Meken 60
Ahnuene La Lolo i Keriso Ngöne La Baselaia i Nyidrë
AME ngöne la Iesu a traqa e Kaisaria Filipi, nyidrëti a inine jë la itre atr; itre aposetolo i nyidrëti fe hnine la ka ala nyimu cili. Nyidrëti a thuemacanyi angatre la ketre ewekë nyine hain: “Nyipici ini a qaja koi nyipunie, ame la ite xane ka cil’ e celë, te, tha tro kö a mec, uti hë e öhnë hë angate la Nekö i ate kola traqa ngöne la baselaia i angeic.”
Maine jë kola hnyinge la itretre drenge ka hape, ‘Nemene jë la aliene la trenge ewekë i Iesu?’ Caa wiike thupen, Iesu a thei Peteru jë, me Iakobo, me Ioane kowe la ketre wetr ka draië catr. Maine jë jidrijidri hë, ke kola pi meköle hnene la itretre dreng. Ame ngöne la Iesu a thith, nyidrëti a ketre pengöne pi qëmeke i angatr. Kola hadrehadreu la iqëmeke i nyidrë, tune la jö, nge kola wiëwië fe la ixetre i nyidrë tune la lai.
Nge hanawang, lue atr, “Mose me Elia,” kola mama me ithahnata me Iesu, göne la ‘elelengë i nyidë hna troa aeaten’ e Ierusalema.’ Ame la elelengë cili, ke ene la meci Iesu, nge thupene lai kola mele hmaca hnei nyidrë. Qa ngöne lai, kola jele nyipicine hnene la porotrike celë, thaa tro kö Iesu a thele troa neëne la mec, tune lo aqane mekune i Peteru.
Hlë hnyawa ha la itretre dreng, angatre a drenge me haine la ewekë hnei angatre hna goeën. Nge ngacama ketre ewekë ka mama, ngo Peteru hë a hane sine la porotrik, hnene laka, kösë lo thaa kolo kö a pu; öni angeice ka hape: “Joxue, jiniati nyishëti e jötëtia munëti e celë; zimaine enëtilai a hanengëtine jötëti nyihunieti a hmenengëtine la ite uma ne heta ka könite; thatraxajawai enëtilai la kete, nge thatraqai Mose la kete, nge thatraqai Elia la kete.”
Thaa fenesi petre kö Peteru ithahnata, hanawange la iawe ka lai kola he angatr; nge hanawang, la aqane ula qa hnine la iawe kola hape: “Dei la nekönge hniminang, ini a madi nyidë; dei nyidëti ju nyipunie.” Ame ngöne la kola drenge hnene la itretre drenge la aqane ula, haawe, angatre a kei qeipië ju. Ngo Iesu a qaja koi angatre ka hape: “Cilejë, nge the qou kö.” Ame la angatre a mejë, Iesu caasi pe hi.
Nge elanyi hë, ame ngöne la angatre a uti qa hune la wetr, öni Iesu koi angatre ka hape: “The qajaqaja kö koi kete ate lo ka mama, [“uti hë,” MN ] mele hmaca ha la nekö i ate qa hna mec.” Pine la hna mama hnei Elia, haawe, kola hnyinge hnene la itretre dreng, me hape: “Ngöne nemenëti la hna ulatine hnei angete cinyihany, ka hape, Jötëtia hlepëti pa i Elia?”
Öni Iesu ka hape, “traqa ha Elia, nge tha wangatehmekunyi angeice kö hnei angat.” Iesu pe a qeje Ioane bapataiso, atre huliwa tui Elia. Hnei angeice hna hnëkëne la gojenyi Iesu, tui Elia hna hnëkëne la jë i Elisaia.
Drei la ketre ewekë ka mama, ka acatrene la lapaune ne la itretre dreng, me Iesu! Kolo hi a canga amamane la hnepe lolo i Keriso ngöne la Baselaia i nyidrë. Eje hi laka, hna öhne hnene la itretre drenge la “Nekö i ate kola traqa ngöne la baselaia i angeic,” tune lo hna thingehnaeane hnei Iesu, caa wiike hë enehila. Thupene la hna meci hnei Iesu, Peteru a cinyihane jë ka hape, angatre la ‘angetre öhne la lolo i Keriso, nge angatre petre kö thei nyidrë ngöne la wetre ka hmitrötr.’
Hna hnyingë Iesu hnene la itre Faresaio troa kuca la ketre iamamanyikeu, nyine troa anyipicine laka, nyidrëti hi lo hna thingehnaeane hnei Tusi Hmitrötr, nge nyidrëti hi la hna troa iëne hnei Akötresie troa joxu. Thaa hna hamë angatre kö la iamamanyikeu cili. Ngo hna aijijëne pe la itretre dreng, angetre ce tro hnyawa me nyidrë, troa hane öhne la kola ketre pengöne hnei nyidrë; celë hi ewekë ka aeatrëne la itre hna perofetane göi Baselaia. Qa ngöne lai, hna cinyihane pë hë thupene hnei Peteru ka hape: “Hetenyi hë huni la wesi ula hna perofetane ka cile huti cat.” Mataio 16:13, 28–17:13; Mareko 9:1-13; Luka 9:27-37; 2 Peteru 1:16-19.
▪ Tune kaa la aqane öhnyi Keriso kola traqa ngöne la Baselaia i nyidrë, hnene la itretre dreng, qëmekene tro angatre a mec?
▪ Nemene la hna ithahnatane hnei Mose, me Elia, me Iesu, ngöne la angatre a mama kowe la itretre dreng?
▪ Pine nemene matre, ketre ithuecatre ka tru kowe la itretre drenge la kola mama hnei Iesu me Mose me Elia?