Meken 90

Mejiune Kowe La Melehmaca

IESU a traqa enehila ezine e Bethania, ketre hlapa ka tru, a 3 kilomet qaa Ierusalema. Ma xalaithe hi la itre drai qa ngöne la kola meci me kelemi Lazaro. Kolo pala hi a treije hnei Maretha me Maria, nge ala nyimu la itre atr ka traqa troa akeukawanyi nyidro.

Ngöne la nyidroti a treij, kola traqa la ketre atr troa thuemacanyi Maretha ka hape easenyi hë matre traqa pi hë Iesu. Haawe, nyidroti a nyimenyime troa ixelë me nyidrë, nge thaa thuemacanyi Maria kö. Ame la kola traqa qëmeke i Iesu, ke, Maretha a qaja koi nyidrë la hnei nyidro me Maria hna qaja lapaane ngöne la foa lao drai ka ase hë kola hape: “Maine hne i cilieti kö la, maine tha meci kö la xang.”

Ngo, kola mama laka hetre mejiune Maretha jëne la itre trenge ewekë i nyidro ka hape atreine pala kö tro Iesu a kuca la ketre ewekë göi xa i nyidro. Öni nyidro ka hape: “Ate hë ni laka, tro Akötesie a hamë cilie la nöjei ewekë hnei cilie hna troa sipo anganyidë.”

Iesu a ulatine koi nyidro ka hape: “Tro ha mele hmaca la xa i nyipo.”

Öni Maretha pala kö ka hape Iesu a qaja la melehmaca epine e celë fen, melehmaca hna treqene hnei Aberahama me itre xaa hlue i Akötresie, matre nyidroti a hape: “Ate hë ni laka tro angeic’ a mele hmaca ngöne la ijine mele hmaca, ngöne la drai hnapin.”

Ngo, jëne la aqane sa i Iesu, ke, hetre ewekë nyine ixatua me nyine akeukawan, öni nyidrëti ka hape: “Ini hi la mele hmaca, memine fe la mel.” Nyidrëti a amekunë Maretha ka hape hnei Akötresieti hna hamë nyidrëti la mene troa mus hune la mec, kola hape: “Ame la ate lapaune koi ni, ngacama meci hë, te, tro angeic’ a mel; ame la ate mele me lapaune koi ni, te, tha tro kö angeic’ a meci epine palua.”

Thaa Iesu kö a mekune laka tro la itre nyipi hlue i Akötresie a mele ngöne la hneijine i nyidrë, nge thaa tro kö angatre a hane mec. Ame la aliene la trenge ewekë i nyidrë, ke, ene laka ame la ka mele nyipici me lapaune koi nyidrë, ke, atreine tro angeice a hetrenyi la mele ka thaa ase palua kö. Ala nyimu thene la itre ka troa hetrenyi la mele ka thaa ase palua kö, ange hna troa pane amelene hmaca ngöne la drai hnapin. Ngo, troa mele pe qa ngöne la pune la fene celë hnene la itre ka nyipici e celë fen; haawe troa eatre koi angatre la itre trenge ewekë i Iesu. Thaa tro kö angatre a mec! Thupene la hna ithahnata celë, Iesu a hnyinge koi Maretha ka hape: “Hape u, nyipoti a kapa lai?”

Öni nyidroti koi nyidrë ka hape: “Ejëti hi Joxu; ini a kapa, cilieti la Keriso, la Hupuna i Akötesie, la ka troa traqa e celë fen.”

Thupene lai, Maretha a canga bëeke jë troa hëne juetrëne la trejine me nyidro. Nge nyidroti a qaja ka hape: “Traqa ha la Ate ini, nge nyidëti a hnyingë nyipo.” Ame hnei Maria hna canga lö pi qa hnine la uma. Ame la kola öhnyi nyidro e tro hnei itre xan, ke, angatre fe a ixötrethenge, ke, kola mekune ka hape nyidroti a tro kowe la hua.

Maria a easenyi koi Iesu, ame hnei nyidro hna kei kowe la lue ca i Iesu, me treij, nge kola hape: “Joxu, maine hne i cilieti kö la, maine tha meci kö la xang.” Tru la utipine i Iesu la kola öhnyi Maria e treij, nge kola ce tro me nyidro hnene la ka ala nyim. Nyidrëti a hnyingëne ka hape: “E ka la hnei nyipunie hna ami angeic?”

Öni angatre a sa ka hape: “Joxu, jötëtijë fe ma xajawatin.”

Iesu a ketre treij, nge angetre Iudra a qaja ka hape: “Hana wange la etrune la ihnimi nyidëti koi angeic!”

Kola mekune hmaca hnene la itre xane la hna kuca hnei Iesu kowe la ketre nekö trahmanyi ka timeke qaane la hna hnahon, laka goe hë nyën, ngöne la ijine pui ne xeni ne uma ne hunuma, nge angatre a isa hnyinge ka hape: “Tha ’teine kö la ate cili, lo ate fe la lue meke ne la timek, troa shawa mate tha meci kö la ate celë?” Ioane 5:21; 6:40; 9:1-7; 11:17-37.

▪ Traqa Iesu eu e Bethania, nge nemene la ewekë ka traqa e cili?

▪ Nemene la ka upi Maretha troa lapaune kowe la melehmaca?

▪ Nemene la ka amamane laka tru catre la hleuhleu i Iesu la kola meci hnei Lazaro?