amamane koi angeice la nöjei ewekë asë hnei nyidëti hna kuca.”
Öni nyidrëti fe ka hape: “Ke Tetetroti a acilënejë la nöjei wezipo, kete tune la Nekön’ a kola amelene la ite hnei angeice hna ajan.” Eje hi laka, kolo hë a amelene la itre ka meci ngöne la ua, hnene la Hupuna! Iesu a qaja fe ka hape: “Ame la ate denge la tenge ewekëng, me lapaune koi nyidëti ate upi ni, koilo hë qa ngöne la meci kowe la mel.” Nge öni nyidrëti fe: “Calemi la ijin, nge enehila, la troa denge la aqane ewekë ne la nekö i Akötesie hnene la nöje i ka meci hë; nge ame la angete denge, te, tro ha mel.”
Eje hi laka, pë petre kö atr hnei Iesu hna amelene qa hna mec, ngo nyidrëti pe a qeje pengöne kowe la itre ka jele ngazo nyidrëti ka hape, tro ha eatre la iamele cili. Öni nyidrëti ka hape: “The sheshëköte kö ene lai, ke calemi hë la ijine tro la nöje i ate ngöne la ite hua a denge la aqane ewekë i angeic, me tropi.”
Kola mama laka, uti hë la ijine celë, thaa ase fe kö Iesu ekö qeje pengöne hnyawa la hnëqa i nyidrë ka sisitria thenge la aja i Akötresie. Ngo atraqatre kö la itre nyine anyipicine la itre ewekë celë hna öhne hnene la itretre jele ngazo nyidrë, hune la itre hnei nyidrë hna sipu anyipicin. Iesu a amekunë angatre ka hape: “Hnei nyipunie hna iupi koi Ioane, nge angeic’ a aeatene la nyipici.”
Thaa paatre hnyawa pala kö lo lue macatre hmekune la Ioane bapataiso a qaja kowe la itre hene hmi ne Iudra, la pengöne la atr ka troa traqa thupei angeic. Iesu a amekunë angatre hmaca la etrune ekö lo metrötre i angatre koi Ioane, laka, hna akalabusine hë enehila, öni nyidrëti koi angatre ka hape: “Nge aja i nyipunie troa madine la ehudumene thei angeice ngöne la kete ijin.” Iesu a qaja hmaca lai, me thele troa xatua angatr, me amele angatr. Ngo eje hi laka, thaa nyipi ewekë kö koi nyidrë la hna anyipicine hnei Ioane.
“Ame la nöjei huliwa hnei Tetetroti hna hamë ni troa umuth [tune la iamamanyikeu hnei nyidrëti hna kuca], celë hi nöjei huliwa hnenge hna kuca nyine anyipici ni kö laka hnei Tetetroti hna upi ni.” Ngo e hune la nöjei nyine anyipicine cili Iesu a qaja fe ka hape: “Nge ase hë anyipici ni hnene la Tetetro ate upi ni.” Akötresieti a anyipici Iesu ngöne lo ijine kola bapataiso nyidrë, öni Nyidrë: “Dei la Nekönge hniminang.”
Nyipici, pëkö kepine ka ijije kowe la itretre jele ngazo Iesu troa thipe triji nyidrë. Eje e hnine la Tusi Hmitrötre la itre nyine anyipici nyidrë! Thupene lai, Iesu a qaja ju koi angatre ka hape: “Maine hnei nyipunie hna kepe Mose, maine kepe ni fe hë, ke hnei angeice hna cinyanyi ni. Ngo maine tha kapa kö hnei angeice la ite hnei angeice hna cinyihan, tro nyipunie a kapa tune ka la nöjei tenge ewekëng?” Ioane 5:17-47; 1:19-27; Mataio 3:17.
▪ Pine nemene matre thaa kolo kö a ena la wathebo göi sabath, hnene la huliwa hna kuca hnei Iesu?
▪ Tune kaa la aqane qeje pengöne Iesu la hnëqa i nyidrë ka sisitria thenge la aja i Akötresie?
▪ Itre hna anyipicine hnei drei a hna xome hnei Iesu nyine troa amamane hnyawa laka, Hupuna i Akötresieti nyidrë?