Meken 41

Iesu e Nyipine La Icilekeu

THUPENE la hna kepe Iesu hnei Simona, nyidrëti a bëeke hmaca jë a tro Galilaia troa cainöj; hnaaluene tronge i nyidrëti lai. Ngöne lo pane traqa nyidrëti ngöne la götrane cili, ce nyidrëti memine lo itretre pane drei i nyidrë, ene Peteru, me Anederea, me Iakobo, me Ioane. Ngo enehila, ce nyidrëti hë memine lo 12 lao aposetolo nyidrë, nge itre xaa föe fe, ene Maria Magadalena, Susana me Ioana, lo ifëneköne la ketre tane i Heroda joxu.

Ketre, kola catrehnine pala hi la icilekeu, qa ngöne laka kola kökötre trootro la huliwa ne cainöje i Iesu. Hna tro fë koi Iesu la ketre atr hna löthe hnei dremoni, ka timeke me hum. Ame ngöne la Iesu a thepe angeice qaathene la itre dremoni, nge kola öhne hnene la itre atr laka, ewekë hë nge goe hë angeic, haawe, angatre a hai nyidrë. Öni angatre ka hape: “Hape u, tha nekö i Davita kö nyidëti la?”

Thatreine kö Iesu me itretre drei nyidrëti troa xeni hnyawa, pine laka, kola icacaxenyi la nöjei atr xötreithe la uma hnei angatre hna lapa ngön. E hnine la itre atr ka mekune laka, nyidrëti hi lo “neköi Davita,” hna thingehnaeane hë ekö, hetrenyi mina fe la itretre cinyihan, me itre Faresaio, angatre a traqa qaa Ierusalema troa qaja angazo nyidrë. Haawe, ame la kola drenge hnene la itre sinee i Iesu la itre ithahnata ka tro göi Iesu, angatre a mekune ju troa xölehuji nyidrë. Pine nemen?

Eje hi laka, ketre thaa hane fe kö lapaune hnene la itre sipu trejine me Iesu, laka, nekö i Akötresieti nyidrë. Ketre, thaa celë kö lo Iesu hnei angatre hna ce tru memine e Nazareta; angeice a aciane la gomegome ngöne la nöj. Qa ngöne lai, angatre a mekune ka hape, traqa ha la menu koi nyidrë. Öni angatre ka hape, “Hmo hë nyidë,” nge angatre fe hë a thele troa xölehuji nyidrë me thei nyidrë.

Pëkö ka atreine troa jele thoine laka, hna aloine hnei Iesu la atr hna löthe hnei dremoni. Atre hnyawa hi la itretre cinyanyi me itre Faresaio, laka, thatreine kö angatre troa juetrëne la ewekë celë hna kuca hnei Iesu. Haawe, angatre a thele ju troa jele ngazo Iesu, me qaja kowe la itre atr ka hape: “Thei nyëne Belezebuba, nyën’ a helëne la ite demoni hnene la tixene la nöjei demoni.”

Ngo atre hë Iesu la mekune i angatr, nyidrëti a hëne jë la itretre cinyanyi memine la itre Faresaio, me qaja koi angatre ka hape: “Ame la baselaia ka kete göi ishi, te, tro ha pë wen; nge ame la lapa maine lapa ka cahae ka kete göi ishi, te, tha tro kö a cile hut. Nge maine Satana a helë Satana, nyën’ a kete göi ishi me nyëne kö, nge troa cile huti tune ka la baselaia i nyën?”

Drei la enyipicine la trenge ewekë celë! Pine laka, itre Faresaio a qaja ka hape, hnene la itre xane e angatre hna hane helëne la itre dremoni, haawe, Iesu a hnyingë angatre ka hape: “Nge maine ini a helëne la nöjei demoni hnei Belezebuba, te, ite nekö i nyipunie a helën’ ite eje hnei dei?” Ka eatre hnyawa kö koi angatre la trenge ewekë i angatre koi Iesu. Nge öni nyidrëti fe koi angatre ka hape: “Ngo maine ini a helëne la nöjei demoni hnene la Uati Akötesie, hawe, traqa ha la baselaia i Akötesie koi nyipunie.”

Nyidrëti a hamëne fe la ketre ceitune ka troa jele nyipicine laka, ka catre kö la musi nyidrë hui Satana; öni nyidrëti ka hape: “Nge troa lö tune ka la ate kowe la uma ne la ate cat, troa thöeëne la tenge nyi angeic, maine tha hna pane othe kö la ate cat? Ame hna thöeëne pi la uma i angeic. Ame la ate tha ce enexöle kö me ini, te, ithupëjia me ini nge ame la ate tha ce xawane kö me ini, te, kola isa ëthepi.” Kola mama hnyawa laka, kola icilekeu la itre Faresaio me Iesu, nge angatre hi la itre hlue i Satana. Angatre a ajeane qaathei Iesu la angetre isaraela.

Celë hi matre, Iesu a thuemacane la itretre icilekeu me nyidrë, hlue i Satana, ka hape, “ame la nyi tru ne la ate kowe la Uati Hmitöt, te, tha tro kö a nue tij.” Nyidrëti a qeje pengöne ka hape: “Nge ame la ate jele ngazone la Nekö i ate, te, tro kö a nue tije lai; ngo ame la ate jele ngazone la Uati Hmitöt, te, tha tro kö a nue tije lai ngöne la mele celë, nge kete pëkö ngöne la ka troa traqa.” Hna kuca hnene la itretre cinyanyi memine la itre Faresaio, la ketre ngazo hna thatreine kö troa seng, ngöne laka, hnei angatre hna pi icilekeu, me qaja pena ha ka hape, Satana la qaane la itre iamamanyikeu, ngo thaa atrune pe angatre la uati hmitrötre i Akötresie, ene la sipu qaane lai itre iamamanyikeu. Mataio 12:22-32; Mareko 3:19-30; Luka 8:1-13; Ioane 7:5.

▪ Nemene la ewekë ka isa pengöne kö hna öhne ngöne la hnaaluene tronge i Iesu a tro Galilaia, qa ngöne lo hnapan?

▪ Pine nemene matre kola thele hnene la lapa i Iesu troa xölehuji nyidrë?

▪ Tune kaa la aqane thele hnene la itre Faresaio, troa jele thoine la itre iamamanyikeu i Iesu, nge nemene la aqane lepe trije nyidrë la itre trenga thoi i angatr?

▪ Nemene la ngazo ne la itre Faresaio, nge pine nemen?