Meken 112
Iesu a Hnëkë Troa Atrune La Paseka Tixenuë i Nyidrë
FENESI hë la drai menu 11 Nisan. Ase hë Iesu hamë ini kowe la itre aposetolo i nyidrë hune la wetre Elaio. Drei la ketre drai ka jole koi nyidrë, ngöne laka, pëkö hna mano, nge kucakuca catre nyidrë! Maine jë, angatre hë a bëeke troa meköle e Bethania, Iesu a qaja kowe la itre aposetolo i nyidrë ka hape: “Ate hë nyipunieti laka ciköni la paseka, nge tro ha wanaxoeëne la Nekö i ate mate [“athipe hune la sinoë,” MN ].”
Nge elanyi hë, drai hnacian 12 Nisan, Iesu a ce lapa memine la itre aposetolo i nyidrë ngöne la ketre götrane gaa tingeting. Atre hnyawa hi nyidrëti laka, kola thele troa humuthi nyidrë hnene la itre keme ne hmi, pine laka, hnei nyidrëti e eidri hna qaja la itre gele i angatr. Qa ngöne lai, thaa iamamanyi pi kö nyidrë la drai celë, ke, nyidrëti a ajane troa hane ce atrune memine la itre aposetolo la Paseka, ngöne la jidri ka troa traqa.
Ame ngöne la ijine cili, kola icasikeu hnene la itre tane i angetre huj, me itre qatre ne la nöj, ngöne la uma ne la tane i angetre huj, Kaiafa la ëjen. Hna ketri angatre hnene la aqane jele ngazo angatre hnei Iesu, matre angatre hë a iemane troa xölouthi nyidrë troa humuth, jëne la trenge iaö. Ngo angatre pe a qaja ka hape: “The hnene kö ngöne la pui ne xen, wanga gomegome la nöj.” Angatre a qouene la nöj, pine laka, hnimi Iesu catr.
Ame ngöne la ijine kola thele hnene la itre keme ne hmi troa humuthi Iesu, angatre a öhne la kola tro koi angatre la ketre atr. Angatre a sesëkötre ke, kola traqa koi angatre hnei Iuda Isakariota, ketre aposetolo i Iesu, hna löthe hnene la mekune ka ngazo qaathei Satana, matre troa wanaxoeëne la joxu i angeic. Angatre a madrine ngöne la kola hnyingë angatre hnei Iuda, ka hape: “Nemene la ewekë tro nyipunieti a hamë ni matre tro ni a wanaxoeë angeice koi nyipunie?” Angatre a canga xome la 30 lao manie sileva, ene la thupene la ketre hlue thenge la hna amekötine hnene la Trenge Wathebo i Mose. Qaane ju hi lai, Iuda a thele la ketre ijine ka loi matre troa wanaxoeë Iesu, ngo thaa tro kö a ce memine la ka ala nyim.
Kola nyiqaane la 13 Nisan, ngöne la drai hnacian, ngöne la kola lö la jö. Traqa ha Iesu e Ieriko ngöne la drai ka tru, hnaasikisine nge jidri tixenuë i nyidrëti pe hi la e Bethania. Ame hë elany, drai ka co, kola troa kuca asë pe lo itre ewekë thatraqane la Paseka ka troa nyiqaane ngöne la kola lö la jö. E cili, kola troa humuthe la mamoe ne Paseka, me dreuthe asë ej. Angatre a troa atrune ekaa la pui ne xen, nge drei la ka troa hnëkëne lai?
Thaa hnei Iesu petre kö hna iupi troa kuca lai, maine jë wanga tro Iuda a thuemacane la itre tane i angetre huj, nge xölehuji nyidrëti jë ngöne la kola atrune la Paseka. Ngo enehila, maine jë hnaipajö ne drai ka co hë, Iesu a upi Peteru me Ioane qaa Bethania, me qaja ka hape: “Lue tro jë nyipo, nge hnëkëne jë la paseka thatraqai shë troa xen.”
Nyidroti a hnyinge ka hape: “E kati la nöi cilieti hna ajane mate tro nyiho a hnëkëne ngön?”
“Hana wang, e traqa nyipoti kowe la lapa, tro nyipoti a ixelë me kete ate kola ajöne la ge ka hmu; xötre thenge angeice jë kowe la uma hnei angeice hna lö kow. Nge tro nyipoti a qaja kowe la tixene uma ka hape, Önine la Ate ini, hapeju koi ’ö, E ka la eëkö ne la ite tenyiwa, mate tro ni me angete dei ni a xeni paseka ngön? Nge tro angeic’ a köjane koi nyipo la hnahage atraqat’ e koho hna haöth, hnëkëne ju e cili.”
Maine jë ame la atrekë umane lai, ke, ketre atre drei Iesu, ka treqene tro Iesu a sipo angeice troa pane xome la uma i angeic, thatraqane hi la drai ka ketre pengöne cili. Eje hi laka, ame la Peteru me Ioane a traqa e Ierusalema, nyidroti a öhne asë lo lai itre hnei Iesu hna amexeje hë koi nyidro. Haawe, angatre a thele troa canga hnëkëne la neköi mamoe, me kuca lo itre hna amekötine matre ijije tro la 13 lao atr, Iesu memine lo 12 lao aposetolo i nyidrë, a atrune la Paseka. Mataio 26:1-5, 14-19; Mareko 14:1, 2, 10-16; Luka 22:1-13; Esodo 21:32.
▪ Nemene la hnei Iesu hna kuca ngöne la drai hnacian, nge pine nemen?
▪ Nemene icasikeu la hna kuca thene la tane i angetre huj, nge nemene kepine matre kola tro hnei Iudra troa wange la itre keme ne hmi?
▪ Drei la hnei Iesu hna upe a tro Ierusalema ngöne la drai ka co, nge kola troa kuci nemen?
▪ Nemene la hna traqa öhne hnene lo lue hnei Iesu hna upe a tro Ierusalema, a ketre nyine tro hmaca a anyipicine laka, hetrenyi thei nyidreti la mene troa kuca la itre iamamanyikeu?