Meken 105

Kola Nyiqaane La Ketre Drai Ka Nyipi Ewekë Catr

AME ngöne la jidri ne thupene hmi, Iesu a tro qaa Ierusalema, me lö e Bethania, ketre lapa ngöne la götrane cahmiju ne la wetre Elaio. Kola fenesi e cili la hnaaluene drai ne cainöje tixenuë i Iesu e Ierusalema. Maine jë Iesu a tro troa meköle thei Lazaro, enehmu i nyidrë. Hnaafoane jidri nyidrëti la e Bethania qaane lo drai ka tru, ijine traqa nyidrëti e Ieriko.

Easë enehila ngöne la drai menu 11 Nisan. Canga ilë petre kö Iesu me itretre drei nyidrë, nge angatre a xome la gojenyi ne tro Ierusalema. Ka nyipi ewekë catre la drai celë; ketre drai ka tru ejolene kö hune lo itre xaa drai ne cainöjëne nyidrë la maca ka loi. Troa öhnyi nyidrë tixenuë hnine la ēnē. Ketre drai la, nyidrëti a troa cainöje tixenuë kowe la ka ala nyim, qëmekene troa kootrë nyidrë me humuthi nyidrë.

Haawe, Iesu me itretre drei nyidrëti a xome la gojenyine tro Ierusalema, me wetre Elaio thenge, tune e cili lo. Ezine la gojenyine tro Bethania, Peteru a öhne la sinöe hnei Iesu hna ëjine eidri lo hmakany. Öni angeice koi nyidrëti ka hape: “Rabi, hane xajawatin, fitë hë lo hmejienge nöi enëtilai hna ëjin.”

Ngo nemene la kepine matre, Iesu a humuthe la sinöe cili? Nyidrëti a qaja la kepine ka hape: “Nyipici ini a qaja koi nyipunie, maine nyipunie a hetenyi la lapaun, nge tha luelue hni kö, te, tha tro kö nyipunie a kuca hmekuje kö lo hna kuca kowe la hmejieng, ngo maine tro nyipunieti a qaja kowe la wete celë [wetre Elaio, e cili hnei angatre hna cile ngön], ka hape, Köte jë eö, mate keipi eö e kuhu hnagejë; te tro ha eat. Nge nöjei ewekë asëjëihë hnei nyipunie hna troa sipone ngöne la thith, e kola lapaun, te, tro nyipunieti a heteny.”

Hnei Iesu hna kuca matre troa fitre la sinöe, ke nyidrëti a ajane troa amamane kowe la itretre drei nyidrëti laka, nyipi ewekë tro angatre a lapaune koi Akötresie. Öni nyidrëti koi angatre ka hape: “Ame la nöjei ewekë asë hnei nyipunie hna troa sipone ngöne la thithi, te, lapaune ju laka tro nyipunie a kapa, ame hna kapa hnei nyipunie.” Ketre ini la ka sisitria catr, nyine troa xome hnei angatr, pine laka, angatre a troa qëmeke kowe la itre itupathi ka tru. Ngo eje hi laka, hetrenyi kö la ketre aqane troa qeje pengöne la meci ne lai isinöe, memine la pengöne la lapaun.

Ceitune la nöje Isaraela memine la hmejieng, laka, aqane ujë ka iaö. Ngacama hna isisinyikeu hnene la nöje me Akötresie, nge kola pune mama ka hape, angatre a xötre thenge la itre hna amekötin, ngo eje hi laka, qati kö la lapaun, thaa ka hamë wene ka loi kö. Haawe, pine laka thaa ka lapaune kö, eje a troa thipetrije la Hupuna i Akötresie! Qa ngöne lai, Iesu a kuca matre troa meci la hmejieng, nyine amamane la pune kowe la nöje Isaraela, ka thaa wa wene kö, nge ka pëkö caa lapaun.

Thupene lai, Iesu a ce lö me itretre drei Nyidrëti e Ierusalema. Tune lo hnei angatre hna majemin, angatre a tro kowe la ēnē, nge e cili Iesu a inine la itre atr. Thaa hna thëthëhmine kö hnene la itretre huje memine la itre qatre ne la nöj, lo ewekë hnei nyidrëti hna kuca eidri kowe la itre ka itö mani; matre angatre a thele iwesitrë me hnyinge koi nyidrëti, ka hape: “Hnene la musi dei hnei nyipëti hna kuca la nöjei ewekë cili? Nge hnei dei hna hamë nyipë la musi cili, mate kuca la ite ewekë cili?”

Öni Iesu e sa ka hape: “Tro pena ni a hnyingë nyipunie kete ewekë, nge e sa jë nyipunie koi ni, kete tro ni a qaja koi nyipunie la musi hnenge hna kuca la nöjei ewekë cili ngön. Ame la bapataiso i Ioane, te, qa hnengödrai, qa thei ate?”

Kola ce thele mekune hnene la itretre huje memine la itre qatr, matre troa sa la hnying. Nge angatre a ce ithahnatane me hape: “Maine tro sha qaja, Qa hnengödrai, te, tro ha angeic’ a hape, Ngaca ue lae nyipunie laka tha kepe angeice kö? Ngo e tro sha qaja ka hape, Qa thei ate; angat’ a qouene la nöjei ate; ke hnei angat’ asë hna kepe Ioane kösë perofeta.”

Haawe, pine laka, thatreine kö angatre troa sa koi Iesu, öni angatre koi nyidrë ka hape: “Tha’ te kö hun.”

Öni Iesu jë koi angatre ka hape: “Kete tha tro kö ni a qaja koi nyipunie la musi hnenge hna kuca la nöjei ewekë cili ngön.” Mataio 21:19-27; Mareko 11:19-33; Luka 20:1-8.

▪ Nemene ewekë ka ketre pengöne ka traqa ngöne la drai menu 11 Nisan?

▪ Nemene la itre ini hna troa xom, qa ngöne la hnei Iesu hna amecine la hmejieng?

▪ Nemene la aqane sa Iesu kowe la itre ka hnyingë nyidrë, göi musi ka upi nyidrë troa kuca la itre xaa ewekë?